Прэзыдэнт ЗША Джо Байдэн у аўторак пагутарыў па тэлефоне з прэзыдэнтам Расеі Ўладзімірам Пуціным. Гэта была першая размова Байдэна з расейскім лідэрам з моманту ўступленьня новага прэзыдэнта на пасаду.
Беларускі бок папрасіў Кітай павялічыць закупкі калійных угнаеньняў. Гэтая тэма падымалася падчас тэлефоннай размовы Аляксандра Лукашэнкі і старшыні КНР Сі Цьзіньпіна 26 студзеня.
Юрыста заснаванага Аляксеем Навальным Фонду барацьбы з карупцыяй, беларуса Ўладлена Лася, невядомыя вывезьлі на мяжу зь Беларусьсю. Пасьля гэтага ён даехаў да аэрапорту і пакінуў краіну.
Кіраўнік дыпляматыі Эўразьвязу Жузэп Бурэль вітаў тое, што зьняволены блогер і мэдыякансультант Радыё Свабода Ігар Лосік спыніў 42-дзённую галадоўку.
Колішні палітвязень Юры Васкрасенскі назваў людзей, пра амністыю якіх будзе прасіць улады.
Прэмʼер-міністар Італіі Джузэпэ Контэ ў аўторак падаў у адстаўку. Пра гэта паведамілі ў канцылярыі прэзыдэнта Сэрджыё Матарэлы.
Новы ўрад Эстоніі па чале з прэм’ер-міністаркай Каяй Калас у аўторак прынёс прысягу ў парлямэнце (Рыйгікогу).
Праўладная Фэдэрацыя прафсаюзаў Беларусі пачала зьбіраць подпісы работнікаў бюджэтнай сфэры пад зваротам на адрас Міжнароднай арганізацыі працы (МАП).
Прэзыдэнт Расеі Ўладзімір Пуцін рэкамэндаваў Дзярждуме падрыхтаваць законапраект аб забароне публічнага атаясамліваньня роляў СССР і нацысцкай Нямеччыны ў Другой сусьветнай вайне і прыняць яго падчас вясновай сэсіі.
У Кіеве 26 студзеня адбылася ўрачыстая цырымонія ўзнагароджаньня беларуска-ўкраінскай літаратурнай прэміяй «Воін сьвятла» імя Міхася Жызьнеўскага, які сем гадоў таму загінуў падчас масавых акцый пратэсту ва Ўкраіне ў выніку супрацьстаяньня паміж мірнымі пратэстоўцамі і сілавікамі.
Лукашэнка правёў шэраг новых прызначэньняў. Аляксандар Вальфовіч стаў новым дзяржсакратаром Савету бясьпекі Беларусі.
У адказ на намер уладаў склікаць 11–12 лютага Ўсебеларускі народны сход паўстала онлайн-ініцыятыва «Сход: плятформа народных прадстаўнікоў». Свабода пагутарыла з вылучэнцам у альтэрнатыўныя дэлегаты інжынэрам-праграмістам Андрэем Дзечкам, і пацікавілася, якія мэты ён перад сабой ставіць.
Былы супрацоўнік расейскай «фабрыкі троляў» расказаў Свабодзе пра тое, як яна працуе
Аляксей Алексін, гаспадар кіёскаў «Табакерка», расстаўленых па ўсёй краіне, пазбавіўся афіцыйнай долі ў таварыстве з абмежаванай адказнасьцю «Сінезіс», якое ў сьнежні 2020 году трапіла пад санкцыі Эўразьвязу. Адзіным уладальнікам «Сінезісу» застаўся Аляксандар Шатроў.
У судзе Савецкага раёну 26 студзеня пачынаецца працэс над былым студэнтам 3 курсу БДУІР Арцёмам Вінакуравым. Яму інкрымінуюць артыкул 342 — арганізацыя і падрыхтоўка дзеяньняў, якія груба парушаюць грамадзкі парадак.
Прэзыдэнт ЗША Джо Байдэн у панядзелак скасаваў уведзеную ягоным папярэднікам Дональдам Трампам забарону на службу трансгендэраў ва ўзброеных сілах, паведамі «Голас Амэрыкі».
