Радыё Свабода Кіраўнік Беларусі Аляксандар Лукашэнка прыняў сёньня намесьніка старшыні Цэнтральнай вайсковай рады, міністра абароны Кітаю Цао Ганчуаня. Абодва бакі выказаліся за разьвіцьцё двухбаковага вайсковага супрацоўніцтва.
Валер Каліноўскі, Менск Як чакаецца, днямі кіраўнік Беларусі накіруецца ў Гавану на 14-ю канфэрэнцыю кіраўнікоў дзяржаваў і ўрадаў Руху недалучэньня. Напярэдадні форуму прадстаўнікі беларускіх уладаў выказаліся пра ролю гэтага Руху ў сьвеце, месца Беларусі ў ім і пляны беларускай дэлегацыі на гаванскім саміце.
Уладзімер Глод, Менск Кіраўнік дэпутацкай групы “Рэспубліка” ў Палаце прадстаўнікоў папярэдняга скліканьня Сяргей Скрабец зьвярнуўся з хадайніцтвам пра ўмоўна-датэрміновае вызваленьне. Праз адміністрацыю папраўчай калёніі ён даслаў ліст у пракуратуру. Пра гэта Радыё Свабода сёньня паведаміла Аляксандра Скрабец, жонка былога парлямэнтара.
Радыё Свабода, Полацак Сёньня аб 11-й гадзіне ў пракуратуру Полацкага раёну работнікі міліцыі даставілі вядомага палітыка Паўла Севярынца. Яго дапыталі як сьведку ў справе дзейнасьці незарэгістраванай арганізацыі “Малады фронт”. Допыт, на даручэньне рэспубліканскай пракуратуры, правёў памочнік пракурора Полацкага раёну Руслан Грыневіч.
Любоў Лунёва, Менск Вячаслаў Сіўчык знаходзіцца ў турме на вуліцы Акрэсьціна. Ён адбывае арышт, які, паводле міліцыянтаў, ён запазычыў за ўдзел у сакавіцкай акцыі на Кастрычніцкай плошчы.
Радыё Свабода Кіраўнік дэпутацкай групы "Рэспубліка" у Палаце прадстаўнікоў папярэдняга скліканьня Сяргей Скрабец падаў заяву з просьбай пра ўмоўна-датэрміновае вызваленьне.
Радыё Свабода Настаўніка і дэпутата гарсавету Алеся Чыгіра вінавацяць у арганізацыі несанкцыянаванага пікету і ў тым, што не падпарадкаваўся міліцыі. Спадару Чыгіру пагражае штраф альбо пазбаўленьне волі тэрмінам да 15 сутак.
Любоў Лунёва, Менск Сёньня ўвечары прыблізна ў 21.20 быў затрыманы апазыцыйны актывіст Вячаслаў Сіўчык. Гэта адбылося ў кафэ “Бамонд”, дзе Сіўчык размаўляў з журналістам Паўлам Быкоўскім. Паводле Быкоўскага, супрацоўнікі палку міліцыі асаблівага прызначэньня папрасілі Сіўчыка прад’явіць дакумэнты. Але пашпарту ў палітыка не было, і яго адвялі.
Альгерд Невяроўскі, Менск Менскі гарвыканкам дазволіў арганізатарам акцыі 16 верасьня правесьці мітынг і канцэрт у парку Дружбы народаў каля плошчы Бангалор. Аднак улады забаранілі апазыцыянэрам шэсьце вуліцамі гораду. Арганізатары “Джынсавага фэсту” зьбіраюцца абскарджваць забарону.
Алег Грузьдзіловіч, Менск 5993 грамадзянаў Беларусі скардзіліся ў Вярхоўны Суд на Цэнтравыбаркам. Яны прасілі судзьдзяў забавязаць яго перагледзець вынікі сакавіцкіх прэзыдэнцкіх выбараў і прызначыць паўторныя выбары.
Аляксей Дзікавіцкі, Прага Сёньня ў Эўрапейскім парлямэнце ў часе надзвычайнага сумеснага паседжаньня камісіі ў міжнародных справах, камісіі разьвіцьця і падкамісіі правоў чалавека былі афіцыйна прадстаўленыя кандыдаты на ўзнагароду парлямэнту імя Андрэя Сахарава за 2006 год. Сярод 10 кандыдатаў ёсьць і лідэр беларускай апазыцыі Аляксандр Мілінкевіч.
Радыё Свабода Магілёўскія ўлады адмовілі мясцовым дэмакратам ў просьбе правесьці пікет 16 верасьня — на Дзень салідарнасьці. Лідэры абласных філіяў Аб’яднанай грамадзянскай партыі, Беларускай сацыял-дэмакратычнай партыі “Грамада” і Партыі камуністаў беларускай плянавалі акцыю каля гарадзкога Дому культуры.
