Радыё Свабода, Менск Cёньня ўвечары ў Менск прыбыў з афіцыйным візытам прэзыдэнт Вэнэсуэлы Уга Чавэс. У аэрапорце яго сустракаў прэм’ер-міністар Беларусі Сяргей Сідорскі з ганаровай вартай.
Радыё Свабода, Менск Прэзыдэнт Вэнэсуэлы Уга Чавэс другі раз за суткі адтэрмінаваў свой прылёт у Менск. Спачатку меркавалася, што ягоны самалёт прыбудзе ў суботу ўвечары, пазьней прылёт быў перанесены на раніцу нядзелі, цяпер жа лідэра Вэнэсуэлы чакаюць увечары ў нядзелю. У МЗС Беларусі тлумачаць адтэрміноўкі тэхнічнымі і арганізацыйнымі прычынамі, выкліканымі тым, што спадар Чавэс знаходзіцца ў вялікім міжнародным турнэ.
Радыё Свабода, Менск Сёньня ў Менск павінен быў прыляцець прэзыдэнт Вэнэсуэлы Уга Чавэс, аднак, як паведамілі ў МЗС Беларусі, ягоны прыезд адкладваецца прынамсі да заўтрашняй раніцы. Заплянавана, што Уга Чавэс прыедзе ў Беларусь з двухдзённым афіцыйным візытам. Ён правядзе перамовы з Аляксандрам Лукашэнкам і наведае шэраг аб’ектаў. Гэта – першы візыт лідэра лацінаамэрыканскай краіны ў Рэспубліку Беларусь.
Радыё Свабода Менавіта так ахарактарызавала апошнія прысуды, затрыманьні і арышты лідэраў беларускай апазыцыі амбасадарка ЗША ў АБСЭ Джулія Фінлі. У сваёй заяве спадарыня Фінлі падкрэсьліла, што беларускія ўлады “прадэманстравалі скандальнае і поўнае ігнараваньне дэмакратычнага працэсу і каштоўнасьцяў АБСЭ”.
Радыё Свабода
Вячаслаў Ракіцкі, Менск Урады, палітыкі, праваабарончыя арганізацыі многіх краінаў сьвету на гэтым тыдні працягвалі выказваць пратэсты супраць прысуду былому кандыдату на прэзыдэнта Беларусі Аляксандру Казуліну – пяць з паловай гадоў турэмнага зьняволеньня.
Радыё Свабода Міжнародныя і беларускія падзеі тыдня - у фатаздымках карэспандэнтаў Свабоды.
Радыё Свабода Споўнілася дваннаццаць гадоў, як А.Лукашэнка стаў прэзыдэнтам Беларусі. Як зьмянілася вашае жыцьцё за гэты час? Гэтае пытаньне наш карэспандэнт задаваў мінакам на гарадзенскіх вуліцах.
Тацяна Поклад, Прага Няглядзечы на заклікі прэм’ер-міністра Лібану, міжнародная супольнасьць працягвае, фактычна, заставацца ўбаку ад ізраільска-лібанскага канфлікту, які ўспыхнуў дзесяць дзён таму і забраў больш за 300 жыцьцяў. Нават генэральны сакратар ААН Кофі Анан прызнаў, што неадкладна спыніць вайсковыя дзеяньні, магчыма, не атрымаецца. Чаму сьвет заняў стрыманую пазыцыю ў ізраільска-лібанскім канфлікце?
Алег Грузьдзіловіч, Менск Пра гэта паведаміў Радыё Свабода адвакат палітыка Ігар Рынкевіч пасьля сёньняшняй сустрэчы з Казуліным ў сьледчым ізалятары Менска. Паводле Ігара Рынкевіча, сёньня ж ў Менскі гарадзкі суд будзе накіраваная скарга адвакатаў. Абаронцы экс-кандыдата на прэзыдэнта таксама лічаць вынесены Казуліну прысуд “незаконным і неабгрунтаваным” і просяць адмяніць яго.
Радыё Свабода Спадарыня Ст''юарт цяпер узначальвае аддзел Дзярждэпартамэнту ЗША, які займаецца дачыненьнямі зь Беларусьсю, Малдовай ды Ўкраінай.
