Украінцаў на рынку знайсьці нескладана: дзе чарэшні, кабачкі, сьвежая рэпчатая цыбуля ды памідоры, там звычайна і ўкраінцы.
Спадарыня Галіна прыехала ў Гомель з суседняга Рэпкінскага раёну Чарнігаўскай вобласьці:
«Чарэшні, агуркі, кроп, часнык, клубніцы, кабачкі прывозім. Ну яшчэ тварог, сьмятану, масла вязем».
Украінка кажа, што яна і ўсе іншыя жыхары памежных тэрыторыяў і думкі не дапускаюць, каб псаваць добрасуседзкія адносіны. Страхі наганяюць хіба толькі прапагандысты расейскіх тэлеканалаў — нібыта рабуюць скрозь па Ўкраіне і машыны прыватныя адбіраюць:
«Мы нават і дапусьціць ня можам, каб былі мы ў нейкіх кепскіх адносінах. Не-не, нават у думках такога не дапускаем. Мы лічым, што Беларусь — гэта найлепшая сяброўская краіна. Напалохалі, нарасказвалі небыліц. Але гэта няпраўда. Разумееце, мы б ужо ведалі, калі б што якое. Мы жывём у Рэпках, адразу за мытняю — мы б пра такія падзеі ведалі».
Засмучае ўкраінцаў толькі тое, што беларуская мытня абмяжоўвае ўвоз вітаміннай ды іншай прадукцыі на тэрыторыю Беларусі, калі нехта часьцей езьдзіць празь мяжу. Тады не 35 кіляграмаў дазваляюць везьці, а толькі пяць:
«Мы прывозім добрую прадукцыю, і ў нас ёсьць на яе попыт. Вось толькі мытнікі, як звычайна, вызначаюць нормы, і нам вельмі цяжка іх прытрымлівацца. Калі мець на ўвазе тыя нормы, то мы ж нічога ня можам зарабіць, нават калі везьці ўсё са сваіх гаспадарак. Як мы прывязем пяць кіляграмаў, то што мы заробім? Мы нічога не заробім! Калі везьці 35 кіль, то трэба ехаць раз на восем дзён. А калі езьдзіць два разы на тыдзень, то мы ня можам столькі везьці».
Назад ва Ўкраіну жанкі вяртаюцца не з пустымі рукамі:
«Каўбасныя вырабы вашы нам надзвычай падабаюцца — вельмі смачныя, і малочную прадукцыю — згушчанае малако — таксама бяром. І кансэрвы. Гэта калі хто нас просіць, то мы прывозім».
Спадарыня Тамара з Чарнігава раіць гамельчукам не баяцца, а, як і раней, езьдзіць на закупы. Пасьля выбараў новага прэзыдэнта ўкраінцы спадзяюцца, што і ў Данецку сытуацыя стабілізуецца. У Чарнігаве ж заўсёды было спакойна:
«Ня трэба баяцца — можна сьмела ехаць ва Ўкраіну, бо ніхто нікога не чапае».
Гандляркі кажуць, што кіляграм чарэшні каштуе ў Чарнігаве 23 грыўні. І апрануцца можна нашмат таньней, чым у Беларусі:
«Адзеньне ж таньнейшае — адзецца можна за 200 даляраў».
У Галіны з Рэпак перапытваю: а як жа быць з блёкпастом і танкам у акопе, які стаяў на пад’езьдзе да гэтага ўкраінскага райцэнтру яшчэ ў сярэдзіне траўня?
«Ужо няма таго блёку. І танка няма. Ужо свабодна. Прыяжджайце аўтобусам ды пабачце».
Спадарыня Галіна прыехала ў Гомель з суседняга Рэпкінскага раёну Чарнігаўскай вобласьці:
«Чарэшні, агуркі, кроп, часнык, клубніцы, кабачкі прывозім. Ну яшчэ тварог, сьмятану, масла вязем».
Украінка кажа, што яна і ўсе іншыя жыхары памежных тэрыторыяў і думкі не дапускаюць, каб псаваць добрасуседзкія адносіны. Страхі наганяюць хіба толькі прапагандысты расейскіх тэлеканалаў — нібыта рабуюць скрозь па Ўкраіне і машыны прыватныя адбіраюць:
«Мы нават і дапусьціць ня можам, каб былі мы ў нейкіх кепскіх адносінах. Не-не, нават у думках такога не дапускаем. Мы лічым, што Беларусь — гэта найлепшая сяброўская краіна. Напалохалі, нарасказвалі небыліц. Але гэта няпраўда. Разумееце, мы б ужо ведалі, калі б што якое. Мы жывём у Рэпках, адразу за мытняю — мы б пра такія падзеі ведалі».
Засмучае ўкраінцаў толькі тое, што беларуская мытня абмяжоўвае ўвоз вітаміннай ды іншай прадукцыі на тэрыторыю Беларусі, калі нехта часьцей езьдзіць празь мяжу. Тады не 35 кіляграмаў дазваляюць везьці, а толькі пяць:
«Мы прывозім добрую прадукцыю, і ў нас ёсьць на яе попыт. Вось толькі мытнікі, як звычайна, вызначаюць нормы, і нам вельмі цяжка іх прытрымлівацца. Калі мець на ўвазе тыя нормы, то мы ж нічога ня можам зарабіць, нават калі везьці ўсё са сваіх гаспадарак. Як мы прывязем пяць кіляграмаў, то што мы заробім? Мы нічога не заробім! Калі везьці 35 кіль, то трэба ехаць раз на восем дзён. А калі езьдзіць два разы на тыдзень, то мы ня можам столькі везьці».
Ня трэба баяцца — можна сьмела ехаць ва Ўкраіну, бо ніхто нікога не чапае
«Каўбасныя вырабы вашы нам надзвычай падабаюцца — вельмі смачныя, і малочную прадукцыю — згушчанае малако — таксама бяром. І кансэрвы. Гэта калі хто нас просіць, то мы прывозім».
Спадарыня Тамара з Чарнігава раіць гамельчукам не баяцца, а, як і раней, езьдзіць на закупы. Пасьля выбараў новага прэзыдэнта ўкраінцы спадзяюцца, што і ў Данецку сытуацыя стабілізуецца. У Чарнігаве ж заўсёды было спакойна:
«Ня трэба баяцца — можна сьмела ехаць ва Ўкраіну, бо ніхто нікога не чапае».
Гандляркі кажуць, што кіляграм чарэшні каштуе ў Чарнігаве 23 грыўні. І апрануцца можна нашмат таньней, чым у Беларусі:
«Адзеньне ж таньнейшае — адзецца можна за 200 даляраў».
У Галіны з Рэпак перапытваю: а як жа быць з блёкпастом і танкам у акопе, які стаяў на пад’езьдзе да гэтага ўкраінскага райцэнтру яшчэ ў сярэдзіне траўня?
«Ужо няма таго блёку. І танка няма. Ужо свабодна. Прыяжджайце аўтобусам ды пабачце».
