Падчас сустрэчы кіраўнік Беларусі заявіў, што супрацоўніцтва з Кітаем мае стратэгічны характар і ў гэтым заслуга вайскоўцаў абедзьвюх краінаў. Лукашэнка падкрэсьліў, што Кітай і Беларусь дзейнічаюць на міжнароднай арэне на адных і тых жа пазыцыях, краіны прытрымліваюцца агульных крытэраў у ацэнцы міжнародных падзеяў. Паводле Аляксандра Лукашэнкі, з Кітаем заключана каля 210 пагадненьняў і кантрактаў пра вайскова-тэхнічнае супрацоўніцтва. 190 зь іх ужо рэалізавана.
Вайсковы аглядальнік Аляксандар Алесін мяркуе, што Кітай цяпер моцна зацікаўлены ў мадэрнізацыі свайго войска.
(Алесін: ) “Кітай дагэтуль лічыць Тайвань мяцежнай правінцыяй, і мэтай Кітаю зьяўляецца вяртаньне пад юрысдыкцыю Кітаю гэтай правінцыі. Таму ЗША даволі высока ацэньваюць рызыку магчымага сутыкненьня з Кітаем з-за Тайваню, таму што Кітай пасьля авалоданьня перадавымі тэхналёгіямі можа іх скіраваць на правядзеньне вайсковай апэрацыі дзеля захопу Тайваню”.
Нагадаем, ЗША выступаюць за падаўжэньне эмбарга на пастаўку ўзбраеньняў у Кітай. Яно было ўведзенае ў 1989 годзе пасьля таго, як кітайскія ўлады з дапамогай танкаў жорстка задушылі студэнцкую дэманстрацыю на плошчы Цяньяньмынь. Са свайго боку, кіраўніцтва Беларусі актывізуе кантакты з Кітаем у вайсковай сфэры.
Нагадаем, летась у Менску кіраўнік Беларусі прыняў сябра Цэнтральнай вайсковай рады, начальніка галоўнай управы ўзбраеньня і вайсковай тэхнікі кітайскага войска Чэнь Біндэ. Агульная сума заключаных кантрактаў на той момант склала больш за 200 мільёнаў даляраў. Пасьля ў Кітай накіраваўся міністар абароны Беларусі Леанід Мальцаў. Падчас перамоваў Леанід Мальцаў заявіў, што сустракаецца з Цао Ганчуанем як з даўнім, добрым сябрам.
(Мальцаў: ) “Заўсёды такія людзкія, нармальныя дачыненьні зьяўляюцца самай трывалай асновай і гарантам разьвіцьця ўсіх іншых дачыненьняў”.
Паводле аглядальніка Аляксандра Алесіна, абодва бакі не раскрываюць канкрэтных дэталяў кантрактаў у галіне ўзбраеньняў.
(Алесін: ) “Кітай найперш цікавяць аўтаматызаваныя сыстэмы кіраваньня войскамі й сыстэмы кіраваньня зброяй, перадавыя сыстэмы навядзеньня. Апроч таго, мяркую, што іх цікавіць і шэраг касьмічных тэхналёгіяў”.
Вайсковы аглядальнік Аляксандар Алесін мяркуе, што Кітай цяпер моцна зацікаўлены ў мадэрнізацыі свайго войска.
(Алесін: ) “Кітай дагэтуль лічыць Тайвань мяцежнай правінцыяй, і мэтай Кітаю зьяўляецца вяртаньне пад юрысдыкцыю Кітаю гэтай правінцыі. Таму ЗША даволі высока ацэньваюць рызыку магчымага сутыкненьня з Кітаем з-за Тайваню, таму што Кітай пасьля авалоданьня перадавымі тэхналёгіямі можа іх скіраваць на правядзеньне вайсковай апэрацыі дзеля захопу Тайваню”.
Нагадаем, ЗША выступаюць за падаўжэньне эмбарга на пастаўку ўзбраеньняў у Кітай. Яно было ўведзенае ў 1989 годзе пасьля таго, як кітайскія ўлады з дапамогай танкаў жорстка задушылі студэнцкую дэманстрацыю на плошчы Цяньяньмынь. Са свайго боку, кіраўніцтва Беларусі актывізуе кантакты з Кітаем у вайсковай сфэры.
Нагадаем, летась у Менску кіраўнік Беларусі прыняў сябра Цэнтральнай вайсковай рады, начальніка галоўнай управы ўзбраеньня і вайсковай тэхнікі кітайскага войска Чэнь Біндэ. Агульная сума заключаных кантрактаў на той момант склала больш за 200 мільёнаў даляраў. Пасьля ў Кітай накіраваўся міністар абароны Беларусі Леанід Мальцаў. Падчас перамоваў Леанід Мальцаў заявіў, што сустракаецца з Цао Ганчуанем як з даўнім, добрым сябрам.
(Мальцаў: ) “Заўсёды такія людзкія, нармальныя дачыненьні зьяўляюцца самай трывалай асновай і гарантам разьвіцьця ўсіх іншых дачыненьняў”.
Паводле аглядальніка Аляксандра Алесіна, абодва бакі не раскрываюць канкрэтных дэталяў кантрактаў у галіне ўзбраеньняў.
(Алесін: ) “Кітай найперш цікавяць аўтаматызаваныя сыстэмы кіраваньня войскамі й сыстэмы кіраваньня зброяй, перадавыя сыстэмы навядзеньня. Апроч таго, мяркую, што іх цікавіць і шэраг касьмічных тэхналёгіяў”.
