Раней Ленінскі раённы суд Магілёва не задаволіў ягоны пазоў.
У скарзе Алег Аксёнаў даводзіць, што рашэньне раённага суду палітычна матываванае, што судзьдзя Валянціна Лапаціна неналежным чынам выкарыстала прававыя нормы пры разглядзе справы і праігнаравала прызнаныя беларускім заканадаўствам прынцыпы міжнароднага права. Актывіст спасылаецца на Грамадзянска-працэсуальны кодэкс, паводле якога суд павінен разглядаць справы на падставе беларускай Канстытуцыі:
«Суд праігнараваў маё канстытуцыйнае права на свабоду слова, асацыяцыяў, аб’яднаньняў. Не ўлічыў тое, што я маю права на свабоднае выказваньне свайго меркаваньня. Суд праігнараваў той факт, што артыкул 193/1 (адказнасьць за дзейнасьць ад імя незарэгістраванай арганізацыі) антыканстытуцыйны. Акрамя таго, судзьдзя, выносячы вырак, спаслалася на нарматыўна-прававыя акты КДБ, то бок выкарыстала нейкія тайныя акты заканадаўства», — зазначае Алег Аксёнаў.
Актывіст у абласным судзе зьбіраецца дамагацца ня толькі скасаваньня пастановы раённага суду і вынесенага папярэджаньня, але й просіць суд, каб начальнік абласной управы КДБ пісьмова выбачыўся перад ім за дапушчаныя ў адносінах да яго незаконныя дзеяньні.
19 красавіка абласная ўправа КДБ вынесла Алегу Аксёнаву папярэджаньне на падставе знойдзеных у інтэрнэце публікацый пра мерапрыемствы, у якіх удзельнічаў ад імя БХД актывіст. Вынесенае папярэджаньне тлумачылася як прэвэнтыўная мера, каб папярэдзіць магчымую крымінальную адказнасьць актывіста за дзейнасьць ад імя незарэгістраванай арганізацыі.
У скарзе Алег Аксёнаў даводзіць, што рашэньне раённага суду палітычна матываванае, што судзьдзя Валянціна Лапаціна неналежным чынам выкарыстала прававыя нормы пры разглядзе справы і праігнаравала прызнаныя беларускім заканадаўствам прынцыпы міжнароднага права. Актывіст спасылаецца на Грамадзянска-працэсуальны кодэкс, паводле якога суд павінен разглядаць справы на падставе беларускай Канстытуцыі:
«Суд праігнараваў маё канстытуцыйнае права на свабоду слова, асацыяцыяў, аб’яднаньняў. Не ўлічыў тое, што я маю права на свабоднае выказваньне свайго меркаваньня. Суд праігнараваў той факт, што артыкул 193/1 (адказнасьць за дзейнасьць ад імя незарэгістраванай арганізацыі) антыканстытуцыйны. Акрамя таго, судзьдзя, выносячы вырак, спаслалася на нарматыўна-прававыя акты КДБ, то бок выкарыстала нейкія тайныя акты заканадаўства», — зазначае Алег Аксёнаў.
Актывіст у абласным судзе зьбіраецца дамагацца ня толькі скасаваньня пастановы раённага суду і вынесенага папярэджаньня, але й просіць суд, каб начальнік абласной управы КДБ пісьмова выбачыўся перад ім за дапушчаныя ў адносінах да яго незаконныя дзеяньні.
19 красавіка абласная ўправа КДБ вынесла Алегу Аксёнаву папярэджаньне на падставе знойдзеных у інтэрнэце публікацый пра мерапрыемствы, у якіх удзельнічаў ад імя БХД актывіст. Вынесенае папярэджаньне тлумачылася як прэвэнтыўная мера, каб папярэдзіць магчымую крымінальную адказнасьць актывіста за дзейнасьць ад імя незарэгістраванай арганізацыі.
