Сьпікер Вярхоўнай рады Ўкраіны Андрэй Парубій адмяніў запрашэньне для назіральнікаў Парлямэнцкай асамблеі рады Эўропы на датэрміновыя парлямэнцкія выбары, якія пройдуць ва Ўкраіне 21 ліпеня.
Мы спыталі ў замежнікаў, ці можна ў Беларусі пражыць безь беларускай мовы і чаму за гады жыцьця ў нашай краіне яны так і ня вывучылі беларускую мову.
Суд у Кіеве на запатрабаваньне Сьледчага камітэту Беларусі арыштаваў кватэру, якую «за карупцыйныя грошы» купіў сын былога генэральнага дырэктара ААТ «Агат — электрамэханічны завод» Віктара Прыёмкі.
Тэрмін экстрадыцыйнага арышту беларускага грамадзяніна Ўладзімера Юрчанкі, выдачы якога дамагаецца МУС Беларусі, заканчваецца 25 ліпеня.
Паводле папярэдняй інфармацыі, на Данбасе загінуў 21 грамадзянін Беларусі.
Бацька ўкраінца Паўла Грыба, асуджанага расейскімі ўладамі па абвінавачваньні ў садзейнічаньні тэрарызму, апублікаваў ліст сына з расейскага зьняволеньня.
Урад Беларусі ўхваліў праект міжнароднай тэхнічнай дапамогі ад Эўрапейскага зьвязу, накіраванай на падтрымку дэмаркацыі беларуска-ўкраінскай мяжы. Аб’ёмы дапамогі не ўдакладняюцца.
На сёньняшнім паседжаньні Цэнтральная выбарчая камісія Ўкраіны, сярод іншага, разгледзела пытаньні рэгістрацыі кандыдатаў ад партыі «Рух новых сілаў Міхэіла Саакашвілі».
У адной з найбуйнейшых сыстэм пошуку авіябілетаў Skyscanner перасталі паказвваццца рэйсы ў аэрапорт Сімферопаля ў анэксаваным Расеяй Крыме.
Хлопец з Салігорску не вярнуўся ў сваю вайсковую частку пасьля водпуску, у час якога паехаў ваяваць за адну з самаабвешчаных рэспублік на ўсходзе Ўкраіны.
Прэзыдэнт Украіны Ўладзімір Зяленскі падпісаў указ аб прадстаўленьні ўкраінскага грамадзянства 14 замежным грамадзянам, якія абаранялі тэрытарыяльную цэласнасьць краіны на Данбасе. Сярод іх два грамадзяніна Беларусі.
Прарасейскі палітык Віктар Медвядчук выказаў гатовасьць перадаць украінскаму боку ў Менску чатырох палонных з Данбасу. Колькі ўсяго ў палоне і чаму няма абменаў?
Старшыня палітрады партыі «Апазыцыйная плятформа — За жыцьцё» Віктар Медвядчук зьвярнуўся да кіраўнікоў груповак «ДНР» і «ЛНР» з просьбай вызваліць украінскіх палонных, якія знаходзяцца на акупаваных тэрыторыях Данбаса.
Паплечнік прэзыдэнта Ўкраіны Уладзімера Зяленскага раскрытыкаваў дэмарш украінскай дэлегацыі ў Парлямэнцкай асамблеі Рады Эўропы. Старшыня партыі «Слуга народа» Дзьмітрый Разумкаў назваў выхад з ПАРЭ немэтазгодным, піша «Украінская праўда».
Суд у Кіеве скасаваў рашэньне аб перайменаваньні Маскоўскага праспэкта і праспэкта генэрала Ватуціна ў праспэкты Сьцяпана Бандэры і Рамана Шухевіча.
Прэзыдэнт Украіны Ўладзімір Зяленскі выказаў шкадаваньне з нагоды вяртаньня паўнамоцтваў Расеі ў Парлямэнцкай асамблеі Рады Эўропы.
Кіраўнік украінскай дэлегацыі ўдакладніў, што дэлегацыя вырашыла спыніць удзел у працы ПАРЭ, акрамя пытаньняў, зьвязаных з пазбаўленьнем паўнамоцтваў расейскай дэлегацыі.
25 чэрвеня Цэнтральная выбарчая камісія Ўкраіны абнародуе канчатковы сьпіс зарэгістраваных кандыдаты ў дэпутаты Вярхоўнай Рады.
