24 лютага спаўняецца 80 гадоў славутаму беларускаму паэту Рыгору Барадуліну (1935–2014).
Радыё Свабода сабрала зьвесткі пра тое, як кожны з нас можа згадаць пра народнага паэта словам і справай.
Пералічыць грошы на ўсталяваньне помніка Рыгору Барадуліну на магіле паэта ў Вушачах
Праект помніка распрацаваны скульптарам Мікалаем Байрачным і ўхвалены сваякамі.
Дабрачынны рахунак адкрыты на імя ўнучкі паэта:
ААТ «Беларусбанк» філіял 514 код 614 УНП 100420097
код віду ўклада 9004 (дамова дабрачыннага рахунка № 000039)атрымальнік Кліміна Дамініка Канстанцінаўна
прызначэньне плацяжа — добраўпарадкаваньне пахаваньня
Пералічыць грошы можна ў любым аддзяленьні банку, а таксама праз інфакіёскі або інтэрнэт-банкінг (выбраць: «Плацяжы» — «Адвольныя плацяжы» — «Плацёж па рэквізытах» — нумар транзытнага рахунку 3819382102369), — паведамляе сайт грамадзкай кампаніі «Будзьма беларусамі».
Зьвярнуцца ў Савет міністраў, каб у Менску і ў Вушачах была вуліца імя Барадуліна
Кампанію «Вуліца Барадуліна» распачалі Арт Сядзіба і Таварыства беларускай мовы. Ініцыятары прапануюць зьвяртацца ў Савет міністраў праз сайт электронных зваротаў zvarot.by і патрабаваць ад уладаў наступнага:
• прысвоіць імя Рыгора Барадуліна адной з вуліц Менску і г. п. Вушачы;
• устанавіць мэмарыяльную дошку ў Менску, на доме, у якім жыў Рыгор Барадулін;
• прысвоіць імя Рыгора Барадуліна школе ў г. п. Вушачы;
• адкрыць літаратурны музэй або філіял музэя Рыгора Барадуліна;
• падрыхтаваць і выдаць у 2015–2018 гг. поўны збор твораў Рыгора Барадуліна.
Купіць канвэрт з партрэтам Рыгора Барадуліна на Галоўпаштамце ў Менску або ў сваім паштовым аддзяленьні
Замовіць кнігу апошніх вершаў Рыгора Барадуліна «Ў неба пехатою»
На сайце prastora.by яна каштуе 79 900.
Паглыбіцца ў дэталі біяграфіі і творчасьці дзядзькі Рыгора на сайце baradulin.by
Стваральнік сайта Глеб Лабадзенка заклікае ўсіх ахвотных дапамагаць у яго напаўненьні.
Наведаць:
«Песьні матчыны з Вушаччыны» — праграма лідэра гурту Vuraj Сяржука Доўгушава.
24 лютага а 19 гадзіне, Малая заля Беларускай дзяржаўнай філярмоніі, Менск.
Сяржук быў знаёмы зь дзядзькам Рыгорам і ў захапленьні ад тых песьняў, якія сабраў Барадулін. Адзін з апошніх вершаў Барадулін прысьвяціў яму. Гэты акраверш увайшоў у кнігу «Ў неба пехатою».
Паэтычная вандроўка па творах Рыгора Барадуліна для дзяцей
25 лютага, бібліятэка імя Еўдакіі Лось, Віцебск
Там жа працуе і прысьвечаная паэту кніжная выстава «Любіць радзіму не па абавязку».
Адрас бібліятэкі — вуліца Цітова, 20-1, тэлефон +375 212 36-37-29.
Вечар памяці і прэзэнтацыя ўнікальнай кнігі мэмуараў «Дзёньнікі і запісы»
27 лютага ў 18:30, Палац мастацтваў, Менск
«Дзеньнікі і запісы» (1951–1969 гг.) выдадзеныя Натальляй Давыдзенкай. Яшчэ пры жыцьці Рыгора Барадуліна яна пачала зьбіраць дакумэнты і знайшла ў Вушачах унікальныя школьныя дзёньнікі паэта.
Кніга выйшла намаганьнямі МГА «Згуртаваньне беларусаў сьвету «Бацькаўшчына» і ГА «Саюз беларускіх пісьменьнікаў» у выдавецтве «Кнігазбор».