Сьвятлана Ціханоўская плянуе абмеркаваць зь міністрамі замежных справаў ЭЗ выключэньне Белтэлерадыёкампаніі з Эўрапейскага вяшчальнага саюзу
Сёньня ў Менскім гарадзкім судзе былі паказаныя два відэа, за якія блогеру Паўлу Сьпірыну выставілі абвінавачаньне за «наўмысныя дзеяньні, накіраваныя на распальваньне сацыяльнай варожасьці паводле сацыяльнай прыналежнасьці» (130-ы артыкул Крымінальнага кодэксу).
Па 15 сутак атрымалі ад судзьдзі Кастрычніцкага райсуду Менску валянтэры ініцыятывы «Вулічная мэдыцына» Карына Радчанка і Тацяна Лабаза, і столькі ж валянтэр ініцыятывы «Ежа замест бомбаў» Арцемій Капітула.
Юрыста заснаванага Аляксеем Навальным Фонду барацьбы з карупцыяй, беларуса Ўладлена Лася учора невядомыя вывезьлі на мяжу зь Беларусьсю. Пасьля гэтага, паводле яго, ён даехаў да аэрапорту і пакінуў краіну. Падрабязнасьці ён расказаў у сваім відэазвароце.
У Бабруйску затрыманым 22 студзеня прысудзілі «суткі» і штрафы. Яны правялі ў мясцовым ізалятары больш за тры дні. Судзілі іх тамсама.
Паводле Дар’і Лосік, цяпер Ігару неабходнае мэдычнае абсьледаваньне, каб ацаніць шкоду, спрычыненую галаданьнем арганізму. «Выхад з галадоўкі ў 42 дні будзе такі самы доўгі, як мне казаў лекар, зь якім я раілася. Гэта будзе цяжка, і за яго станам неабходна назіраць», — адзначыла жонка палітвязьня.
Журналіст-фрылансэр зь Бярозаўкі Юрась Дзяшук расказаў, як яго затрымалі за працу падчас абвяшчэньня прысуду актывісту Вітольду Ашурку. На вуліцы да яго падышлі людзі ў цывільным і прапанавалі пагаварыць па іншай справе.
Судзьдзя Віталь Каўбеня (суд Савецкага раёну Гомля) пакараў арыштам на 15 сутак 59-гадовую жыхарку абласнога цэнтру Алу Караленку. Міліцыя абвінаваціла яе ў несанкцыянаваным пікеце. Так патрактавалі здымак са сьцягам БСДП каля навагодняй ялінкі 1 студзеня.
Міністар замежных спраў Украіны Дзьмітро Кулеба заявіў, што Ўкраіна ня мае ніякіх супярэчнасьцяў з Польшчай і Літвой з прычыны закупу ў Беларусі электраэнэргіі зь Беларускай АЭС.
25 студзеня 2011 году ў Эгіпце пачаліся антыўрадавыя пратэсты. Пасьля 18 дзён масавых дэманстрацый Хосьні Мубарак, які правіў краінай 30 год, пайшоў у адстаўку. Правяраем, што зьмянілася ў Эгіпце з таго часу.
25 студзеня пачалася раптоўная комплексная праверка баявой і мабілізацыйнай гатоўнасьці Ўзброеных сілаў Беларусі.
За пяць месяцаў пасьля сфальшаваных прэзыдэнцкіх выбараў у Беларусі грамадзянам краіны выдалі 5739 дазволаў на часовае пражываньне ў Літве.
У судах Менска працягваюцца суды над грамадзянамі, якія рознымі спосабамі выказваюць сваю нязгоду з уладай Аляксандра Лукашэнкі.
Раніцай 25 студзеня ў адным зь мікрараёнаў Баранавічаў на дрэвах зьявілася больш за сто партрэтаў беларускіх палітвязьняў.
Гаворка ідзе пра патрабаваньне жыхара Нідэрляндаў Сала Мюлера да Deutsche Bahn выплаціць кампэнсацыі ахвярам нацыстаў і іхным сваякам за тое, што ў часы Галакосту яны павінны былі самі аплачваць білет на цягнік у лягеры сьмерці.