У Кіеве сёньня праходзіць Марш роўнасьці — гэта адно з мерапрыемстваў у межах «КіеўПрайда». Акцыя ў абарону правоў ЛГБТ праходзіць пад абаронай паліцыі.
Украінскія вайскоўцы возьмуць удзел у «Маршы роўнасьці» ў Кіеве ў нядзелю. Пра гэта ў сваім фэйсбуку напісаў былы служачы дабравольніцкага батальёна «Данбас» Віктар Піліпенка.
Асноўная вэрсія гібелі дэпутата Вярхоўнай Рады Ўкраіны Дзьмітрыя Тымчука — самагубства. Менавіта такую вэрсію разглядае сьледзтва, паведамляе карэспандэнт Радыё Свабода.
Рэктар Кіеўскага нацыянальнага ўнівэрсытэту імя Тараса Шаўчэнкі Леанід Губерскі разарваў на патрабаваньне студэнтаў пагадненьне з выкладчыкам Андрэем Партновым. Перад гэтым адміністрацыя ВНУ мелася прызначыць яго на пасаду прафэсара катэдры канстытуцыйнага права юрыдычнага факультэту.
Заснавальнік Украінскай праваслаўнай царквы Кіеўскага патрыярхату патрыярх Філарэт (Дзенісенка) паведаміў, што такое рашэньне прыняў скліканы ім у Кіеве царкоўны сабор.
Прэзыдэнт Украіны Ўладзімер Зяленскі падпісаў Указ аб стварэньні Офісу прэзыдэнта Ўкраіны — ён зьявіўся на сайце АП 20 чэрвеня.
Міжнародная сьледчая група паведаміла, што падазраваныя ў зьбіцьці самалёта Malaysia Airlines на Данбасе ў 2014 годзе каардынавалі дзеяньні з «кіраўніком» анэксаванага Расеяй Крыму Сяргеем Аксёнавым і памочнікам прэзыдэнта Расеі Ўладзіміра Пуціна Ўладзіславам Сурковым.
Сьцьвярджаюць, што нібыта выпадкова застрэліўся.
У сераду, 19 чэрвеня, будуць абвешчаныя новыя вынікі двух расьсьледаваньняў у справе зьбітага над Данбасам у 2014 годзе самалёта рэйсу «Малайзійскіх авіялініяў» MH17.
У Кіеве адбыўся выбух, у выніку чаго былі зьнішчаныя тры гаражы, пашкоджаны газаправод, разьбітае шкло ў вокнах суседніх жылых будынкаў, а таксама пашкоджаныя чатыры машыны.
МУС Расеі пачало выдаваць расейскія пашпарты жыхарам сэпаратысцкіх рэспублік на Ўсходзе Ўкраіны. Пра гэта паведамляе РБК са спасылкай на крыніцы, блізкія да Міністэрства ўнутраных спраў.
Рада ЗША ў пытаньнях геаграфічных назваў вырашыла зьмяніць напісаньне сталіцы Ўкраіны з Kiev на Kyiv. Пра гэта паведамляе ў сваім фэйсбуку амбасада Ўкраіны ў Вашынгтоне.
Вайсковае камандаваньне Ўкраіны абвясьціла аб стварэньні ў складзе сухапутных войскаў Узброеных сілаў асобнага танкавага батальёну «для абароны краіны на поўначы».
Тры мільёны грамадзян Украіны скарысталіся бязьвізавым рэжымам выезду ў Эўразьвяз з 11 чэрвеня 2017 году, калі гэты рэжым пачаў дзейнічаць, паведаміла Дзяржаўная памежная служба Ўкраіны.
У Парыжы падыходзіць да канца судовы працэс супраць дасьледніцыСэсіль Вэсье, якая напісала кнігу пра расейскія сеткі ў Францыі. Некаторыя з названых ёю асобаў, якія прасоўваюць інтарэсы Крамля ў Францыі, падалі ў суд на прафэсарку, бо не жадаюць, каб іх успрымалі як сяброў маскоўскага рэжыму.
Прэзыдэнт Украіны Ўладзімір Зяленскі звольніў 15 кіраўнікоў абласных дзяржаўных адміністрацый, паведаміў намесьнік кіраўніка Адміністрацыі прэзыдэнта Руслан Рабашапка.
Шэсьць чалавек загінулі пры пажары ў адэскай псыхіятрычнай клініцы 10 чэрвеня. Яшчэ пяць чалавек шпіталізаваныя з атручваньнем ўгарным газам.
