Беларусы на вайне

Ва Ўкраіне назавуць вуліцу ў гонар Міраслава Лазоўскага, які летась загінуў у Бахмуце

Вуліца будзе ў горадзе Роўна, дзе мясцовыя ўлады прынялі такое рашэньне.

«Для вызваленьня Беларусі аднаго вайсковага кірунку мала», — кіраўнікі палку Каліноўскага пра мэты эўрапейскага турнэ

Кіраўнікі палку імя Каліноўскага Дзяніс Прохараў і Вадзім Кабанчук завіталі ў праскую студыю Свабоды напярэдадні сустрэчы зь беларускай дыяспарай у Чэхіі ў рамках эўрапейскага турнэ.

На ўсходзе Ўкраіны загінулі яшчэ двое беларускіх добраахвотнікаў

У другой палове студзеня загінулі яшчэ два беларускія ваяры ва Ўкраіне.

Добраахвотнік «Кусь» пра баі ў Бахмуце, як адміраюць ныркі і хто галоўны ў палку Каліноўскага. ВІДЭА

У размове са Свабодай Аляксандар «Кусь» Клачко апавёў, што ядуць, дзе сьпяць і ў што апранаюцца беларускія добраахвотнікі, чаму ў Бахмуце менш страшна, чым у Беларусі, і чым былі выбітнымі «Брэст» і Міраслаў Лазоўскі.

Чарнігаўскія ўлады расказалі, як беларусы дапамагалі ўкраінцам у часе акупацыі рэгіёну ў пачатку расейскага ўварваньня

Цягам 2014–2022 гадоў, абараняючы Ўкраіну, загінулі 9 этнічных беларусаў з Чарнігава.

Ва Ўкраіне стварылі «РокРадыёBY» для папулярызацыі беларускай культуры

Праект створаны пры падтрымцы палку Кастуся Каліноўскага.

У Швайцарыі памёр былы баец палка «Пагоня», які з 2017 году ваяваў ва Ўкраіне

У Швайцарыі 7 студзеня памёр добраахвотнік Мікалай Сікорскі (Косьцікаў), які ваяваў ва Украіне з 2017 года і стаў адным з заснавальнікаў палку «Пагоня».

«Застаецца толькі верыць». Што чуваць пра палоненых паўтара года таму беларусаў-каліноўцаў

«Расейскі бок не дае іх у сьпісы на абмен, таму мы ня ведаем, дзе яны і што зь імі», — кажуць у палку Каліноўскага пра Яна Дзюрбейку і Сяргея Дзёгцева.

Полк Каліноўскага паведаміў, што прайшоў незалежны аўдыт, і прадставіў фінансавую справаздачу

Полк Каліноўскага ў сваім тэлеграм-канале паведаміў, што прайшоў незалежны аўдыт, і апублікаваў фінансавую справаздачу за пэрыяд з 1 ліпеня 2022 году па 1 лістапада 2023 году.

«Мы пакінулі полк Каліноўскага». Расказваем пра новае беларускае падразьдзяленьне, якое пачало ваяваць ва Ўкраіне

Хлопцы перавяліся з палка імя Кастуся Каліноўскага і цяпер ваююць пад кіраўніцтвам Інтэрнацыянальнага легіёну ГУР. Колькі іх і хто камандзіры, не называюць.

Улады Кіева пацьвердзілі, што помнік Жызьнеўскаму зьнесьлі па іх распараджэньні

У афіцыйным адказе кіеўскіх уладаў Радыё Свабода адсутнічае інфармацыя аб узгадненьні дэмантажу помніка Міхаілу Жызьнеўскаму зь якімі-небудзь грамадзкімі арганізацыямі, актывістамі ці ўстановамі.

«Безь беларускіх ваяроў гэтыя людзі не вялі б дыялёг». Намесьнік камандзіра полку Каліноўскага пра вынікі канфэрэнцыі «Шлях да волі»

29–30 лістапада ў Кіеве з ініцыятывы фонду Кастуся Каліноўскага прайшла канфэрэнцыя «Шлях да волі».

