Увечары 25 верасьня праваабаронцы Марфе Рабковай выставілі абвінавачаньне паводле ч. 3 арт. 293 Крымінальнага кодэкса (навучаньне ці іншая падрыхтоўка асобаў для ўдзелу ў масавых беспарадках, альбо фінансаваньне такой дзейнасьці), паведамляе праваабарончы цэнтар «Вясна».
Пяць актывістаў «Эўрапейскай Беларусі» сталі фігурантамі крымінальнай справы «аб масавых беспарадках» па арт. 293 Крымінальнага кодэксу. Пра гэта паведамляе тэлеграм-канал грамадзянскай кампаніі «Эўрапейская Беларусь».
Сустаршыня страйкавага камітэту «Беларуськалію» Анатоль Бокун, асуджаны на 25 сутак адміністрацыйнага арышту, абвясьціў галадоўку, паведаміў страйкам «Беларуськалію» ў Тэлеграме.
У Магілёве супрацоўнікі ўпраўленьня па барацьбе з арганізаванай злачыннасьцю затрымалі мясцовага жыхара Аляксея Пахомава паводле абвінавачаньня ў арганізацыі ці ўдзеле ў масавых беспарадках 9 верасьня ў Менску.
Прэм’еру спэктакля вядомага беларускага драматурга Андрэя Курэйчыка «Пакрыўджаныя. Беларусь(сія)», пастаўленую ўкраінскім незалежным «Дзікім тэатрам», гледачы віталі воплескамі і выгукамі «Брава» і «Жыве Беларусь!».
У Расеі ў Астраханскай вобласьці адбыўся асноўны эпізод стратэгічных камандна-штабных вучэньняў «Каўказ-2020». У вучэньнях узялі ўдзел 80 тысячаў расейскіх вайскоўцаў, а таксама тысяча вайскоўцаў з 6 краін, у тым ліку з Беларусі
Рэальнасьць Беларусі пры кіраваньні Лукашэнкі і будучыня Расеі Пуціна пасьля абнуленьня? Абмяркоўваюць гісторык Андрэй Зубаў, журналісты Ігар Карней, Аляксандар Рыклін, Дзьмітрый Навоша і вядучы Міхаіл Сакалоў.
Беларуская праваабарончая супольнасьць прызнала Сьцяпана Латыпава палітычным зьняволеным, паведамляе «Вясна». Агулам у сьпісе праваабаронцаў ужо больш за 70 палітвязьняў.
Адмова шэрагу дзяржаваў прызнаць Аляксандра Лукашэнку прэзыдэнтам Беларусі супярэчыць міжнароднаму праву і зьяўляецца ўскосным умяшаньнем ва ўнутраныя справы гэтай дзяржавы — заявіў Дзьмітры Пяскоў, прэсавы сакратар прэзыдэнта РФ Уладзіміра Пуціна.
Міністэрства інфармацыі зьвярнулася ў суд з пазовам аб спыненьні выпуску інтэрнэт-выданьня TUT.BY. Гэта азначае, што па рашэньні суду TUT.BY можа страціць статус сродку масавай інфармацыі, аднак зможа працягнуць сваю працу ў якасьці інтэрнэт-рэсурсу без статусу СМІ.
25 верасьня старшыня Эўрапейскай рады Шарль Мішэль з трыбуны Генасамблеі ААН заявіў, што Эўразьвяз не прымае сфальсыфікаваных вынікаў прэзыдэнцкіх выбараў, паведамляецца на сайце Эўрапейскай рады.
Сёньня Святлана Ціханоўскі сустрэлася з намесьнікам памочніка дзяржсакратара ЗША Джорджам Кентам
Як далей будзе разьвівацца палітычны працэс у Беларусі? Хто лідэр беларускіх пратэстаў? Як улады бачаць сабе вырашэньне крызісу? Гэтыя тэмы ў «Праскім акцэнце» абмяркоўваюць блогер Сяргей Лаўрыненка і палітычныя аналітыкі Арцём Шрайбман і Віталь Цыганкоў
І чаму беларускія пратэстоўцы ня вераць у афіцыйныя вынікі выбараў? У статыстычных анамаліях разьбіралася Ганна Шаманская з «Настоящего времени» ў сваім аўтарскім праекце ШАМАНСКАЯ ОБЪЯСНЯЕТ.
Беларускі міліцыянт Сяргей Курачкін звольніўся з органаў унутраных спраў 20 жніўня 2020 году — у разгар пратэстаў. Ён згадзіўся расказаць «Настоящему времени», як прыняў рашэньне звольніцца, чым яму дапамаглі валянтэры і што ён робіць цяпер, пасьля падачы рапарту.