Алесь Дашчынскі, Менск Завершаная кампанія збору подпісаў грамадзянаў пад калектыўнай скаргай у Вярхоўны суд на дзеяньні Цэнтральнай выбарчай камісіі, якая прызнала вынікі прэзыдэнцкіх выбараў.
Радыё Свабода Македонія далучылася да санкцыяў Эўразьвязу ў дачыненьні да беларускага кіраўніцтва і стала дзесятай эўрапейскай краінай па-за гэтай арганізацыяй, якая асудзіла фальсыфікацыі Аляксандра Лукашэнкі і ягонага атачэньня ў часе прэзыдэнцкіх выбараў ды брутальныя дзеяньні ўладаў у дачыненьні да мірных дэманстрантаў.
Валер Каліноўскі, Менск Каля 170 чалавек, пераважна грамадзянаў Беларусі, а таксама лібанцаў, якія маюць від на жыхарства ў Беларусі, прыляцелі чартэрным рэйсам з Дамаску. У Менску іх сустракалі родзічы і машыны хуткай дапамогі, але дапамога нікому не спатрэбілася, хаця, са словаў уцекачоў, іх знаходжаньне ў Дамаску было вельмі цяжкім. Сярод іх – 29 дзяцей і шмат жанчын.
Іна Студзінская, Менск Пры канцы 1980-х у Беларусі пачалі зьяўляцца недзяржаўныя газэты, якія рабілі першыя свае крокі ў вельмі няпростых умовах. Ступень свабоды прэсы ў першыя гады сувэрэнітэту і незалежнасьці Беларусі вывучала нашая карэспандэнтка.
Аляксей Дзікавіцкі, Прага На тэрыторыі Лібану працягваюцца цяжкія баі паміж ізраільскімі сіламі і ваеўнікамі групоўкі "Хэзбала". Ізраільскія жаўнеры ўвайшлі ў Лібан, каб, як тлумачыць камандаваньне, знайсьці базы "Хэзбалы", адкуль вядзецца ракетны абстрэл Ізраілю. Між тым кіраўніцтва Лібану зьвяртаецца па дапамогу да міжнароднай супольнасьці.
Юры Дракахруст, Прага Адзін з удзельнікаў, а магчыма й завадатараў цяперашняга канфлікту на Блізкім Усходзе – ісламскі рух “Хэзбала”. Што гэта за рух, якая яго перадгісторыя, у чым яго мэты?
Валер Каліноўскі, Менск У Дзяржаўным музэі Вялікай Айчыннай вайны пры спрыяньні прадстаўніцтва ААН у Беларусі і амбасады ЗША ў Менску адкрылася выстава “Місія ААН-ЮНРРА ў Беларусі ў 1946 – 1947 гадах”. Выстава прымеркаваная да 60-годзьдзя пачатку дзейнасьці ў паваеннай Беларусі місіі ААН для дапамогі і аднаўленьня вызваленых ад нацыстаў краінаў.
Валер Карбалевіч, Менск Новая перадача сэрыі “Экспэртыза Свабоды”. Удзельнікі: сакратар Партыі камуністаў беларускай Валеры Ухналёў і сябра ЦК Камуністычнай партыі Беларусі дэпутат Палаты прадстаўнікоў Сяргей Касьцян.
Радыё Свабода З гледзішча Міністэрства замежных справаў Беларусі, ЗША “тэндэнцыйна ды аднабакова падыходзяць да стану з правамі чалавека ў Беларусі”. Пра гэта сёньня падчас брыфінгу ў замежнапалітычным ведамстве Беларусі заявіў ягоны прэсавы сакратар Андрэй Папоў. Ён пракамэнтаваў справаздачу Дзяржаўнага дэпартамэнту ЗША аб стане з правамі чалавека ў сьвеце ў 2005 годзе.
Радыё Свабода Былы кандыдат на прэзыдэнта Беларусі асуджаны на пяць з паловай гадоў пазбаўленьня волі. Ён прызнаны вінаватым у хуліганстве і арганізацыі масавых беспарадкаў. Як людзі ставяцца да гэтага прысуду? Такое пытаньне людзям на менскіх вуліцах задаваў наш карэспандэнт.
