ПАДЗЕІ ДНЯ
Астана, пасяджэньне Эўразійскай эканамічнай рады на ўзроўні кіраўнікоў урадаў Беларусі, Казахстану і Расеі. Чакаецца, што ў межах пасяджэньня адбыдзецца сустрэча прэм’ер-міністраў Беларусі і Расеі Міхаіла Мясьніковіча і Дзьмітрыя Мядзьведзева.
Менск, у Нацыянальным прэсавым цэнтры — прэсавая канфэрэнцыя, прысьвечаная Дню людзей сталага веку (прадстаўнікі Мінпрацы і сацыяльнай абароны, Міністэрства аховы здароўя).
Пачатак а 12:30.
Менск, у Інстытуце прадпрымальніцкай дзейнасьці (вуліца Серафімавіча, 11, 3 паверх) пройдзе круглы стол на тэму «Праблема працоўных рэсурсаў для бізнэсу Беларусі і шляхі яе вырашэньня».
Да ўдзелу запрошаны прадстаўнікі бізнес-асацыяцый, спэцыялісты Мінпрацы і сацыяльнай абароны, Мінэканомікі, МУС, Аналітычнага цэнтру «Стратэгія», Інфармацыйна-аналітычнага агенцтва «Бізнэс-навіны», кадравых агенцтваў, дзяржаўных службаў занятасьці.
Пачатак а 14:00.
Прага, Беларуская клюбоўня (ul. 5 května 1043), сустрэча з галоўным рэдактарам часопісу «Макулатура» Сяргеем Календам і галоўным мастаком выданьня Васілісай Палянінай-Календа,
Пачатак а 19:00
ДЗЕНЬ У ГІСТОРЫІ
1789 — Кангрэс ЗША прапанаваў прыняць 12 паправак да канстытуцыі, вядомыя цяпер як «Біль аб правах».
1921 — у Празе пачалася Першая Ўсебеларуская канфэрэнцыя. На канфэрэнцыі прысутнічалі 37 дэлегатаў ад арганізацый і партый Заходняй Беларусі ды шмат якіх краінаў Эўропы. Канфэрэнцыя пацьвердзіла, што адзіным заканадаўчым органам для Беларусі зьяўляецца Рада Беларускае Народнай Рэспублікі.
1971 — адкрыцьцё мэмарыяльная комплексу «Берасьцейская крэпасьць — герой»
У гэты дзень нарадзіліся:
1765 — Міхал Клеафас Агінскі, вялікалітоўскі дзяржаўны дзяяч, дыплямат, кампазытар.
1875 — Сяргей Паўловiч, багаслоў, пэдагог, перакладчык, дзяяч у галіне царкоўнае асьветы.
1887 — Уільям Фолкнэр, амэрыканскі пісьменьнік, ляўрэат Нобэлеўскай прэміі па літаратуры.
1906 — Дзьмітры Шастаковіч, расейскі кампазытар.
1913 — Сяргей Грахоўскі, беларускі пісьменьнік.
1938 — Вячаслаў Целеш, беларускі мастак, дзяяч беларускай дыяспары ў Латвіі.
1951 — Пэдра Альмадовар, гішпанскі кінэматаграфіст.
1958 — Адам Глёбус (Уладзімер Адамчык), беларускі пісьменьнік, мастак, выдавец
1962 — Алесь Бяляцкі, старшыня праваабарончага цэнтру «Вясна».
У гэты дзень памерлі:
1919 — Канстацiн Валасовiч, беларускі вучоны-прыродазнавец. Знайшоў шкілет Ляхаўскага маманта, аднаго з першых, што сталі вядомыя навуцы. Імем Валасовіча названыя выспы ў архіпэлягу Паўночная Зямля, а таксама шэраг выкапнёвых жывёлаў ды расьлінаў.
1970 — Эрых Марыя Рэмарк, нямецкі пісьменьнік.
1983 — Марыян Пецюкевіч, беларускі этнограф і грамадзкі дзяяч.
ЦЫТАТА ДНЯ
Спынісься — плыньню адгоніць назад. (Сяргей Грахоўскі)