З наступнага году Літва ня будзе пастаўляць Беларусі рэзэрву электраэнэргіі — 100 мэгават — у сувязі з завяршэньнем будаўніцтва Беларускай АЭС.
Швэцыя ня лічыць Аляксандра Лукашэнку легітымным прэзыдэнтам Беларусі, напісала ў сваім Твітэры швэдзкая міністарка замежных справаў Ан Ліндэ.
Уладзімір Пуцін прапанаваў Злучаным Штатам «абмяняцца гарантыямі неўмяшаньня ва ўнутраныя справы адно аднаго, уключаючы выбарчыя працэсы». Заява пра гэта апублікаваная ў пятніцу на сайце Крамля. Яна не прымеркаваная да нейкіх пэўных падзеяў.
Больш за 200 беларускіх брэндаў трапілі ў «чорны сьпіс» каманды Blacklist 2020. Яго стваральнікі заклікаюць да эканамічнага супраціву рэжыму Лукашэнкі і падтрымкі сумленнага бізнэсу.
«Усё павінна быць зроблена для таго, каб, па-першае, у Беларусі прайшлі прызнаныя грамадзтвам выбары; па-другое, беларускае грамадзтва, як і грамадзтва іншых краін, мае права на свабоду, права на дэмакратыю і права прымаць рашэньні адносна сваёй краіны і яе ўладаў» - прэзыдэнт Польшчы
Нядаўна ў Горадні на акцыі пратэсту затрымалі цяжарную, але намесьніка прэм’ера Ігара Петрышэнку хвалюе не беспадстаўная жорсткасьць сілавікоў, а тое, што жанчыны самі абіраюць, як распараджацца часам у дэкрэтным адпачынку.
25 верасьня Міністэства замежных спраў Латвіі апублікавала пашыраны санкцыйны сьпіс па Беларусі, куды ўвайшоў 101 чалавек. Свой сьпіс апублікавала і МЗС Эстоніі, там 98 новых прозьвішчаў.
Праз студэнцкія тэлеграм-каналы быў абвешчаны сядзячы пратэст, студэнты слухалі музыку, сьпявалі песьні.
Аляксандра Дзікан, жонка аднаго з затрыманых топ-мэнэджараў ІТ-кампаніі PandaDoс Віктара Куўшынава, разам з сынам паехала ва Ўкраіну, бо атрымала папярэджаньне аб магчымым перасьледзе.
Пакуль яна знаходзіцца на Акрэсьціна. Ці зможа вярнуцца хутка дадому, невядома
Партыя «Голас», якая мае ў Вярхоўнай Радзе Ўкраіны сваю фракцыю (19 з 423 дэпутатаў агульнага складу парлямэнту), патрабуе ад ураду ўвядзеньня пэрсанальных санкцый супраць Аляксандра Лукашэнкі. Заяў аб непрызнаньні прэзыдэнцкіх выбараў у Беларусі ўжо недастаткова, лічаць у фракцыі.
Аляксандар Лукашэнка перад магчымым увядзеньнем санкцый Эўразьвязу за фальсыфікацыю прэзыдэнцкіх выбараў і гвалт сілавікоў выступіў са сваімі прапановамі зьмен у адносінах з кріанамі Захаду.
Галоўны рэдактар «Нашай нівы» Ягор Марціновіч знаходзіцца ў ізалятары на Акрэсьціна. Яго падазраюць паводле артыкулу 188 Крымінальнага кодэксу (паклёп).
У судзе прысутнічаў толькі адзін адвакат Калесьнікавай — Аляксандар Пыльчанка. Другі яе адвакат, Людміла Казак, знаходзіцца ў ІЧУ на Акрэсьціна.
Намесьнік кіраўніка гарадзкой адміністрацыі Ялты ў анэксаваным Крыме Міхаіл Загорцаў пазбавіўся сваёй пасады за падтрымку антыўрадавых пратэстаў у Беларусі
На раптоўнай інаўгурацыі Аляксандра Лукашэнкі ў першых шэрагах знаходзілася сям’я Лукашэнкі, а таксама высокапастаўленыя чыноўнікі: міністры і сілавікі, напрыклад дзяржсакратар Рады бясьпекі і генпракурор, некаторыя дэпутаты парлямэнту.
Як паведаміла Адар’я Гуштын, жонка зьняволенага галоўнага рэдактара «Нашай нівы», яе мужу прыслалі позву ў суд.