Жонка загінулага ва Ўкраіне беларускага добраахвотніка праз суд дабіваецца выплаты кампэнсацыі

У лютым 2022 году ўрад Украіны ўхваліў пастанову, якая рэгулюе пытаньні выплаты кампэнсацыі сваякам загінулых на вайне вайскоўцаў. Аднак яна забараняе выплачваць грошы сваякам і бацькам загінулых грамадзян Беларусі і Расеі.

​​​​​​​Выпадкова выжыў. Гісторыя беларуса, які страціў ва Ўкраіне трох пабрацімаў і скончыў ваяваць

Беларус Сяргей паўгода ваяваў на баку Ўкраіны. Сям’я Сяргея думае, што ён увесь гэты час працаваў у Польшчы. Размова з Свабодай пра пачуцьці на вайне і праблемы полку Каліноўскага.

Ва Ўкраіне стварылі пэтыцыі за прысваеньне загінулым беларусам Лобаву і Рубашэўскаму званьня Героя

Пэтыцыі зарэгістравалі 14 лістапада. На момант публікацыі абедзьве набралі крыху менш за тысячу подпісаў.

Для беларускіх байцоў з «роты Сахашчыка» сабралі грошы на дроны-камікадзэ

1-я асобная дэсантна-штурмавая рота 79-й асобнай дэсантна-штурмавой брыгады Украіны паведаміла аб закрыцьці збору на сучасныя баявыя дроны, акумулятары да іх і антэны. Сродкі зьбіралі празь інтэрнэт.

Беларускага добраахвотніка Зьмітра Рубашэўскага пасьмяротна ўзнагародзілі «Хрестом Хоробрих»

Беларус змагаўся за свабоду Ўкраіны ад расейскай агрэсіі і загінуў у красавіку 2022 году.

У Беларусі быў вайскоўцам, ва Ўкраіне — камандзірам выведкі «Тэрору». Загінуў яшчэ адзін беларускі добраахвотнік

Як паведамілі Свабодзе з трох розных крыніц, ва Ўкраіне загінуў беларускі добраахвотнік Павал Горбач з пазыўным «Борт».

«Мужны Герой двух народаў». Як ва Ўкраіне разьвіталіся зь беларусам, што ваяваў пад пазыўным «Бахус». ФОТА

Беларускі добраахвотнік расказаў, як выйграў суд у Міграцыйнай службы Ўкраіны

Беларус Іван Тамашэвіч з пазыўным «Менавіта» служыў у палку Каліноўскага і ІІ Інтэрнацыянальным легіёне ад сакавіка 2022 да чэрвеня 2023 году.

Загінулага беларуса-добраахвотніка «Бахуса» пахаваюць 21 кастрычніка на Івана-Франкоўшчыне

Імя загінулага беларуса не называюць.

На беларускага добраахвотніка склалі пратакол у міграцыйнай службе Ўкраіны. Ён падаў у суд і выйграў

Як вынікае з судовага рашэньня, пратакол аб парушэньні склалі ў той час, калі беларус прыйшоў у міграцыйную службу.

«Гэта ня тое, пра што пішуць. Там вельмі цяжка». Беларускі добраахвотнік «Дзед» пра Мар’інку, раненьне і гераізм

Добраахвотнік з пазыўным «Дзед» сярод тых беларусаў, хто ваюе ў складзе 79-й асобнай дэсантна-штурмавой брыгады. Ён пагадзіўся адказаць на некалькі пытаньняў Свабоды.

У парлямэнце Ўкраіны запатрабавалі ад уладаў Кіева аднавіць мэмарыял беларусам

Кіраўніцтва каледжу, на сьцяне якога знаходзіцца мэмарыял, зьмясьціла зьнятыя герб «Пагоня» і надпісы «Жыве Беларусь!» і «Слава Ўкраіне!» у падвал навучальнай установы.

