Андрэй Саньнікаў напісаў пра этап з Бабруйскай калёніі ў Магілёўскую турму. Павал Севярынец не выключае, што падзеі вакол Эўразійскага саюзу адаб’юцца на лёсе беларукіх палітвязьняў. Зьмітра Дашкевіча працягаюць утрымліваць у адзіночнай камэры.
Пра тое, што вязень Івацэвіцкай калёніі № 5 прадпрымальнік Мікалай Аўтуховіч з 16 лістапада трымае галадоўку, паведаміў сайт грамадзянскай арганізацыі абароны правоў вязьняў «Плятформа» са спасылкай на крыніцы ў калёніі. Паводле «Плятформы», разам зь Мікалаем Аўтуховічам ціск з боку адміністрацыі зазналі таксама вязьні Ігар Міхнавец і Сяргей Глушак, якія, як і Аўтуховіч, дапамагаюць іншым вязьням у абароне правоў. Ці працягвае Мікалай Аўтуховіч галадоўку? Лідэр «Плятформы» Андрэй Бандарэнка сказаў, што больш зьвестак ад сваёй крыніцы ў калёніі яны не атрымлівалі. А што кажуць афіцыйныя крыніцы пра галадоўку Мікалая Аўтуховіча? Супрацоўніца спэцаддзелу 5-й калёніі, якая не назвала свайго імя, ад камэнтару адмовілася:
«Па-першае, мы не валодаем такой інфармацыяй, а па-другое, мы па тэлефоне такіх зьвестак не даем. Ніякай галадоўкі ў нас няма».
Супрацоўніца калёніі не пракамэнтавала і зьвесткі, паводле якіх Мікалай Аўтуховіч зьмешчаны ў турэмны карцэр.
Былы адвакат Павал Сапелка, які абараняў Мікалая Аўтуховіча ў судзе ў 2010 годзе, не выключае, што вязень у карцэры сапраўды трымае галадоўку.
«Улічваючы тое, што ён лічыць незаконным зьмяшчэньне ў карцэр, супраць гэтага ён і пратэстуе. А пакаралі яго за тое, што аказвае дапамогу іншым вязьням».
Паводле журналісткі Ірыны Халіп, яе муж, экс-кандыдат на прэзыдэнта Андрэй Саньнікаў яшчэ 19 лістапада быў вывезены з Магілёўскай перасыльнай турмы і цяпер, магчыма, знаходзіцца ў Віцебскім СІЗА:
«Гэтую інфармацыю я атрымала ад адваката з Магілёўскай калегіі адвакатаў, які сёньня паспрабаваў наведаць Андрэя ў турме. Але яму сказалі, што Саньнікава там няма, што яго ўвогуле няма ў Магілёўскай вобласьці і, магчыма, ён ужо знаходзіцца ў Віцебскім СІЗА. А вывезьлі яго нібыта яшчэ 4 дні таму».
Ірына Халіп атрымала ад мужа ліст, у якім той апісваў этап з Бабруйскай калёніі ў Магілёўскую турму. Ірына працытавала вытрымкі зь ліста:
«Этап быў страшэнна цяжкі. Больш за суткі бязь ежы, у вельмі халодным „сталыпіне“, бяз сну. У Магілёў даехалі праз суткі. Далей будзе новы этап, гэта я зразумеў, але ня ведаю, куды. Напэўна, зноў будуць правакацыі, новы віток ціску. Вядома, вытрываю, хоць фізычна ўжо вельмі цяжка, бо на холадзе вельмі моцныя болі ў суставах і сьпіне».
Асуджаны на 3 гады «хіміі» Павал Севярынец атрымаў лісты ад Мікалая Статкевіча, Зьмітра Дашкевіча і Эдуарда Лобава. Мікалай Статкевіч напісаў, што яму надалей прапаноўваюць напісаць прашэньне аб памілаваньні на імя Лукашэнкі. Зьмітра Дашкевіча па-ранейшаму трымаюць у адзіночнай камэры Глыбоцкай турмы, але настрой вязьня, мяркуе па ягоным лісьце Севярынец, бадзёры. Эдуард Лобаў рэгулярна ходзіць у царкву на тэрыторыі калёніі, піша, што да яго ўжо не зьвяртаюцца з прапановамі аб прашэньні наконт памілаваньня. Адносна палітвязьняў, якія застаюцца за кратамі, Павал Севярынец мяркуе, што апошнія падпісаньні дамоваў з Расеяй і Казахстанам могуць адбіцца ў горшы бок на іх лёсе — працэс іх датэрміновага вызваленьня відавочна спыніўся. Пры гэтым Павал Севярынец заўважае, што для яго найважнейшае — павелічэньне пагрозы для незалежнасьці Беларусі ў выніку новых гульняў Лукашэнкі на карысьць расейскага кіраўніцтва:
«Пуцін выступае як новы зьбіральнік земляў, гэта ідзе ў зьвязку зь ягонай перавыбарнай кампаніяй. Трэба быць вельмі пільнымі, каб ня страціць таго, што засталося ад незалежнасьці. Але мне гэта ўсё больш нагадвае прапагандысцкія гульні на касьцях Савецкага Саюзу».