Радыё Свабода За арганізацыю несанкцыянаванага пікету і за непадпарадкаваньне міліцыі Алесю Чыгіру пагражае штраф альбо пазбаўленьне волі тэрмінам да 15 сутак. Справу разглядае суд Бабруйску.
Радыё Свабода Кіраўнік Міністэрства ўнутраных справаў Сырыі Басам Абдэль Маджыд назваў гэты напад “тэрарыстычнай апэрацыяй”. AFP паведамляе, што сырыйскія спецслужбы папярэдзілі выбухі двух замінаваных машынаў. Басам Абдэль Маджыд запэўніў: “Сілы бясьпекі ўзялі сытуацыю пад кантроль”.
Радыё Свабода Заяўнікі мітынгу і канцэрту у падтрымку палітвязьняў, за свабоду і незалежнасьць Віктар Івашкевіч, Павал Юхневіч і Аляксей Шыдлоўскі маюцца праз суд абскардзіць рашэньне Менгравыканкаму.
Радыё Свабода Алесю Чыгіру вылучылі абвінавачваньне ў правядзеньні несанкцыянаванага пікету і ў тым, што ён не падпарадкаваўся супрацоўнікам міліцыі
Аляксей Дзікавіцкі, Прага Эўрапейская камісія заявіла, што плянаваны дагэтуль тэрмін уваходу краінаў – новых сяброў Эўрапейскага зьвязу – адкладаецца. У Брусэлі заяўляюць пра непадрыхтаванасьць у Страсбуры адпаведных базаў дадзеных, якія неабходна мець, каб сыстэма кантролю на зьнешніх межах спраўна функцыянавала, і можна было скасаваць межы ўнутры Эўразьвязу – паміж “старымі” і “новымі” дзяржавамі-сябрамі.
Радыё Свабода Сёньня выканаўца абавязкаў старшыні Беларускай сацыял-дэмакратычнай партыі (Грамада) Анатоль Ляўковіч атрымаў адказ на скаргу, якую ён накіраваў на імя старшыні Вярхоўнага суду Валянціна Сукалы. У лісьце гаворыцца, што “адміністрацыйнае пакараньне ўжытае адпаведна з законам”.
Радыё Свабода Чальцы фракцыі кампартыі ў Дзярждуме Расеі пачынаюць збор подпісаў пад заклікам не дапусьціць падвышэньня цэнаў на газ для Беларусі.
Радыё Свабода Сябра Сойму партыі БНФ Валянціна Сьвяцкая накіравала поштай заяву ў пракуратуру Рэспублікі Беларусь, а таксама пазоў аб абароне гонару й годнасьці ў Фрунзенскі раённы суд Менску на генэрала Юр’я Сівакова й кіраваную ім Беларускую асацыяцыю вэтэранаў спэцпадразьдзяленьняў войскаў МУС “Гонар”.
Радыё Свабода Гаворачы пра ўрокі тэрактаў 11 верасьня 2001 года, беларускі рэжысэр Валеры Мазынскі зьвяртае ўвагу на тое, што падзеі пяцігадовай даўніны ўзьнялі філязофскія пытаньні пра агульныя каштоўнасьці, цану чалавечага жыцьця.
Радыё Свабода, Менск Акадэмік Аляксандар Вайтовіч зазначае, што тэракты 11 верасьня 2001 года наклалі адбітак на далейшыя падзеі ў сьвеце. У прыватнасьці, ЗША пачалі актыўную дзейнасьць дзеля папярэджаньня падобных выпадкаў, аднак адбыліся падобныя тэракты ў Лёндане і Мадрыдзе. Спадар Вайтовіч мяркуе, што міжнародны тэрарызм толькі выдае сябе як вайну цывілізацый.
Радыё Свабода, Бабруйск 23 верасьня ў часе рэспубліканскага сьвята Дажынкі, якое будзе праходзіць у Бабруйску, актывісты Сацыял-дэмакратычнай партыі (Грамада) зьбіраюцца правесьці пікет у абарону экс-кандыдата на пасаду прэзыдэнта Аляксандра Казуліна. Падчас акцыі плянуецца зьбіраць подпісы за вызваленьне Аляксандра Казуліна.
Радыё Свабода Адзін са старэйшых дзеячаў Аб’яднаньня беларускіх мусульман Ісмаіл Александровіч перакананы, што няма ніякага канфлікту цывілізацый, што людзі знойдуць паразуменьне.
Радыё Свабода, Менск Адзін з лідэраў Беларускага народнага фронту прафэсар Юры Хадыка лічыць, што падзеі 11 верасьня 2001 году, якія зьмянілі сьвет, сталі прыкметамі схаванай хваробы, вельмі сур’ёзнай праблемы, якая паўстала перад чалавецтвам.
