Ініцыятары вылучэньня кандыдатуры Аляксандра Мілінкевіча на атрыманьне прэміі Эўрапейскага парлямэнту імя Андрэя Сахарава – дэпутаты ад Польшчы, паводле якіх менавіта лідэр беларускай апазыцыі заслугоўвае на тое, каб атрымаць яе сёлета.
“Мілінкевіч сваім змаганьнем як мала хто іншы бараніў сёлета нашы агульнаэўрапейскія каштоўнасьці”, - заявіў віцэ-сьпікер Эўрапейскага парлямэнту Яцэк Сарыюш-Вольскі.
З гэтым згодны і дэпутат Багуслаў Сонік, які асабіста зьбірае подпісы ў падтрымку кандыдатуры беларускага палітыка.
(Сонік: ) “Узнагарода імя Сахарава даецца тым, хто, як і сам Сахараў, не баіцца нават самотна пачаць змаганьне супраць таталітарызму, зла. Цягам гэтага году Аляксандар Мілінкевіч паказаў, што можа гэта зрабіць, што ён здольны аб’яднаць людзей і стаць на чале змаганьня за свабоду і незалежнасьць сваёй краіны”.
Кандыдатуру Аляксандра Мілінкевіча падтрымлівае найбуйнейшая фракцыя Эўрапейскага парлямэнту – фракцыя Эўрапейскай народнай партыі ў той час як сацыялісты хочуць, каб узнагароду атрымаў лібанскі журналіст Хасан Туні. Працягвае Багуслаў Сонік.
(Сонік: ) “Трэба сказаць, што гэта няпросты працэс, вызначыць ляўрэата прэміі. Аляксандар Мілінкевіч мае шанец атрымаць яе. Тое, што сацыялісты супраць, яшчэ нічога не вырашае. Галоўным будзе голас лібэралаў – трэцяй паводле велічыні фракцыі. Але там ёсьць Януш Анышкевіч, Браніслаў Герэмак, якія падтрымліваюць беларускую справу і, я думаю, яны пераканаюць сваіх партыйных калегаў”.
Прэмія Эўрапейскага парлямэнту заснаваная ў 1988 годзе і даецца асобам, якія маюць асаблівыя заслугі ў абароне дэмакратыі і правоў чалавека. Сярод ляўрэатаў – Нэльсан Мандэла, вядомы кубінскі апазыцыянэр Асвальда Пайа, а два гады таму прэмію Сахарава атрымала Беларуская асацыяцыя журналістаў.
Уручэньне сёлетняй ўзнагароды адбудзецца ў сьнежні.
“Мілінкевіч сваім змаганьнем як мала хто іншы бараніў сёлета нашы агульнаэўрапейскія каштоўнасьці”, - заявіў віцэ-сьпікер Эўрапейскага парлямэнту Яцэк Сарыюш-Вольскі.
З гэтым згодны і дэпутат Багуслаў Сонік, які асабіста зьбірае подпісы ў падтрымку кандыдатуры беларускага палітыка.
(Сонік: ) “Узнагарода імя Сахарава даецца тым, хто, як і сам Сахараў, не баіцца нават самотна пачаць змаганьне супраць таталітарызму, зла. Цягам гэтага году Аляксандар Мілінкевіч паказаў, што можа гэта зрабіць, што ён здольны аб’яднаць людзей і стаць на чале змаганьня за свабоду і незалежнасьць сваёй краіны”.
Кандыдатуру Аляксандра Мілінкевіча падтрымлівае найбуйнейшая фракцыя Эўрапейскага парлямэнту – фракцыя Эўрапейскай народнай партыі ў той час як сацыялісты хочуць, каб узнагароду атрымаў лібанскі журналіст Хасан Туні. Працягвае Багуслаў Сонік.
(Сонік: ) “Трэба сказаць, што гэта няпросты працэс, вызначыць ляўрэата прэміі. Аляксандар Мілінкевіч мае шанец атрымаць яе. Тое, што сацыялісты супраць, яшчэ нічога не вырашае. Галоўным будзе голас лібэралаў – трэцяй паводле велічыні фракцыі. Але там ёсьць Януш Анышкевіч, Браніслаў Герэмак, якія падтрымліваюць беларускую справу і, я думаю, яны пераканаюць сваіх партыйных калегаў”.
Прэмія Эўрапейскага парлямэнту заснаваная ў 1988 годзе і даецца асобам, якія маюць асаблівыя заслугі ў абароне дэмакратыі і правоў чалавека. Сярод ляўрэатаў – Нэльсан Мандэла, вядомы кубінскі апазыцыянэр Асвальда Пайа, а два гады таму прэмію Сахарава атрымала Беларуская асацыяцыя журналістаў.
Уручэньне сёлетняй ўзнагароды адбудзецца ў сьнежні.