Улады Беларусі хочуць на заканадаўчым узроўні замацаваць статус Усебеларускага народнага сходу.
Пагроза ўзброенага ўварваньня Расеі ва Ўкраіну захоўваецца.
23 студзеня ў розных гарадах Расеі прайшлі шматтысячныя акцыі за вызваленьне Аляксея Навальнага. Затрымалі больш за 3,5 тысячы чалавек.
Дзьмітры Балаба, старшыня менскага АМАПу, паскардзіўся ў эфіры СТВ: «Байцам атраду міліцыі асаблівага прызначэньня сёлета жыцьцё ператваралі ў пекла».
Сьледчы камітэт Расеі завёў крымінальную справу аб парушэньні санітарна-эпідэмічных правілаў у сувязі з акцыямі ў падтрымку Аляксея Навальнага, якія прайшлі ў суботу ў дзясятках гарадах Расеі.
Сёньня юрыст Фонду барацьбы з карупцыяй (ФБК) Уладлен Лось не выйшаў са спэцпрыёмніку «Бірулёва-Заходняе» пасьля адбыцьця трох сутак адміністрацыйнага арышту
Паведамленьні аб масавых звальненьнях з АМАПу не зьяўляюцца праўдзівымі, заявіў у праграме «Тыдзень» на тэлеканале СТВ камандзір АМАП ГУУС Менгарвыканкаму Дзьмітры Балаба
Лідэр нямецкай Свабоднай дэмакратычнай партыі Крысьціян Лінднэр заклікаў да мараторыю на дабудову газаправоду «Паўночны паток — 2» з Расеі ў Нямеччыну па дне Балтыйскага мора — у сувязі з парушэньнямі правоў чалавека ў Расеі.
Журналісткі тэлеканалу «Белсат», палітзьняволеныя Дар’я Чульцова і Кацярына Андрэева знаходзяцца за кратамі роўна 70 дзён. Неўзабаве мае пачацца суд на імі, журналісткам пагражае да 3 гадоў зьняволеньня.
Дэпутат Густаў Гётбэрг лічыць, што Швэцыя ня мае права марудзіць зь дзеяньнямі дзеля вызваленьня і выратаваньня беларускага палітвязьня Ігара Лосіка.
Магчыма, у Расеі, як і ў Беларусі, вуліца становіцца трывалым палітычным чыньнікам.
Дзяржаўны дэпартамэнт ЗША выступіў з заявай у сувязі з дзеяньнямі расейскіх уладаў супраць удзельнікаў мірных масавых акцый у расейскіх гарадах у суботу, 23 студзеня.
У Беларусі прайшлі акцыі пратэсту супраць фальсыфікацыі прэзыдэнцкіх выбараў і гвалту сілавікоў. Свабода вядзе онлайн-рэпартаж пра падзеі. Калі нешта адбываецца каля вас, дасылайце нам фота і відэа на @SvabodaBelarus_Bot.
Беларускі палітык Павал Латушка заявіў, што расейскія ўлады не адказалі на ўсе просьбы пракамэнтаваць падзеі ў Беларусі і ацаніць аўдыёзапіс з пагрозамі забіваць дэманстрантаў.
Падчас сёньняшніх акцый пратэсту ў Менску затрыманы Аляксандар Мікрукоў, які супрацоўнічае з тэлеканалам «Белсат». Ён быў дастаўлены ў УУС Ленінскага раёну, а затым у цэнтар ізаляцыі правапарушальнікаў, паведамляе Беларуская асацыяцыя журналістаў.
Тэрмін утрыманьня пад вартай Эдуарда Бабарыкі падоўжаны да 18 лютага.
23 студзеня ў Беларусі і за мяжой людзі выходзяць на акцыі салідарнасьці з палітычнымі зьняволенымі.
Тэлеграм-канал «Милиция Минска» паведаміў, што падчас акцый пратэсту 23 студзеня ў сталіцы Беларусі затрымана каля 100 грамадзян.
На Старамесцкай плошчы ў Празе адбылася акцыя салідарнасьці з палітзьняволенымі ў Беларусі.
Загрузіць яшчэ