Радыё Свабода Праваабарончая арганізацыя Беларускі Хэльсынскі Камітэт накіравала ў Канстытуцыйны суд Беларусі зварот аб правамоцнасьці абвінавачваньняў актывістам незарэгістраванай арганізацыі “Партнэрства”.
Радыё Свабода Сябра Сойму Партыі БНФ Валянціна Сьвяцкая падае ў суд на генэрала Юрыя Сівакова з нагоды яго артыкулу “Честь имеем!”, які быў апублікаваны ў часопісе “Спэцназ” №4 за 2006. Валянціна Сьвяцкая заявіла, што сваёй публікацыяй аўтар закранае яе гонар і годнасьць.
Радыё Свабода Сёньня ў Гаване адкрываецца саміт Руху недалучэньня, у які ўваходзяць 116 краінаў. У форуме, які завершыцца 16 верасьня, зьбіраюцца ўдзельнічаць кіраўнікі многіх дзяржаў. Ці прыляціць туды Аляксандар Лукашэнка?
Севярын Квяткоўскі, Менск Ці пагражае нешта сувэрэнітэту Беларусі?
Радыё Свабода Міжнародныя падзеі ў фатаздымках карэспандэнтаў "Свабоды".
Сяргей Навумчык, Прага Міністар ўнутраных спраў Украіны Юры Луцэнка заявіў, што гібель лідэра Народнага Руху Украіны Вячаслава Чарнавіла была забойствам. Ён сказаў, што гатовы прадставіць сыну Чарнавіла, дэпутату Вярхоўнай Рады Тарасу Чарнавілу матэрыялы сьледства, якія пакуль нельга агалошваць
Валер Карбалевіч, Менск Ці рэальны рэфэрэндум аб канстытуцыйным акце саюзнай дзяржавы Беларусі й Расеі? (эфір 6 верасьня)
Аляксей Дзікавіцкі, Прага Ў часе апошняй сэсіі Эўрапейскага парлямэнту, якая праходзіла ў Страсбуры з 4 да 7 верасьня, у парлямэнце пачаўся збор подпісаў за тое, каб кандыдатам на атрыманьне прэстыжнай ўзнагароды Эўрапарлямэнту імя Андрэя Сахарава стаў Аляксандр Мілінкевіч.
Любоў Лунёва, Менск Актывістаў незарэгістраванай арганізацыі “Партнэрства” Міколу Астрэйку і Цімафея Дранчука арыштавалі разам з Энірай Браніцкай і Аляксандрам Шалайкам 21 лютага. Арыштаваных вінавацілі ў кіраваньні арганізацыяй, якая парушае правы й інтарэсы грамадзянаў, а таксама ў падрыхтоўцы тэрактаў дзеля зьмены канстытуцыйнага ладу.
Радыё Свабода Хлопца, які прадстаўляўся сябрам БРСМ, выкрыла супрацоўніца абкаму гэтае арганізацыі: паводле іроніі лёсу, менавіта да яе ў кватэру ён зайшоў напачатку сваёй “дзейнасьці” ды прапанаваў здаць 1 тысячу рублёў для гадаванцаў садкоў і вучняў малодшых клясаў. Спадарыня ня стала выклікаць міліцыю, але цяпер гэтай справай займаецца ідэалягічны аддзел аблвыканкаму.
Ганна Соўсь, Менск Мінулай ноччу ў сваёй кватэры на 47-м годзе жыцьця раптоўна памёр Дзьмітры Булахаў, афіцыйны прадстаўнік Аляксандра Лукашэнкі ў Нацыянальным сходзе Беларусі. Былыя калегі зь Вярхоўнага Савету 12-га скліканьня, а таксама тыя, хто працаваў у прэзыдэнцкай камандзе, гавораць пра неадназначную і супярэчлівую ролю Дзьмітрыя Булахава ў найноўшай беларускай гісторыі.
Алег Грузьдзіловіч, Менск Ці сапраўды хворы Аляксандар Казулін? Зьвесткі пра пагаршэньне стану ягонага здароўя спрабавала праверыць жонка палітыка Ірына Казуліна падчас сёньняшняга спатканьня з мужам у Менскім сьледчым ізалятары.
Алег Грузьдзіловіч, Менск 19 верасьня адбудзецца паседжаньне Менскага гарсуду, на якім разгледзяць касацыйную скаргу Аляксандра Казуліна і ягоных адвакатаў на прысуд, што вынесьлі былому кандыдату на прэзыдэнта ў Маскоўскім судзе.