«Гэта правакацыя, якую мае расьсьледаваць СБУ». Актывісты маюць намер аднавіць знак беларусам у Кіеве і ведаюць, хто яго дэмантаваў

Ініцыятары памятнага знаку беларусам, якія загінулі за Ўкраіну, які з 2016 году ўсталяваны ў Кіеве, заявілі, што яны адновяць пашкоджаныя элемэнты.

Хтосьці шле літоўскім дэпутатам ад імя беларускага батальёну «Тэрор» лісты з пагрозамі. «Тэрораўцы» пракамэнтавалі

У сераду некаторыя літоўскія дэпутаты атрымалі электронныя лісты з пагрозамі, нібыта падпісаныя беларускім батальёнам «Тэрор».

Фотавыстава пра загінулых ва Ўкраіне беларускіх добраахвотнікаў адкрылася ў Ізмаіле на Адэшчыне. ФОТА

Выстава будзе дзейнічаць да канца верасьня ў Ізмаільскім дзяржаўным гуманітарным унівэрсытэце.

Удаве загінулага беларускага добраахвотніка Рубашэўскага перадалі мэдаль Аб’яднанага пераходнага кабінэту

Беларускія актывісты плянуюць распачаць кампанію за прысваеньне Зьмітру Рубашэўскаму, які загінуў 12 красавіка 2022 году ў Луганскай вобласьці, званьня Героя Ўкраіны.

Дзяніс Урбановіч атрымаў пятае раненьне з пачатку вайны

Беларускі добраахвотнік, які ваюе на баку Ўкраіны ў складзе батальёну «Волат», зноў атрымаў раненьне.

У палку Каліноўскага паведамілі, што Зяленскі ўзнагародзіў яшчэ чатырох беларускіх добраахвотнікаў

Раней прэзыдэнт Украіны Ўладзімір Зяленскі ўзнагародзіў ордэнам «За мужнасьць» трэцяй ступені трох загінулых беларускіх добраахвотнікаў — Зьмітра Рубашэўскага, Эдуарда Лобава і Данііла Ляшука.

«У мяне на руках памерлі „Волат“ і „Брэст“». Аповед беларускага парамэдыка «Бровара», які ўжо паўтара года на вайне

«Бровар» — кіраўнік мэдычнай службы батальёну «Волат». Ён ваюе ва Ўкраіне ад сакавіка 2022 году. Ад самага пачатку «Бровар» займаўся менавіта мэдыцынай.

Полк Каліноўскага спыніў набор рэкрутаў ва ўсе свае падразьдзелы

Пра гэта паведамілі на афіцыйным тэлеграм-канале полку.

Кубракоў абяцае каліноўцам «імгненны і канкрэтны» адказ, калі тыя ўвойдуць у Беларусь

Міністар унутраных спраў Беларусі Іван Кубракоў прыгразіў прадстаўнікам палка Каліноўскага і ўсім, хто паспрабуе ўварвацца ў Беларусь, «імгненным і канкрэтным» адказам.

Палку Каліноўскага перадалі мікрааўтобус, дроны і падарункі ад беларусаў Бэльгіі, Нідэрляндаў, Партугаліі і Францыі

2 верасьня прадстаўнікі беларускай дыяспары Бэльгіі даставілі ў мабілізацыйны цэнтар Палка Каліноўскага ў Варшаву мікрааўтобус.

Полк Каліноўскага паведаміў, што яго байцы атрымалі ўкраінскія ўзнагароды

Пра гэта паведамляе тэлеграм-канал палку.

«На вайне яму спалася лепш, чым у Беларусі». Пабрацімы ўспамінаюць добраахвотніка «Мінска», які загінуў у Данецкай вобласьці

«Мінск» папрацаваў журналістам, прафэсійна займаўся тайскім боксам, здымаўся ў кіно, пісаў вершы.

