Беларускай АЭС выдалі дазвол на этапны энэргетычны пуск энэргаблёку № 1, паведамляе БелТА са спасылкай на адмысловае падразьдзяленьне «Дзяржатамнагляд».
Гаспадарчы суд Кіева пастанавіў спагнаць зь беларускага ТАА «ЭнэргаСпэцАрматура» больш як 1 мільён беларускіх рублёў запазычанасьці за пастаўку ў 2019 годзе арматуры для будаўніцтва Беларускай АЭС.
Міністэрства разьвіцьця эканомікі, гандлю і сельскай гаспадаркі Ўкраіны раскрытыкавала дзеяньні кіеўскай гарадзкой улады аб набыцьці беларускіх аўтобусаў бяз тэндэру і плянуе распрацаваць мэханізм, які перадухіліць такія выпадкі надалей.
Мэр Кіева Віталь Клічко за пяць дзён да выбараў, на якіх ён зноў балятуецца на пасаду гарадзкога галавы, абвясьціў аб атрыманьні камунальным прадпрыемствам «Київпастранс» 50 новых аўтобусаў вытворчасьці Менскага аўтамабільнага заводу.
Пра што сказалі чальцы прэзідыюму Каардынацыйнай Рады і дарадца Ціханоўскай на прэсавай канфэрэнцыі? Навошта Радзе і Ціханоўскай эканамічная праграма, якую агучыў Алесь Аляхновіч? Якія шанцы на посьпех ультыматуму Ціханоўскай і якія наступствы ён ужо мае?
Яраслаў Раманчук аналізуе маштабы і працягласьць эканамічнага крызісу, адказвае на пытаньне, якія катэгорыі насельніцтва найперш пацярпяць ад эканамічных праблемаў, і прадказвае, што на пачатку наступнага году ўлады могуць замяніць кіраўніка Нацбанку на «новага Пракаповіча» і пачаць друкаваць грошы.
Кантракт на пастаўкі дацкага газу 21 кастрычніка падпісалі польскі канцэрн PGNiG і дацкая кампанія Ørsted.
Дакумэнт распрацаваны Эканамічнай групай Каардынацыйнай рады на аснове шырокага кансэнсусу беларускіх (і шэрагу замежных) эканамістаў, паведамляюць у прэсавай службе рады.
У Фэйсбуку атрымалі розгалас пасты маскоўскага асьпіранта Аляксандра Кудраўцава (гл. тут і тут), у якіх ён рэзка крытыкуе антыкаранавірусную вакцыну, распрацаваную ў новасібірскім навуковым цэнтры «Вэктар».
ЗША пашыраць санкцыі супраць праекту будаўніцтва расейскага газаправоду «Паўночны паток — 2». Цяпер яны закрануць кампаніі, якія ажыцьцяўляюць паслугі або фінансаваньне для ўстаноўкі абсталяваньня на суднах, якія ўдзельнічаюць у праекце. Гэта можа спыніць работы па ўкладцы труб газаправоду
Міністэрства гандлю ЗША вырашыла захаваць статус Беларусі як краіны зь нярынкавай эканомікай (Non-market economy, NME) у адпаведнасьці з антыдэмпінгавым законам ЗША, сказана ў паведамленьні на сайце Міністэрства гандлю ЗША
Падпалкоўнік унутраных войскаў на пэнсіі атрымлівае каля тысячы рублёў, а былы падпалкоўнік міліцыі — 700 рублёў. Глядзім, якія пэнсіі ў былых сілавікоў і дзяржаўных службоўцаў.
Віленчукі з аўторка змогуць атрымаць у аптэках бясплатна таблеткі ёдыду калію, паведамілі гарадзкія ўлады.
Розьнічныя цэны на аўтамабільнае паліва ў Беларусі зноў павысілі на 1 капейку пасьля больш як пяцімесячнага перапынку.
ВУП Беларусі за першыя тры кварталы 2020 году склаў у бягучых цэнах Br106,6 млрд, што ў супастаўных цэнах на 1,3% менш, чым у студзені-верасьні 2019 году.
На Кіпры абвясьцілі аб спыненьні так званай праграмы «залатых пашпартоў», якая дазваляла атрымаць грамадзянства Кіпру, уклаўшы ў кіпрскую эканоміку і нерухомасьць агулам два з паловай мільёны эўраў.
