27 ліпеня карыстальнікі расейскай сацыяльнай сеткі не маглі адкрыць асабістыя старонкі, у некаторых зьніклі ўсе фатаграфіі.
Прэс-сакратар «Вконтакте» Георгій Лабушкін у інтэрвію радыёстанцыі «Гаворыць Масква» пацьвердзіў інфармацыю аб непаладках у працы сацыяльнай сеткі.
«Ёсьць некаторыя праблемы. Мы зараз зь імі разбіраемся. Вядома, гэта ўсё адновіцца ў самы бліжэйшы час. Цяпер мы пакуль занятыя высьвятленьнем», — адзначыў Лабушкін.
Пазьней Лабушкін патлумачыў збой аварыяй у адным з дата-цэнтраў з прычыны анамальнай сьпёкі.
28 ліпеня яшчэ ня ўсе праблемы былі вырашаныя. «Лайкі ляжаць. Мы ведаем. Працуем над гэтым», — напісаў у твітэры прэс-сакратар ВК Георгі Лабушкін 28 ліпеня.
29 ліпеня скаргаў ад карыстальнікаў не паступала.
Карыстальнікі актыўна абмяркоўвалі спыненьне працы сацыяльнай сеткі ў твітэры:
Божанька, зрабі ўсё, каб @vkontakte больш ніколі не запрацаваў і забяры на той свет @odnoklassniki #vk #вконтакте pic.twitter.com/52bMagrKhT
— Pavel Belavus (@pavelbelavus) 27 июля 2014
ВКонтакте досі не можуть врятувати "лайки". Вчора мережа лягла на кілька годин через спеку. Глючить досі...
— andrii bashtovyi (@nomoreanry) 28 июля 2014
Ещё пару часов и школьники вспомнят, что такое книги
— РБ головного мозга (@belamova) 27 июля 2014
