Альгерд Бахарэвіч

Хто сьмяецца з апошніх

Гэтай далёкай ночы беларусам не абмінуць — нават калі панаставіць паўсюль лямпадак вечнага адраджэньня, запаліць у кожным з пакояў памяці па лямпачцы «Белсьвятло» і ўключыць над галавой самыя моцныя пражэктары

29 кастрычніка 1888 нарадзіўся Нестар Махно

Нестар Махно — гіпнатычная ікона анархізму (вядома, у ягоным практычным варыянце, далёкім ад кабінэтных тэорый, якія ні на адну тачанку ня зьмесьцяцца, коні не павязуць).

28 кастрычніка 1929 у Амэрыцы ўпершыню ў гісторыі дзіця нарадзілася ў самалёце

Міс Эванс зрабілася свайго кшталту родапачынальніцай цэлай чарады авіядзетак: з таго часу сотні малых ва ўсім сьвеце спрабавалі сваім першым крыкам заглушыць шум матораў і зрыгнуць на стуардэсу.

27 кастрычніка 1962 «Чорная субота», сьвет стаяў на парозе ядзернай вайны

Штарміла ня толькі над Кубай. Трэсла ўсю сусьветную палітычную сыстэму. Сьвет адчуў сябе раптам папяровым карабельчыкам, які трапіў у пральную машыну.

26 кастрычніка 1822 Ганс Хрыстыян Андэрсэн ва ўзросьце 17 гадоў пайшоў у школу

25 кастрычніка 1919 нарадзілася Бэатэ Узэ, заснавальніца сэкс-шопінгу

Кіндэр, кюхе, кірхе. Яна расла ў часы, калі ад жанчыны патрабавалася не пакідаць гэты зачараваны трохкутнік і пачувацца пры гэтым шчасьлівай.

24 кастрычніка 1911 экспэдыцыя Скота выпраўляецца да Паўднёвага полюсу

Замерзлы нарвэскі сьцяг, таблічка з датай, цыдулка, якая прасіла высакародных канкурэнтаў паведаміць нарвэскаму каралю, што полюс узяты.

23 кастрычніка 1956 пачалося антыкамуністычнае паўстаньне ў Вугоршчыне

22 кастрычніка 1944 у Менску адкрыўся музэй Вялікай айчыннай вайны

Недзе да 1947 году Менск і сам па сабе быў неблагім ваенным музэем, якую вуліцу ні вазьмі. Падабраныя проста на менскіх вуліцах трафэі можна было разглядзець на выставах, што ладзіліся проста пад адкрытым небам.

21 кастрычніка 1950 Кітай цалкам акупуе Тыбэт

Тыбэт прадчуваў пагрозу, цягам дзесяцігодзьдзяў то адзін, то другі лама спрабаваў стварыць сапраўднае войска... Але краіна была асуджаная.

20 кастрычніка 1401 Клаўсу Штортэбэкеру адсякаюць галаву

І дзея пачынаецца. Штортэбэкер кладзе галаву на плаху. Кат з павагай, з адцяжкай, з кароткім дрывасецкім гэкам апускае сякеру. У першае імгненьне здаецца, што ўсё скончана.

19 кастрычніка 1988 створаны аргкамітэт БНФ

18 кастрычніка 1905 у Менску адбыўся Курлоўскі расстрэл

17 кастрычніка 1964 каля Рэчыцы знайшлі нафту

Сапраўдны геоляг — заўжды экстрасэнс, ён носам чуе. Варта такому шаману горнай выведкі, ведуну радовішчаў і падземных скарбаў апынуцца ў запаветным месцы, як павекі яго пачынаюць дрыжэць...

16 кастрычніка 1946 павешаны асуджаныя Нюрнбэрскім працэсам

Гэта не паказвалі па тэлевізары. Цяпер бы, напэўна, паказалі. І такое рашэньне было б не найлепшым.

15 кастрычніка 1894 арыштаваны Альфрэд Дрэйфус

Ён быў арыштаваны 15 кастрычніка 1894 году. Яго выклікалі ў генэральны штаб па надуманай прычыне і абвінавацілі ў перадачы немцам сакрэтных дакумэнтаў.

14 кастрычніка 1978 у кардынала Вайтылы, які сьпяшаецца ў Рым на канкляў, не заводзіцца машына

Ян Павел ІІ быў чалавек харошы і сьветлы — і, як і кожнаму сьветламу і харошаму чалавеку, з аўтамабілямі яму ня надта шанцавала.

13 кастрычніка 1917 здарыўся «Фатымскі цуд» у Партугаліі

Ад дэпрэсіі прыдумана шмат сродкаў — і, напэўна, самым дзейсным зь іх ёсьць згон самалёта. Дапамагае таксама ад паніжанага ціску і праблемаў са стулам.

12 кастрычніка 1492 матрос Калюмбавай экспэдыцыі Радрыга дэ Трыэна пабачыў зямлю

Першымі словамі першага эўрапейца, які ўпершыню пабачыў новы кантынэнт, былі «Зямля, зямля!» У іх была палёгка, у іх была надзея, у іх крычала рашучасьць, дрыжэла воля, пульсаваў страх.

11 кастрычніка 1913 у Кіеве пачаўся суд над Бэйлісам

Кіяўлянін Мэнахем Мэндэль Бэйліс ня меў цьвёрдага алібі, затое меў тое, што на судовым жаргоне завецца «Вялікай Абцяжарваючай Акалічнасьцю» — ён быў яўрэй.