Мы сабралі для вас падзеі, пра якія важна ведаць 17 лістапада.
Старшыня Фэдэрацыі хакею Беларусі Дзьмітры Баскаў пракамэнтаваў дапушчэньні, што ён мог удзельнічаць у канфлікце на Плошчы перамен, праз суткі пасьля якога памёр Раман Бандарэнка.
У Новай Баравой адключылі ваду і ацяпленьне. Потым цяпло ўключылі, вады па-ранейшаму няма.
Лукашэнка сваім указам адмовіў у штомесячным грашовым утрыманьні асобам, пазбаўленым дыпляматычнага рангу.
Магілёўцу Ўладзімеру Шуставу, якога абвінавацілі ў бойцы зь міліцыянтам, прысудзілі 3 гады калёніі зьняволеньня ў калёніі агульнага рэжыму.
Фотакарэспанэнта БелаПАН Андрэя Шаўлюгу засудзілі на 15 сутак арышту за нібыта ўдзел у акцыі пратэсту 15 лістапада, якую ён асьвятляў як журналіст.
Суд пакараў журналістак «Белсату» Кацярыну Андрэеву і Дар'ю Чульцову 7 днямі арышту нібыта за ўдзел у акцыі пратэсту каля «плошчы Перамен» 15 лістапада.
Беларусь абвясьціла, што паніжае ўзровень свайго ўдзелу ў праграме ЭЗ «Усходняе партнэрства» да экспэртнага і прыпыняе дыялёг зь Эўразьвязам па правах чалавека.
Беларусь у адказ на эўрапейскі санкцыйны сьпіс пашырыла санкцыі супраць краін ЭЗ і Канады.
Цэнтар экспэрымэнтальнага тэатру ў Брне засноўвае Амбасаду незалежнай беларускай культуры ў Чэскай Рэспубліцы.
Служба бясьпекі Ўкраіны заявіла аб папярэджаньні друку нэанацысцкай літаратуры для перасылкі ў «адну з постсавецкіх краін». Кнігі надрукаваныя ў тым ліку і па-беларуску.