Радыё Свабода Першая група беларускіх грамадзянаў-уцекачоў з зоны баявых дзеяньняў у Лібане прыляцела ў Маскву самалётамі расейскага Міністэрства надзвычайных сытуацыяў. Першы спэцыяльны самалёт “Белавія” зь беларускімі ўцекачамі прыляціць з Дамаску заўтра раніцай.
Алег Грузьдзіловіч, Менск Аляксандар Казулін у апошнім слове заяўляе пра сваю невінаватасьць і абвінавачвае Аляксандра Лукашэнку ў стварэньні рэжыму, пры якім магчымы перасьлед палітычных апанэнтаў, у тым ліку кандыдатаў на прэзыдэнта.
Радыё Свабода Працягваецца эвакуацыя беларускіх грамадзянаў зь Лібану. Чакаецца, што 21 ліпеня ў Менск рэйсам “Белавія” вернуцца каля 160 чалавек.
Уладзімер Глод, Менск Сёньняшні дзень для былога амбасадара Літвы ў Беларусі Пятраса Вайцякунаса стаў першым у ранзе міністра замежных справаў сваёй краіны. Спадар міністар знайшоў час, каб адказаць на некалькі пытаньняў нашага радыё, нягледзячы на новыя клопаты. Гэтае інтэрвію — першае, якое міністар даў для замежных мэдыяў.
Радыё Свабода Адміністрацыйная камісія пры Кобрынскім райвыканкаме аштрафала мясцовага актывіста дэмакратычнага руху Аляксандра Меха на адну базавую велічыню.
Радыё Свабода Алена Залеская знайшла ліст ад РНЕ ў паштовай скрынцы — як высьветлілася, актывісты гэтай радыкальнай арганізацыі ведаюць хатні адрас старшыні віцебскай філіі Аб’яднанай грамадзянскай партыі. Замест зваротнага адрасу пазначаны нумар абанэнцкай скрыні ў адным з паштовых аддзяленьняў Віцебску.
Міхал Карневіч, Горадня У Горадні падпісанае пагадненьне аб супрацоўніцтве паміж гарадзкімі арганізацыямі Аб’яднанай грамадзянскай партыі й Беларускай сацыял-дэмакратычнай партыі “Грамада”. Абодва бакі бяруць на сябе абавязак сумесна правесьці ў 2006—2007 гадах кампанію “Салідарнасьць дзеля свабоды”, каардынаваць дзеяньні падчас выбараў дэпутатаў мясцовых саветаў, а таксама праводзіць іншыя сумесныя палітычныя кампаніі.
Радыё Свабода Як паведаміла актывістка моладзевага руху Ірына Тоўсьцік, суд Партызанскага раёну Менску сёньня пакараў удзельнікаў і сьведкаў пікету на плошчы Перамогі ў Менску.
Радыё Свабода Праваабарончы рух “Наша Беларусь” абнародаваў стратэгію сваёй дзейнасьці. Адным з галоўных яе накірункаў зьяўляецца ўдзел у якасьці назіральнікаў у мясцовых выбарах, якія маюць адбыцца ў 2007 годзе – праваабаронцы зьбіраюцца весьці маніторынг парушэньняў у часе выбарчай кампаніі.
Радыё Свабода Так званы аб’яднаўчы дзявяты зьезд КПБ – праўладнай партыі – ды Партыі камуністаў Беларускай, якая застаецца апазыцыйнай да ўладаў, афіцыйныя СМІ выдаюць за “чарговую паразу” апазыцыі. Ці сапраўды гэта так, высьвятляў карэспандэнт Свабоды.
Алег Грузьдзіловіч, Менск Высьветліліся падрабязнасьці таго, як Аляксандра Казуліна азнаёмілі з прысудам, які вынес 16 ліпеня судзьдзя Аляксей Рыбакоў. Сёньня ж у судзе Заводзкага раёну Менску адхілілі чарговую скаргу адвакатаў Казуліна.