Вялікая палата Канстытуцыйнага суду Ўкраіны пачала слухаць справу аб канстытуцыйнасьці ўказу прэзыдэнта Ўладзіміра Зяленскага аб роспуску Вярхоўнай Рады і прызначэньні пазачарговых выбараў на 21 ліпеня.
Былы прэзыдэнт Украіны Пятро Парашэнка гатовы стаць прэмʼер-міністрам у выпадку перамогі сваёй партыі «Эўрапейская салідарнасьць» на датэрміновых парлямэнцкіх выбарах.
Ва Ўкраіне ў нядзелю прайшлі перадвыбарчыя зьезды партыяў цяперашняга і ранейшага прэзыдэнтаў краіны, Уладзіміра Зяленскага і Пятра Парашэнкі. На зьездах былі прадстаўленыя сьпісы кандыдатаў у дэпутаты Вярхоўнай Рады на выбарах, якія павінны прайсьці 21 ліпеня.
Чаму аксамітныя рэвалюцыі 1989 году былі такімі хуткімі і пасьпяховымі? Ці наступіў канец гісторыі? Ці разьвіваецца сьвет да лепшага?
Міты — неадʼемны спадарожнік гісторыі, заявіў у інтэрвію Свабодзе ўкраінскі гісторык, выкладчык Кіеўскага нацыянальнага ўнівэрсытэту Арцём Папакін з нагоды заявы пра тое, што знойдзены ў Беларусі старажытны шалом нібыта належаў князю Ізяславу.
Контравыведка СБУ ўзмацняе кантроль за несанкцыянаванымі паездкамі ўкраінскіх афіцэраў у Беларусь.
Прэзыдэнт Украіны Уладзімер Зяленскі абвінаваціў Расею ў абвастрэньні становішча на Данбасе. Па апошніх дадзеных, у ноч на 7 чэрвеня пад абстрэламі загінулі двое ўкраінскіх вайскоўцаў Нацыянальнай гвардыі «Азоў» і 10 чалавек былі параненыя.
Cуд у Днепрапятроўскай вобласьці Ўкраіны зацьвердзіў зьдзелку са сьледзтвам абвінавачаных у замаху на актывістку Кацярыну Гандзюк і прызначыў ім пакараньне, паведамляе «Украінская праўда». У ліпені 2018 году на яе быў зьдзейсьнены напад, яна памерла ад атрыманых траўмаў.
30 траўня прэзыдэнт Украіны Ўладзімір Зяленскі ўнёс у Раду праекты пастановаў аб звальненьні міністра абароны Сьцяпана Паўтарака, міністра замежных справаў Паўла Клімкіна і старшыні Службы бясьпекі Ўкраіны Васіля Грыцака.
Закон таксама ўводзіць забарону на экстрадыцыю з тэрыторыі Ўкраіны замежных добраахвотнікаў, якія ваявалі на Данбасе ў складзе ўрадавых войскаў.
Міністар замежных справаў Расеі Сяргей Лаўроў заяўляе, што яго краіна зацікаўленая, каб «Украіна была пасьпяховай дзяржавай з эканомікай, якая разьвіваецца». Пра гэта кіраўнік расейскай дыпляматыі заявіў у інтэрвію РБК перад пачаткам 6 чэрвеня эканамічнага форуму ў Санкт-Пецярбургу.
На яго думку, украінскі бок «устане на калені перад агрэсарам», калі цяпер адновіць эканамічныя сувязі з так званымі «ДНР» і «ЛНР».
Упершыню за паўтара месяца ў Менску прайшло паседжаньне Трохбаковай кантактнай групы па ўрэгуляваньні сытуацыі на Данбасе.
Падчас свайго візыту ў Брусэль прэзыдэнт Украіны Уладзімір Зяленскі даў інтэрвію карэспандэнту Радыё Свабода Грыгорыю Жыгалаву. Плянавалася, што яно пройдзе падчас ранішняй прабежкі ў сталіцы Эўрапейскага Зьвязу, але з прычыны надвор’я гутарка адбылася ў спартовай залі.
Прэзыдэнт Украіны Уладзімір Зяленскі прыбыў у штаб-кватэру Паўночнаатлянтычнага альянсу і сустрэўся з генэральным сакратаром NATO Енсам Столтэнбэргам, паведамілі ў Адміністрацыі украінскага прэзыдэнта.
Загрузіць яшчэ
