Кіраўнік дыпляматыі ЭЗ Жузэп Бурэль паведаміў, што ў Эўразьвязе ідзе праца над супольнай рэакцыяй на падзеі, зьвязаныя з прэзыдэнцкімі выбарамі ў Беларусі.
«Старанна сочым за разьвіцьцём падзей і працуем зь міністрамі замежных спраў над рэакцыяй ЭЗ і заявай 27 краін ЭЗ», — напісаў Барэль у аўторак у Твітэры.
«Неабходна спыніць жорсткія рэпрэсіі і арышты мірных дэманстрантаў у Беларусі», — лічыць ён.
Бурэль падкрэсьліў, што «беларускі народ мае права на дэмакратыю і свабодныя і справядлівыя выбары».
Тым часам дыпляматычная крыніца ў Брусэлі паведаміла агенцтву ТАСС: «Сытуацыя ў Беларусі і дзеяньні Эўразьвязу ў адказ, улучна з пытаньнем аб аднаўленьні дзеяньня санкцыяў, будуць абмяркоўвацца на нефармальнай сустрэчы кіраўнікоў МЗС краінаў ЭЗ 27–28 жніўня ў Бэрліне».