Беларусь цалкам разьлічылася з «Газпромам» за пастаўкі газу ў студзені–верасьні 2020 году, паведамілі Tut.by у Міністэрстве энэргетыкі Беларусі. Але ў кампаніі «Газпром трансгаз Беларусь» ня лічаць сытуацыю з разьлікамі за пастаўлены газ цалкам урэгуляванай.
У паведамленьні гаворыцца, што сродкі ЭФСР накіраваны на падтрымку бюджэту Беларусі ва ўмовах нэгатыўных наступстваў пандэміі COVID-19.
У другім паўгодзьдзі 2020-га ўлады ўжо выдаткавалі звыш 2 млрд рублёў на падтрымку дзяржаўных прадпрыемстваў. Дакладную суму падлічыць складана — шэраг дакумэнтаў маюць грыф «Для службовага карыстаньня».
Міжнародны Цэнтар дасьледаваньня карупцыі і арганізаванай злачыннасьці (OCCRP) сьцьвярджае, што фінансавых санкцыяў Эўразьвязу супраць кампаній і бізнэсоўцаў, зьвязаных зь беларускім рэжымам, магчыма пазьбегнуць пры дапамозе юрыдычных хітрыкаў і зьмены бізнэс-дакумэнтаў.
Прафсаюз працаўнікоў горназдабыўной прамысловасьці, геалёгіі і нафтавай прамысловасьці Чэхіі выступіў з адкрытым зваротам да шахтароў «Беларуськалію».
На знак пратэсту майстар-выбуховік Аляксандар Курбан прыкаваў сябе ланцугом да мэталаканструкцыяў у месцы пасадкі работнікаў у клець.
Як піша EUobserver, Аляксандар Лукашэнка мае сямейныя сувязі як мінімум зь дзьвюма кіпрскімі фірмамі: да дзьвюх тамтэйшых кампаніяў працы зь нерухомасьцю — Eastleigh Trading і Dana Holdings — мае дачыненьне нявестка Лукашэнкі Лілія, жонка ягонага старэйшага сына Віктара.
Беларусы працягваюць забіраць рублі і валюту з укладаў. Пра гэта сьведчаць дадзеныя Нацыянальнага банку аб грашовай масе на 1 кастрычніка.
На партале дзяржаўных закупаў апублікаваны плян цэнтральнага апарату Сьледчага камітэту купіць тавары для ведамства.
Пра гэта паведамляе інфармацыйны онлайн-рэсурс Delfi, спасылаючыся на апошнія ўзгадненьні наконт энэргетычнага рынку паміж Літвой, Латвіяй і Эстоніяй.
Алесь Аляхновіч — дарадца Сьвятланы Ціханоўскай у пытаньнях эканомікі. Ён вучань аўтара польскіх рэформаў Лешэка Бальцэровіча, вучыўся ў Лёнданскай школе эканомікі, працаваў у адной з найбуйнейшых кансталтынагавых кампаніяў сьвету Ernst&Young.
Фармацэўтычная кампанія Johnson & Johnson часова прыпыніла трэцюю фазу клінічных выпрабаваньняў вакцыны ад COVID-19 з прычыны «невытлумачальнай» хваробы ў аднаго з добраахвотнікаў. Пра гэта гаворыцца ў паведамленьні кампаніі.
Рада Эўразійскага фонду стабілізацыі і разьвіцьця, у якой старшынюе міністар фінансаў Расеі, ухваліла выдзяленьне Беларусі крэдыту ў аб’ёме 500 млн даляраў.
Ляўрэатамі прэміі ў эканоміцы памяці Альфрэда Нобэля за 2020 год сталі Пол Мілграм і Робэрт Уілсан. Пра гэта ў панядзелак, 12 кастрычніка, абвясьціў Нобэлеўскі камітэт.
На відэа яна пасьпела зьняць момант жорсткага зьбіцьця Мікіты Домрачава, брата чатырохразовай аліпійскай чэмпіёнкі Дар’і Домрачавай.
У рэактары першага энэргаблёку Беларускай атамнай электрастанцыі запусьцілі кіраваную ланцуговую рэакцыю дзяленьня.
