ПАДЗЕІ ДНЯ
У менскім клюбе «Піраты» адбудзецца канцэрт This is Belarus з удзелам гуртоў Amaroka (панк-рок; Менск), Askiepak (мэлёдык-гардкор; Менск), Łaska (чорны гардкор; Менск) ды іншых. Адрас клюбу – Партызанскі праспэкт, 6А. Пачатак у 17.00.
У сталіцы Бразыліі горадзе Бразылія на Нацыянальным стадыёне каманды Бразыліі і Нідэрляндаў згуляюць матч за 3-яе месца ХХ Чэмпіянату сьвету ў футболе.
ЁСЬЦЬ НАГОДА
12 ліпеня Дзень незалежнасьці сьвяткуюць астраўныя дзяржавы Кірыбаці і Сан-Тамэ і Прынсіпі.
ГЭТЫ ДЗЕНЬ У ГІСТОРЫІ:
1920 — РСФСР паводле Маскоўскай дамовы прызнала Літоўскую Рэспубліку і яе правы на значную частку тэрыторыі Беларусі.
1962 — першы канцэрт «Rolling Stones» у Лёндане.
1988 — абласная рада Нагорнага Карабаху абвясьціла аб выхадзе вобласьці са складу Азэрбайджану.
1990 — была падпаленая і згарэла царква Праабражэньня Гасподняга на гары Грабарцы, сьвятое месца для праваслаўных Польшчы.
2009 — Даля Грыбаўскайце абраная прэзыдэнтам Літвы.
У гэты дзень нарадзіліся:
100 да н. э. — Гай Юлі Цэзар, рымскі дыктатар.
1884 — Амедэа Мадыльяні, італьянскі мастак.
1904 — Пабла Нэруда, чылійскі паэт
1920 — Ядвіга Раманоўская, беларуская арганізатарка музэйнай справы, захавальніца літаратурнай і архіўнай спадчыны Янкі Купалы.
З КАЛЕНДАРА БАХАРЭВІЧА
Жоўты крыж. 12 ліпеня 1916 нямецкія войскі ўпершыню ўжываюць іпрыт
