Кінуты прадмет быў падобны да дымавой шашкі, паведамляе Kyodo News. Выбух раздаўся, калі прэмʼер-міністар гутарыў з кандыдатам ад кіроўнай партыі, рыхтуючыся выступіць з прамовай.
Пасьля здарэньня Кісіду эвакуяавалі, 24-гадовага нападніка Рудзі Кімура затрымала паліцыя.
На кадрах чуваць гучны выбух, відаць, як разьбягаюцца людзі, а некалькі паліцыянтаў прыціскаюць нападніка да зямлі.
Напад на Кісіду адбыўся менш чым праз год пасьля забойства былога прэмʼер-міністра Японіі Сіндза Абэ. У ліпені 2022 году ў яго двойчы стрэлілі са стрэльбы, калі ён выступаў на мітынгу з прамовай у падтрымку кандыдата ад кіроўнай партыі. Абэ памёр у бальніцы. Замах на яго адбыўся ў горадзе Нара — Вакаяма, які знаходзіцца ў суседняй прэфэктуры.