«Можа атрымацца так, што, ствараючы ўмовы для беларусаў, мы сваімі рукамі зробім так, што нашы калійныя ўгнаеньні стануць прайграваць канкурэнтную гонку»
Нобэлеўскую прэмію міру 2020 году прысудзілі Ўсясьветнай харчовай праграме ААН
Пастановай Савету Міністраў № 582 унесены зьмены ў зацьверджаны ў 2016 годзе комплексны плян разьвіцьця электраэнэргетычнай сфэры з улікам уводу Беларускай АЭС.
Улады працягваюць выяўляць «дармаедаў», але па-ранейшаму не агучваюць іх колькасьць. На пачатку лістапада павінны абнавіць базу не занятага ў эканоміцы насельніцтва.
Больш за 80 беларускіх кампаній зацікавіліся пераносам бізнэсу ў Літву, паведамляе партал Delfi са спасылкай на зьвесткі арганізацыі дзяржаўнага агенцтва Investuok Lietuvoje («Інвестуй у Літве»).
Найбліжэйшым часам палітычны крызіс у Беларусі наўрад ці будзе ўрэгуляваны, і гэта будзе мець нэгатыўны ўплыў на нацыянальную эканоміку. Да такой высновы прыйшлі аналітыкі міжнароднага рэйтынгавага агенцтва Standard & Poor’s.
Улады Літвы заблякавалі вылучэньне фінансаваньня Беларусі ў рамках праграмы Эўразьвязу па трансьмежавым супрацоўніцтве.
Цягам жніўня і верасьня больш за 330 працаўнікоў «Нафтану» выйшлі зь дзяржаўнага і ўступілі ў незалежны прафсаюз.
Золатавалютныя рэзервы Беларусі на 1 кастрычніка склалі 7.321,4 мільёна даляраў ЗША і зьнізіліся да мінімальнага значэньня з красавіка 2019 году.
Нявызначанасьць разьвіцьця палітычнай сытуацыі ў Беларусі стварае рызыкі для транзыту расейскага газу ў Эўропу па газаправодзе «Ямал-Эўропа», папярэджвае «Газпром» інвэстараў у мэмарандуме новага выпуску эўрааблігацыяў у разьдзеле «Фактары рызыкі».
Рэйтынгавае агенцтва S&P пацьвердзіла доўгатэрміновыя і кароткатэрміновыя сувэрэнныя крэдытныя рэйтынгі Беларусі ў замежнай і нацыянальнай валютах на ўзроўні В.
Аляксандар Лукашэнка прыняў з дакладам старшыню Дзяржаўнага мытнага камітэту Юрыя Сянько і абмеркаваў пераарыентацыю грузаў з Латвіі і Літвы.
Гэта не зьвязана з палітычнай сытуацыяй. Міжнародная шахматная фэдэрацыя заявіла, што беларускія арганізатары ня выканалі сваіх абавязкаў.
Старшы навуковы супрацоўнік беларускага Цэнтру эканамічных дасьледаваньняў Леў Львоўскі расказаў у спэцыяльным эфіры «Настоящего времени», як пратэсты паўплывалі на эканоміку краіны, чаму беларусы масава не пакідаюць краіну і як праводзяць эканамічны пратэст.
Прэзыдэнт Украіны Уладзімір Зяленскі падпісаў Указ № 420/2020 «Аб некаторых захадах для прыцягненьня прадпрымальнікаў, высокакваліфікаваных спэцыялістаў, якія зьяўляюцца грамадзянамі Рэспублікі Беларусь».
У Гомлі 3 кастрычніка затрымалі галоўнага рэдактара сайта «Сильные новости» Ганну Якштас і яе мужа Дзяніса, які таксама працуе ў рэдакцыі.
Эканаміст Зьміцер Крук апісвае некалькі сцэнароў разьвіцьця эканамічнай сытуацыі ў Беларусі, прадказвае, на чым улады паспрабуюць эканоміць, і заяўляе, што зьніжэньне даходаў насельніцтва можа скласьці да 10 працэнтаў.
Калі ў жніўні беларускі рубель «прасеў» адносна замежнай валюты, то ў верасьні ён часткова ўмацаваўся. Свабода распытала экспэртаў, што будзе далей.
Загрузіць яшчэ