Радыё Свабода Пятрас Вайцякунас, які апошні год працаваў амбасадарам Літвы ў Беларусі, сёньня афіцыйна стаў міністрам замежных справаў сваёй краіны. Гэта здарылася пасьля таго, як сёньня ж сэйм Літвы зацьвердзіў у другім чытаньні праграму дзеяньняў новага ўраду краіны, які цяпер ачольвае Гедымінас Кіркілас.
Радыё Свабода Пастанову пра штраф вынесла на сёньняшнім паседжаньні адміністрацыйная камісія Аршанскага гарвыканкаму.
Радыё Свабода Нямецкі дыплямат і палітык Ганс-Георг Вік перакананы, што прысуд былому кандыдату ў прэзыдэнты Аляксандру Казуліну мае застрашыць магчымых дысыдэнтаў з Лукашэнкавай намэнклятуры. Паводле колішняга кіраўніка місіі АБСЭ ў Менску, Захад пакуль ня мае нейкіх эфэктыўных мераў супраць беларускіх уладаў — толькі санкцыі.
Радыё Свабода Сёньня ў Менску адбылося паседжаньне сяброў рэгіянальных штабоў, якія дзейнічалі ў рамках прэзыдэнцкай выбарчай кампаніі Аляксандра Мілінкевіча. Быў абмеркаваны плян супольнай дзейнасьці й падрыхтоўка да чарговай палітычнай кампаніі — мясцовых выбараў.
Радыё Свабода Сёньня вайсковыя ўлады Ізраілю ўзгаднілі з прадстаўнікамі амбасадаў час і маршруты эвакуацыі замежных грамадзянаў, даўшы гарантыі, што баявыя дзеяньні ў гэтых раёнах весьціся ня будуць. Тым часам, як паведамілі ў дыппрадстаўніцтве Беларусі ў Сырыі, першыя беларускія грамадзяне, якія вырашылі пакінуць зону лібанска-ізраільскага ўзброенага канфлікту, прыбылі ў Дамаск. Цяпер Міністэрства замежных справаў Беларусі вырашае, якім чынам даставіць суайчыньнікаў на радзіму.
Алег Грузьдзіловіч, Менск 18 ліпеня судзьдзя Заводзкага раённага суду Менску Алег Зямцоў не задаволіў чарговай скаргі адвакатаў Аляксандра Казуліна. Абаронцы былога кандыдата ў прэзыдэнты дамагаліся адмены пастановы пракуратуры, якая не завяла крымінальнай справы на супрацоўнікаў “Алмазу”, што арыштоўвалі й канваявалі Аляксандра Казуліна 25 сакавіка. Паводле адвакатаў, алмазаўцы абражалі Казуліна й нанесьлі яму траўмы рук кайданкамі.
Радыё Свабода Яны лічаць, што прысуд абодвум быў неабгрунтаваны. На думку адвакатаў, пазыцыя абароны не была ў поўным аб’ёме ўлічаная судом і не былі абвергнутыя асноўныя пастуляты абароны. Адвакаты просяць Гарадзенскі абласны суд цалкам апраўдаць сваіх падабаронных.
Юры Дракахруст, Прага Якія рашэньні былі прынятыя на сустрэчы лідэраў найбольш прамыслова разьвітых краінаў сьвету?
Алег Грузьдзіловіч, Менск У судзе Цэнтральнага раёну Менску прайшлі працэсы над удзельнікамі пікетаваньня амбасады Расеі, якое адбылося 16 ліпеня з нагоды Дня беларускай салідарнасьці. Першым быў асуджаны Анатоль Лябедзька, лідэр Аб’яднанай грамадзянскай партыі, празь дзьве гадзіны пасьля гэтага прысуд быў вынесены дэмакратычнаму актывісту з Барысава Анатолю Аскерку.
Алег Грузьдзіловіч, Менск Гэты прысуд вынес судзьдзя Аляксей Бычко з суду Цэнтральнага раёну Менску. За дзьве гадзіны да гэтага таксама Аляксей Бычко асудзіў на 10 дзён арышту лідэра АГП Анатоля Лябедзьку.
