26 траўня Аляксандар Мілінкевіч выступіў на сэсіі Парлямэнцкай асамблеі НАТО, якая працягвае працу ў Парыжы. Мілінкевіч даў ацэнку палітычнай сытуацыі ў Беларусі і пазнаёміў са стратэгіяй аб’яднанай апазыцыі. Ён падкрэсьліў, што самаізаляцыя беларускіх уладаў шкодзіць пэрспэктывам разьвіцьця краіны. Таксама спадар Мілінкевіч зьвярнуў увагу на пагрозу беларуска–расейскага саюзнага рэфэрэндуму.
(Мілінкевіч: ) “Захаваньне незалежнасьці – гэтае пытаньне сёньня можа стаць для нас больш важным, чым змаганьне за дэмакратыю. Дэмакратыя па законах прыроды ўсё роўна прыйдзе, а незалежнасьць можна страціць на стагодзьдзі. Сёньня на Беларусі практычна няма людзей, якія былі б за ліквідацыю дзяржаўнасьці і пазбаўленьне сувэрэнітэту. І гэта памылковая і беспэрспэктыўная палітыка – паскарэньня працэсаў палітычнай інтэграцыі. Я казаў, што ня можа быць праведзены рэфэрэндум сёньня на Беларусі па палітычнай інтэграцыі, па аб’яднаньню ў адну дзяржаву з Расеяй, таму што вядома якія ўмовы. І ўсе гэта разумелі, і размова ішла аб тым, што сёньня перарабляць мапу Эўропы немагчыма. Яна канчатковая, і ніякія спробы не прывядуць ні да чаго, акрамя напружаньня”.
Паводле спадара Мілінкевіча, цікавасьць да Беларусі ў Эўропе не спадае. Эўрапейскія дзяржавы гатовыя дапамагчы дэмакратычным пераменам ў краіне.
(Мілінкевіч: ) “Захаваньне незалежнасьці – гэтае пытаньне сёньня можа стаць для нас больш важным, чым змаганьне за дэмакратыю. Дэмакратыя па законах прыроды ўсё роўна прыйдзе, а незалежнасьць можна страціць на стагодзьдзі. Сёньня на Беларусі практычна няма людзей, якія былі б за ліквідацыю дзяржаўнасьці і пазбаўленьне сувэрэнітэту. І гэта памылковая і беспэрспэктыўная палітыка – паскарэньня працэсаў палітычнай інтэграцыі. Я казаў, што ня можа быць праведзены рэфэрэндум сёньня на Беларусі па палітычнай інтэграцыі, па аб’яднаньню ў адну дзяржаву з Расеяй, таму што вядома якія ўмовы. І ўсе гэта разумелі, і размова ішла аб тым, што сёньня перарабляць мапу Эўропы немагчыма. Яна канчатковая, і ніякія спробы не прывядуць ні да чаго, акрамя напружаньня”.
Паводле спадара Мілінкевіча, цікавасьць да Беларусі ў Эўропе не спадае. Эўрапейскія дзяржавы гатовыя дапамагчы дэмакратычным пераменам ў краіне.