Адвакат Максім Знак зьняволены, ён тыдзень трымае галадоўку. З гэтай нагоды абаронцы Максіма запісалі відэазварот.
Першы прэзыдэнт СССР Міхаіл Гарбачоў заявіў расейскаму выданьню «Подъём», што ўважліва сочыць за тым, што адбываецца ў Беларусі.
«Так, пляную займацца па прафсаюзнай лініі — дапамогай работнікам усіх сфэраў дзейнасьці ў працоўных пытаньнях».
Сябра прэзыдыюму Каардынацыйнай рады, палітык Вольга Кавалькова расказвае пра сваю цяперашнюю ролю ў радзе, пра абставіны гвалтоўнага ад’езду зь Беларусі і ранейшае супрацоўніцтва з Ганнай Канапацкай.
Трэнэр Аляксандар Румо, які да 23 верасьня ўзначальваў юнацкую (U-17) зборную Беларусі па хакеі, сказаў, што падаў у адстаўку з прычыны разыходжаньня палітычных поглядаў.
Расейскі апазыцыйны палітык Аляксей Навальны да завяршэньня курсу рэабілітацыі застанецца ў Нямеччыне. Выздараўленьне можа заняць некалькі тыдняў, паведаміла ў чацьвер прэс-сакратарка Навальнага Кіра Ярмыш.
Анатоль Котаў аддаў дзяржаўнай службе амаль 20 гадоў. 18 жніўня ён звольніўся з пасады намесьніка начальніка аддзелу фінансаваньня дзяржаўных органаў галоўнага фінансавага ўпраўленьня кіраўніцтва справаў прэзыдэнта Беларусі.
24 верасьня пасьля 11 сутак зьняволеньня з ізалятару на вуліцы Акрэсьціна выйшлі журналісты Уладзь Грыдзін і Аляксандар Васюковіч, паведамляе карэспандэнт Свабоды.
Пра гэта старшыня Горадзенскага аблвыканкаму Ўладзімер Каранік расказаў падчас сустрэчы 22 верасьня з акторамі драматычнага эатру. Запіс размовы трапіў у рэдакцыю Hrodna.life.
У бліжэйшыя дні Латвія, Літва і Эстонія пашыраць сьпіс пэрсанальных санкцыяў для беларускіх чыноўнікаў, у якім неўязнымі будуць абвешчаны каля 100 чалавек.
Пра гэта напісаў у Твітэры Эўдун Галвурсэн, дзяржаўны сакратар (намесьнік міністра) МЗС Нарвэгіі.
24 верасьня Менскі гарадзкі суд разгледзеў скаргу адваката Ільлі Салея на рашэньне Партызанскага раённага суду Менску, які адмовіў у задавальненьні скаргі на ўзяцьце Салея пад варту.
Пісьменьніца Яўгенія Пастарнак; прадстаўніца фэм-групы Каардынацыйнай рады, гендэрная экспэртка Юлія Міцкевіч і журналістка Наста Захарэвіч – пра фэномэн беларускага жаночага супраціву, скрадзеныя ўладай фарматы «жаночых форумаў» і сілу крэатыву супраць дубінкі.
Літоўскі парлямэнт 24 верасьня прыняў заклік да ўраду пашырыць сьпіс беларускіх чыноўнікаў, якім забаронены ўезд у Літву ў сувязі зь іх дачыненьнем да фальсыфікацыі выбараў і рэпрэсіяў.
Пра гэта паведамляе агенцтва Reuters, спасылаючыся на ананімныя крыніцы, «знаёмыя з пытаньнем».
24 верасьня Каардынацыйная рада, створаная для ўрэгуляваньня палітычнага крызісу ў Беларусі, выступіла са зваротам з нагоды ўступленьня Лукашэнкі на шосты прэзыдэнцкі тэрмін.
Амаль траціна ўкраінцаў у сытуацыі з масавымі пратэстамі пасьля выбараў у Беларусі падтрымлівае Аляксандра Лукашэнку, паведамляе «Украінська правда» са спасылкай на вынікі апытаньня Кіеўскага міжнароднага інстытуту сацыялёгіі.
У першай палове дня 24 чэрвеня каля амбасады Літвы ў Менску на вуліцы Захарава прайшоў пікет прыхільнікаў дзейнай улады. Каля трох дзясяткаў чалавек зь дзяржаўнымі сьцягамі ўсталі насупраць амбасады непадалёк ад уваходу. Відэа акцыі зьявілася ў тэлеграм-канале «Мотолько помоги».
Загрузіць яшчэ
