Прапановы надаць адной з вуліц гораду вялікай хіміі імя нашага славутага земляка гучалі і раней. Прынамсі, гэтая тэма неаднаразова ўздымалася на старонках мясцовай лібэральнай газэты “Химик”. Аднак гарадзкія ўлады на такія звароты не рэагавалі, а таму і ўзьнікла неабходнасьць збору подпісаў грамадзянаў пад патрабаваньнем надаць вуліцы Кірава імя славутага пісьменьніка. Ну а ініцыятарамі гэтай акцыі сталіся сябры міжрэгіянальнага праваабарончага цэнтру “Вясна Паазер’я” і актывісты суполкі Задзіночаньня беларускіх студэнтаў.
Гаворыць праваабаронца Зьміцер Салаўёў:
(Салаўёў: ) “Мы лічым, што неабходнасьць наданьня адной з вуліц горада імя Васіля Быкава даўно насьпела. Васіль Быкаў – наш самы вядомы культурніцкі дзеяч, і ён праславіў Беларусь. А імя Кірава, у гонар якога названа адна з вуліц, ніякім чынам не стасуецца ні зь Беларусьсю, ні з нашым горадам Наваполацкам”.
Трэба дадаць, што арганізатараў акцыі ўразілі апошнія дасьледаваньні расейскіх гісторыкаў, якія сьведчаць пра тое, што Кіраў быў забіты на глебе рэўнасьці непасрэдна пад час інтымнай сувязі з работніцай Ленінградзкага абкаму. Так што нават адкінуўшы палітычны аспэкт, наяўнасьць імя гэтага сталінскага паплечніка ў гарадзкой тапаніміцы супярэчыць здароваму сэнсу.
Вуліца Кірава месьціцца ў цэнтры горада, яна непрацяглая, і на ёй знаходзіцца ўсяго некалькі жылых будынкаў. Гэта зьнізіць выдаткі пры перайменаваньні, бо менавіта на фінансавы бок звычайна спасылаюцца ўлады, не жадаючы нічога мяняць у тапаніміцы. Таварыства беларускай мовы таксама падключылася да акцыі. Гаворыць старшыня гарадзкой суполкі ТБМ Алесь Рымша:
(Рымша: ) “Сябры нашага таварыства яшчэ летась зьвярталіся праз газэту “Химик” да дэпутатаў гарадзкога савета і грамадзкасьці горада з прапановаю надаць адной з вуліцаў імя Васіля Быкава. Мы думалі, што гэтага будзе дастаткова… Аднак мы памыляліся: праблема назваць імем усясьветна вядомага пісьменьніка, нашага земляка ня толькі вуліцу, але й бібліятэку! У Наваполацку ёсьць бібліятэкі імя Сіманава, імя Маякоўскага, імя Пушкіна, імя Маршака, але няма бібліятэкі імя Быкава. Будзем дамагацца, каб памяць народнага пісьменьніка была годна ўшанавана”.
Гаворыць праваабаронца Зьміцер Салаўёў:
(Салаўёў: ) “Мы лічым, што неабходнасьць наданьня адной з вуліц горада імя Васіля Быкава даўно насьпела. Васіль Быкаў – наш самы вядомы культурніцкі дзеяч, і ён праславіў Беларусь. А імя Кірава, у гонар якога названа адна з вуліц, ніякім чынам не стасуецца ні зь Беларусьсю, ні з нашым горадам Наваполацкам”.
Трэба дадаць, што арганізатараў акцыі ўразілі апошнія дасьледаваньні расейскіх гісторыкаў, якія сьведчаць пра тое, што Кіраў быў забіты на глебе рэўнасьці непасрэдна пад час інтымнай сувязі з работніцай Ленінградзкага абкаму. Так што нават адкінуўшы палітычны аспэкт, наяўнасьць імя гэтага сталінскага паплечніка ў гарадзкой тапаніміцы супярэчыць здароваму сэнсу.
Вуліца Кірава месьціцца ў цэнтры горада, яна непрацяглая, і на ёй знаходзіцца ўсяго некалькі жылых будынкаў. Гэта зьнізіць выдаткі пры перайменаваньні, бо менавіта на фінансавы бок звычайна спасылаюцца ўлады, не жадаючы нічога мяняць у тапаніміцы. Таварыства беларускай мовы таксама падключылася да акцыі. Гаворыць старшыня гарадзкой суполкі ТБМ Алесь Рымша:
(Рымша: ) “Сябры нашага таварыства яшчэ летась зьвярталіся праз газэту “Химик” да дэпутатаў гарадзкога савета і грамадзкасьці горада з прапановаю надаць адной з вуліцаў імя Васіля Быкава. Мы думалі, што гэтага будзе дастаткова… Аднак мы памыляліся: праблема назваць імем усясьветна вядомага пісьменьніка, нашага земляка ня толькі вуліцу, але й бібліятэку! У Наваполацку ёсьць бібліятэкі імя Сіманава, імя Маякоўскага, імя Пушкіна, імя Маршака, але няма бібліятэкі імя Быкава. Будзем дамагацца, каб памяць народнага пісьменьніка была годна ўшанавана”.
