Амаль траціна ўкраінцаў у сытуацыі з масавымі пратэстамі пасьля выбараў у Беларусі падтрымлівае Аляксандра Лукашэнку, паведамляе «Украінська правда» са спасылкай на вынікі апытаньня Кіеўскага міжнароднага інстытуту сацыялёгіі.
Паводле інстытуту, 45,3% усіх украінцаў падтрымліваюць беларусаў, якія выходзяць на вуліцы пратэставаць супраць гвалту і фальсыфікацыі выбараў прэзыдэнта.
Аляксандра Лукашэнку падтрымліваюць 31,3% рэспандэнтаў.
На захадзе краіны падтрымка Лукашэнкі складае 20,3%, у цэнтры 26,5%, на поўдні 42%, на ўсходзе 44,9%.
Падтрымка ж удзельнікаў пратэстаў у Беларусі разьмяркоўваецца наступным чынам: захад — 58,5%, цэнтар — 50,6%, поўдзень — 32,6%, усход — 29,7%.