«Не перасварыліся». У Кіеве прайшла закрытая сустрэча байцоў з усіх беларускіх фармаваньняў, якія ваююць ва Ўкраіне

Прадстаўнікоў штабу палку імя Кастуся Каліноўскага на ёй не было. Як і Валера Сахашчыка.

Беларускі добраахвотнік, якога падазраюць у забойстве пабраціма ў Літве, у першым інтэрвію расказаў сваю вэрсію падзей

«Чаравік» восем месяцаў правёў у літоўскім СІЗА і катэгарычна адмаўляе сваю віну ў здарэньні. На волю яго выпусьцілі пад заклад памерам 25 тысяч эўра, ён пад хатнім арыштам.

Байцы палку Каліноўскага наведалі абноўлены манумэнт «Бацькаўшчыне-Маці» ў Кіеве. ФОТА

У жніўні рабочыя завяршылі замену савецкай сымболікі на ўкраінскі герб «Трызуб» на шчыце вялікага манумэнту ў сталіцы Ўкраіны. Пасьля комплекс наведалі байцы палку Каліноўскага.

«У нас ня войска выходнага дня». Гутарка са стваральнікам беластоцкай харугвы «Лесавіком»

Расказваем, як дзейнічае беластоцкая харугва і калі яна можа пайсьці ў Беларусь.

У Данецкай вобласьці загінуў яшчэ адзін беларускі добраахвотнік

5 жніўня ў Данецкай вобласьці Ўкраіны загінуў яшчэ адзін беларускі добраахвотнік.

Палонныя найміты зь Беларусі, якія ваявалі за Расею, просяць абмяняць іх на палонных каліноўцаў ці палітвязьняў

Двое беларусаў, якія ваявалі ва Ўкраіне за Расею, запісалі з украінскага палону зварот да Аляксандра Лукашэнкі.

«Сахашчык сам удзельнічае ў баявых апэрацыях». Баец з новай дэсантнай роты беларусаў расказаў, чым яны займаюцца на Данбасе

Ужо некалькі месяцаў супраць расейскай арміі на Данбасе ў складзе Ўзброеных сіл Украіны ваюе 1-я асобная дэсантна-штурмавая рота беларусаў. Баец гэтага падразьдзяленьня расказаў Свабодзе пра баявыя выхады, удзел у іх самога Сахашчыка і патлумачыў, чаму якасьць службы важнейшая за колькасьць байцоў.

У Кіеве разьвіталіся з адным з чатырох беларускіх добраахвотнікаў, што загінулі ў ліпені

Разьвітаньне адбывалася пад беларускімі і ўкраінскімі сьцягамі.

Загінулі каліноўцы. Што вядома?

На мінулым тыдні ва Ўкраіне загінулі адразу чацьвёра байцоў палку імя Кастуся Каліноўскага. Беларусы бяруць удзел у баях недалёка ад Бахмуту, аднаго з найгарачэйшых пунктаў ва Ўкраіне сёньня.

«Многія страты на вайне — ад чалавечых памылак». Гутарка з намесьнікам камандзіра батальёну «Літвін»

«Сэнат» — намесьнік камандзіра батальёну «Літвін» у баявой працы. Ён быў паранены ў баях каля Бахмуту. Пасьля трох тыдняў у шпіталі вярнуўся да пабрацімаў і пагутарыў з Свабодай пра вайну ва Ўкраіне і будучыню Беларусі.

Загінулі чацьвёра байцоў палку Каліноўскага

Пра гэта паведамляе тэлеграм-канал палку.

У баі за Ўкраіну загінуў яшчэ адзін беларус

Пра гэта паведамляе тэлеграм-канал грамадзкай арганізацыі «Пагоня».

Беларусу адмовілі ў міжнароднай абароне ва Ўкраіне ў сувязі «паляпшэньнем стану» з правамі чалавека ў Беларусі

Скандальная сытуацыя адбылася яшчэ ў 2021 годзе, а стала вядома цяпер.