Пра гэта паведамляе выданьне «Эўрапейская праўда» са спасылкай на Newsmaker.
Гэты закон у другім чытаньні парлямэнт прыняў 16 сьнежня 2020 году. Ён прадугледжвае, што грамадзяне змогуць зьвяртацца ў органы дзяржаўнай улады, дзяржустановы, прадпрыемствы і арганізацыі на дзяржаўнай альбо на расейскай мовах. Акрамя таго, дзяржаўных службоўцаў могуць абавязаць на запыт грамадзян даваць пераклад дакумэнтаў на расейскую мову, прымаць заявы на расейскай і даваць інфармацыю на той мове, на якой напісаная заява.
На пасяджэньні КС дэпутаты хадайнічалі аб тым, каб закон прызналі неканстытуцыйным. Актавіян Цыку заяўляў, што такі закон «падрывае асновы Канстытуцыі», а Дзіну Плынгэў адзначаў, што яго прынялі з парушэньнямі.
«Калі мы будзем выкарыстоўваць расейскую для міжэтнічных адносінаў, мы ніколі не інтэгруем нацыянальныя меншасьці ў малдоўскі палітычны дызайн. На гэта будзе ўплываць геапалітычны парадак», — лічыць Цыку.
На яго думку, прыраўноўваньне расейскай мовы да румынскай — гэта падрыў асноваў Канстытуцыі.
