Больш за 100 грамадзян Украіны атрымалі згоду беларускіх міграцыйных органаў на пераезд у Беларусь у сувязі з унутрыпалітычным крызысам, паведаміў журналістам 10 ліпеня ў Менску амбасадар Беларусі ў Кіеве Валянцін Вялічка.
Паводле дыплямата, яны атрымалі «розны статус».
Ён адзначыў, што гэтыя грамадзяне Ўкраіны ўжо ведаюць, куды пераедуць і дзе будуць працаваць. Сярод іх многа пэнсыянэраў, ёсьць маладыя людзі, якія хочуць працаваць у сельскай гаспадарцы ці на беларускай АЭС.
Пераважна ўкраінцы пераяжджаюць у Гомельскую, Магілёўскую і Віцебскую вобласьці.
Паводле Вялічкі, штодня ў амбасаду паступае да 50 тэлефанаваньняў адносна пераезду з Украіны ў Беларусь.
Аднак у амбасаду не паступае зваротаў аб арганізацыі эвакуацыі грамадзян Беларусі з паўднёвага ўсходу Ўкраіны, хаця на консульскім уліку ў знаходзяцца 3,5 тысячы беларусаў, — перадае Інтэрфакс.
