Севярын Квяткоўскі, Менск Актуалізаваць праблему забароненых для эфіру гуртоў “Палац”, “Drum Ecstasy”, “NeuroDubel”, “NRM”, “Zet”, “Pomidor/OFF” і музыкі Зьмітра Вайцюшкевіча закліканы флэш-моб, заплянаваны сёньня ў цэнтры Менску. Названыя выканаўцы патрапілі ў дзяржаўны “чорны сьпіс” пасьля 21 ліпеня мінулага году, калі выступілі на акцыі, дзе крытыкавалася дзесяцігодзьдзе кіраваньня Аляксандра Лукашэнкі.