Ігар Карней, Менск Будаўнічая гігантаманія, уласьцівая Беларусі апошняга дзесяцігодзьдзя, у найбліжэйшы час папоўніцца яшчэ адным праектам. У дзень, калі ўвесь сьвет сачыў за адкрыцьцём Алімпіяды, адбылася сустрэча Лукашэнкі з прадстаўнікамі фінскай будаўнічай фірмы “Сканска”. Мяркуецца, што “Сканска”, якая па ўсім сьвеце будуе складаныя й дарагія аб’екты, узьвядзе ў Менску грандыёзную спартовую арэну. Дзеля чаго й за якія грошы ў краіне, дзе шмат людзей ня маюць жытла, і дзе нізкі жыцьцёвы ўзровень увогуле, будзе будавацца супэрпалац?
