У Лёндане праходзіць масавая акцыя пратэсту з патрабаваньнем правесьці рэфэрэндум аб канчатковай дамове ў справе «Брэксыт».
Пра гэта паведамляе ВВС.
Паводле арганізатараў з ініцыятывы People’s Vote, марш абяцае стаць найбуйнейшай, самай гучнай і найбольш важнай пратэстнай акцыяй такога кшталту.
Раней прэм’ер-міністар Вялікай Брытаніі Тэрэза Мэй ўжо выключыла магчымасьць такога рэфэрэндуму.
Удзельнікі маршу сабраліся каля Гайд-парку і рушылі ў бок Парлямэнцкай плошчы.
Прадстаўнікі People’s Vote сьцвярджаюць, што ў маршы бяруць удзел да 570 тысяч чалавек.
Скотлэнд-Ярд заявіў, што ня можа падлічыць колькасьць удзельнікаў маршу.
