Альгерд Бахарэвіч

19 лістапада 1982 менскае «Дынама» становіцца чэмпіёнам СССР

Золата імпэрыі паехала ў Менск, сталіцу нашай сацыялістычнай Бацькаўшчыны.

18 лістапада 1307 Вільгельм Тэль страляе ў яблык на галаве свайго сына

Якая страла ляціць даўжэй за ўсё? — тая, якая трапіла ў цэль.

17 лістапада 1989 пачалася аксамітная рэвалюцыя ў Чэхаславаччыне

16 лістапада 1913 выйшаў першы том «У пошуках страчанага часу» Марсэля Пруста

Яшчэ сто гадоў таму Пруст давёў сьвету, што вялікім пісьменьнікам можна быць і безь біяграфіі.

15 лістапада 1930 у «Праўдзе» выходзіць артыкул «Калі вораг не здаецца — яго зьнішчаюць»

Імем Горкага было забіта столькі беларусаў, што яго варта лічыць беларускім пісьменьнікам.

14 лістапада 1926 у Менску пачалася канфэрэнцыя па рэформе правапісу

У 1926-м гаварылі пра тое, якой быць мове. Праз паўстагодзьдзя — ці быць ёй наагул.

13 лістапада 2007 памёр Цімох Вострыкаў, удзельнік беларускага антысавецкага супраціву

Сялянскі сын, народжаны на Гомельшчыне, ён пасьпеў пабыць калгасьнікам, зваршчыкам, настаўнікам, салдатам, дэзэртырам, шпіёнам, зэкам, пэнсіянэрам.

12 лістапада 1933 першы здымак лох-нэскага монстра

Так легендарная пачварына ўмомант сталася публічнай пэрсонай — што не магло не адбіцца на стаўленьні да яе з боку грамадзтва. З пачвары пачалі жартаваць, маляваць на яе карыкатуры, здымаць фільмы і выдумляць дурныя тэорыі.

11 лістапада 1880 году ўпершыню ўжытае слова «байкот»

У тым, што цябе ігнаруюць, вялікай бяды няма. Няма чаго пускаць іншых у душу без патрэбы. Быць адному — шчасьце. Але толькі не для аканомаў і дзяржаўных службоўцаў — мы ім патрэбныя, як паветра.

10 лістапада 1938 памёр Мустафа Кемаль Атацюрк

Ягонага тату Атацюркам ня звалі. І маму ня звалі спадарыяняй Атацюрк. Атацюркам, бацькам туркаў і самым вялікім туркам у гісторыі яго ахрысьціў прыдуманы ім самім парлямант прыдуманай ім Турцыі.

9 лістапада 1966 Ёка Она ўпершыню бачыць Джона Ленана

Так пачалася іхная гісторыя — каханьне на вачах ва ўсяго сьвету, каханьне, якое не саромелася нічога — і зьмяняла сьвет.

8 лістапада 1895 Ронтген адкрывае свае промні

Сыходзячы, не забудзьце выключыць электрапрылады. Як часта гэты адзінаццаты запавет, дадзены Богам Масею на гарналыжным курорце Сінай, ратаваў Масеевым нашчадкам цела, душу і кашалёк.

7 лістапада 1990 памёр Лорэнс Дарэл

Пра Александрыю дзякуючы Дарэлу ўспамінаюць нават тыя, хто там ніколі ня быў. Успамінаюць — і жывуць там.

6 лістапада 1455 суд адабраў у Гутэнбэрга друкарню

Жылі-былі сабе ў слаўным горадзе Майнц два Ёганы. Адзін меў прозьвішча Гутэнбэрг, другі адгукаўся на «хвамілію» Фуст. Першы быў бедны і разумны, а другі багаты і...

5 лістапада 1930 Сынклер Льюіс зьдзекуецца з швэдзкага журналіста, які паведамляе пісьменьніку пра ўзнагароджаньне Нобэлеўскай прэміяй

«Нашая галоўная бяда ў тым, што ледзьве ня кожны з нас пачынае размову словамі «Наша галоўная бяда ў тым, што...»

4 лістапада 1964 у Францыі прэм’ера «Фантамаса»

Амаль ніхто з гледачоў ужо ня памятаў, што за паўстагодзьдзя да таго нешта такое ўжо выклікала фурор і памарачэньне сынэмазалежных розумаў.

3 лістапада 1906 сыгнал SOS прызнаецца міжнародным сыгналам просьбы аб дапамозе

Невядома, хто з маракоў упершыню даслаў у яшчэ гулкі ад пустаты этэр гэты сыгнал: SOS.

2 лістапада 1975 загінуў П’ер Паола Пазаліні

1 лістапада 2002 пачата будаўніцтва Нацыянальнай Бібліятэкі ў Менску

Здаецца, менчукі зь ёй зьмірыліся і нечалавечым намаганьнем волі прымусілі сябе яе палюбіць.

31 кастрычніка 1517 каля 12.00 Лютэр вывешвае свае 95 тэзаў

Магчыма, сьвет ніколі не даведаўся б пра Марціна Лютэра, калі б не чалавек, якога звалі Тэцэль.