Радыё Свабода Лідэр АГП Анатоль Лябедзька і Дзьмітрый Булахаў ня толькі працавалі разам у Вярхоўным Савеце Беларусі 12-га скліканьня. У той час яны сябравалі. І вось што ўзгадвае сёньня пра нябожчыка спадар Лябедзька:
Радыё Свабода Сёньня раніцай ад нечаканага сардэчнага прыступу памёр Дзьмітры Булахаў, афіцыйны прадстаўнік Аляксандра Лукашэнкі ў Нацыянальным сходзе Беларусі. Дзьмітрыю Булахаву было 46 гадоў.
Любоў Лунёва, Менск Актывістаў незарэгістраванай арганізацыі “Партнэрства” Міколу Астрэйку і Цімафея Дранчука арыштавалі разам з Энірай Браніцкай і Аляксандрам Шалайкам 21 лютага. Іх абвіначвалі ў кіраваньні арганізацыяй, якая парушае правы і інтарэсы грамадзян, а таксама ў падрыхтоўцы тэрактаў з мэтай зьмены канстытуцыйнага ладу.
Радыё Свабода Прэзыдэнт Вэнэсуэлы сказаў, што Вашынгтон назваў іх абодвух дыктатарамі, бо яны змагаюцца з амэрыканскім імпэрыялізмам.
Валер Каліноўскі, Менск Міністры замежных справаў Беларусі і Ірану сёньня заявілі пра супольную пазыцыю дзьвюх краін што да шэрагу міжнародных праблем, у тым ліку сытуацыі вакол іранскай ядзернай праграмы. Заявы прагучалі падчас візыту міністра замежных справаў Ірану Манучэхра Матакі ў Менск. Іранскі госьць сёньня сустракаўся з Аляксандрам Лукашэнкам, кіраўніком Палаты прадстаўнікоў Уладзімерам Канаплёвым і міністрам замежных справаў Беларусі Сяргеем Мартынавым.
Аляксей Дзікавіцкі, Прага Амэрыканская недзяржаўная арганізацыя "Freedom House" распаўсюдзіла штогадовую справаздачу, у якой ацэньваецца стан правоў чалавека ў 192 краінах сьвету і адпаведна гэтыя краіны дзеляцца на “свабодныя”, “часткова свабодныя” і “несвабодныя”. Да апошняй катэгорыі чарговы раз залічаная Беларусь.
Галіна Абакунчык, Менск Бабруйскі настаўнік Алесь Чыгір зьвярнуўся са скаргай у Фэдэрацыю прафсаюзаў Беларусі, а таксама падрыхтаваў пазоў у суд на гарадзкую ўправу адукацыі за незаконнае звальненьне. Права на працу ён намерваецца бараніць і празь Міжнародную арганізацыю працы.
Валер Каліноўскі, Менск У Менску з двухдзённым візытам знаходзіцца міністар замежных справаў Ірану Манучэхр Матакі. Сёньня ён сустрэўся з Аляксандрам Лукашэнкам, кіраўніком Палаты прадстаўнікоў Уладзімерам Канаплёвым і міністрам замежных справаў Беларусі Сяргеем Мартынавым.
Ігар Карней, Менск Улады Грузіі абвясьцілі, што прадухілілі спробу дзяржаўнага перавароту. Паводле МУС гэтай краіны, пераварот плянавалі прыхільнікі колішняга міністра дзяржаўнай бясьпекі Ігара Гіаргадзэ — праваахоўныя органы лічаць Гіаргадзэ адным з арганізатараў замаху на экс-прэзыдэнта Грузіі Эдуарда Шэварднадзэ. Падчас спэцапэрацыі затрыманыя тры дзясяткі сябраў партыі Гіаргадзэ “Справядлівасьць”, якім выставяць абвінавачаньне за ўдзел у змове дзеля адхіленьня законнай улады. Мяркуецца, што сам Гіаргадзэ хаваецца ў адной з краінаў Усходняй Эўропы. Як успрымаюць грузінскую сытуацыю ў беларускіх палітычных колах?
Валер Каліноўскі, Менск. Сёньня ў Рызе падпісаная дамова пра супрацоўніцтва паміж Партыяй БНФ і латвійскай партыяй “Новы час”, якая зьяўляецца спадкаемцам Народнага фронту Латвіі. Латвійская партыя выказала гатовасьць падтрымліваць намаганьні дзеля дэмакратызацыі і ўмацаваньня сувэрэнітэту Беларусі.
Валер Каліноўскі, Менск У Менску з двухдзённым візытам знаходзіцца міністар замежных спраў Ірану Манучэхр Матакі.
Любоў Лунёва, Блонь Ад сёньняшняга дня адзін зь лідэраў сацыял-дэмакратычнага руху Мікола Статкевіч будзе працаваць на племянным заводзе ў вёсцы Блонь.У гэтую вёску палітыка перавялі адбываць пакараньне спачатку з Баранавічаў, а потым зь вёскі Сітнікі Пухавіцкага раёну.
Загрузіць яшчэ