Радыё Свабода Урад Нямеччыны “асуджае прысуд Аляксандру Казуліну і настойліва патрабуе яго неадкладнага вызваленьня”.
Алег Грузьдзіловіч, Менск Такое рашэньне прыняў судзьдзя Аляксей Бычко з суду Цэнтральнага раёну Менску. Анатоля Лябедзьку прызналі вінаватым ў тым, што 16 ліпеня ён “нецэнзурна лаяўся на міліцыянтаў і не выконваў іхных законных патрабаваньняў”.
Радыё Свабода Намесьнік старшыні Беларускай сацыял-дэмакратычнай партыі “Грамада” Ўладзімер Нісьцюк, ацэньваючы вынікі санкт-пецярбурскага саміту вялікай васьмёркі, зьвярнуў увагу на тое, што гэты форум стаў у вялікай ступені сьвяточнай сустрэчай, палітычным шоў з фантанамі, электрамабілямі, прэсавымі канфэрэнцыямі.
Радыё Свабода У сваім лісьце Ўладзімер Казулін заяўляе пра перадузятасьць суду, які разглядаў справу ягонага брата. Цікава, што прозьвішча судзьдзі Аляксея Рыбакова ён наўмысна піша з маленькай літары, гэтак падкрэсьліваючы крытычнае стаўленьне да працы судзьдзі. Прызнаючы, што спадар Рыбакоў — разумны чалавек, брат былога кандыдата на прэзыдэнта робіць выснову, што судзьдзём рухала “халопства й жаданьне выслужыцца перад тымі, хто замовіў прысуд”.
Радыё Свабода Група беларускіх грамадзянаў, актывістаў незарэгістраванага руху “Бунт”, якая падчас саміту вялікай васьмёркі знаходзілася ў Санкт-Пецярбурзе з мэтай прыцягнуць увагу да беларускіх праблемаў, была двойчы затрыманая міліцыяй. На гэты момант беларускія актывісты адпушчаныя.
Радыё Свабода За час узброенага супрацьстаяньня паміж Ізраілем і баевікамі лібанскай групоўкі “Хізбала” ўжо загінулі прынамсі 200 чалавек. Сёньня пачынаецца масавая эвакуацыя замежных грамадзянаў з тэрыторыі ваеннага канфлікту. 350 эўрапейцаў вывезена італьянскім вайсковым самалётам, паром для эвакуацыі сваіх суайчыньнікаў арандавала Францыя. Два караблі для вывазу сваіх грамадзянаў накіравала ў рэгіён Вялікабрытанія. 80 чалавек адляцяць у Маскву самалётам расейскага Міністэрства ў надзвычайных сытуацыях. Беларускае замежнапалітычнае ведамства заяўляе, што ніхто зь беларусаў у зоне канфлікту не пацярпеў, аднак каля паўсотні чалавек будуць адтуль эвакуяваныя.
Радыё Свабода 16 ліпеня ў Санкт-Пецярбурзе затрымана шасьцёра актывістаў беларускага нацыянальнага негвалтоўнага супраціву “Бунт”. Як паведамілі ў прэсавай службе руху, затрыманьне адбылося каля гасьцініцы “Прыморская” падчас спробы маладых людзей даць журналістам прэсавую канфэрэнцыю наконт падзеяў 14 ліпеня ў Санкт-Пецярбурзе, калі былі часова затрыманыя некалькі сяброў руху.
Валер Каліноўскі, Менск 16 чысла кожнага месяца ў Беларусі і за мяжой адзначаюць Дзень салідарнасьці з палітвязьнямі і сем’ямі зьніклых апанэнтаў А.Лукашэнкі. Сёньняшні дзень супаў з правядзеньнем ў Санкт-Пецярбурзе саміту краінаў "вялікай васьмёркі". Сёньня арганізатары Дня салідарнасьці заклікалі суграмадзян прыйсці ўвечары да амбасады Расеі ў Менску са сьвечкамі і партрэтамі зьніклых палітыкаў і палітвязьняў.
Загрузіць яшчэ