Пра тое, што вязень Івацэвіцкай калёніі № 5 прадпрымальнік Мікалай Аўтуховіч з 16 лістапада трымае галадоўку, паведаміў сайт грамадзянскай арганізацыі абароны правоў вязьняў «Плятформа» са спасылкай на крыніцы ў калёніі. Паводле «Плятформы», разам зь Мікалаем Аўтуховічам ціск з боку адміністрацыі зазналі таксама вязьні Ігар Міхнавец і Сяргей Глушак, якія, як і Аўтуховіч, дапамагаюць іншым вязьням у абароне правоў. Ці працягвае Мікалай Аўтуховіч галадоўку? Лідэр «Плятформы» Андрэй Бандарэнка сказаў, што больш зьвестак ад сваёй крыніцы ў калёніі яны не атрымлівалі. А што кажуць афіцыйныя крыніцы пра галадоўку Мікалая Аўтуховіча? Супрацоўніца спэцаддзелу 5-й калёніі, якая не назвала свайго імя, ад камэнтару адмовілася:
«Па-першае, мы не валодаем такой інфармацыяй, а па-другое, мы па тэлефоне такіх зьвестак не даем. Ніякай галадоўкі ў нас няма».
Супрацоўніца калёніі не пракамэнтавала і зьвесткі, паводле якіх Мікалай Аўтуховіч зьмешчаны ў турэмны карцэр.
Былы адвакат Павал Сапелка, які абараняў Мікалая Аўтуховіча ў судзе ў 2010 годзе, не выключае, што вязень у карцэры сапраўды трымае галадоўку.
«Улічваючы тое, што ён лічыць незаконным зьмяшчэньне ў карцэр, супраць гэтага ён і пратэстуе. А пакаралі яго за тое, што аказвае дапамогу іншым вязьням».
Паводле журналісткі Ірыны Халіп, яе муж, экс-кандыдат на прэзыдэнта Андрэй Саньнікаў яшчэ 19 лістапада быў вывезены з Магілёўскай перасыльнай турмы і цяпер, магчыма, знаходзіцца ў Віцебскім СІЗА:
«Гэтую інфармацыю я атрымала ад адваката з Магілёўскай калегіі адвакатаў, які сёньня паспрабаваў наведаць Андрэя ў турме. Але яму сказалі, што Саньнікава там няма, што яго ўвогуле няма ў Магілёўскай вобласьці і, магчыма, ён ужо знаходзіцца ў Віцебскім СІЗА. А вывезьлі яго нібыта яшчэ 4 дні таму».
Ірына Халіп атрымала ад мужа ліст, у якім той апісваў этап з Бабруйскай калёніі ў Магілёўскую турму. Ірына працытавала вытрымкі зь ліста:
Этап быў страшэнна цяжкі. Больш за суткі бязь ежы, у вельмі халодным „сталыпіне“, бяз сну
«Этап быў страшэнна цяжкі. Больш за суткі бязь ежы, у вельмі халодным „сталыпіне“, бяз сну. У Магілёў даехалі праз суткі. Далей будзе новы этап, гэта я зразумеў, але ня ведаю, куды. Напэўна, зноў будуць правакацыі, новы віток ціску. Вядома, вытрываю, хоць фізычна ўжо вельмі цяжка, бо на холадзе вельмі моцныя болі ў суставах і сьпіне».
Асуджаны на 3 гады «хіміі» Павал Севярынец атрымаў лісты ад Мікалая Статкевіча, Зьмітра Дашкевіча і Эдуарда Лобава. Мікалай Статкевіч напісаў, што яму надалей прапаноўваюць напісаць прашэньне аб памілаваньні на імя Лукашэнкі. Зьмітра Дашкевіча па-ранейшаму трымаюць у адзіночнай камэры Глыбоцкай турмы, але настрой вязьня, мяркуе па ягоным лісьце Севярынец, бадзёры. Эдуард Лобаў рэгулярна ходзіць у царкву на тэрыторыі калёніі, піша, што да яго ўжо не зьвяртаюцца з прапановамі аб прашэньні наконт памілаваньня. Адносна палітвязьняў, якія застаюцца за кратамі, Павал Севярынец мяркуе, што апошнія падпісаньні дамоваў з Расеяй і Казахстанам могуць адбіцца ў горшы бок на іх лёсе — працэс іх датэрміновага вызваленьня відавочна спыніўся. Пры гэтым Павал Севярынец заўважае, што для яго найважнейшае — павелічэньне пагрозы для незалежнасьці Беларусі ў выніку новых гульняў Лукашэнкі на карысьць расейскага кіраўніцтва:
«Пуцін выступае як новы зьбіральнік земляў, гэта ідзе ў зьвязку зь ягонай перавыбарнай кампаніяй. Трэба быць вельмі пільнымі, каб ня страціць таго, што засталося ад незалежнасьці. Але мне гэта ўсё больш нагадвае прапагандысцкія гульні на касьцях Савецкага Саюзу».
