ПАДЗЕІ ДНЯ
Міжнародны дзень ахвяраў гвалтоўных зьнікненьняў
Івацэвічы, у івацэвіцкай калёніі адбудзецца суд над палітвязьнем Аляксандрам Францкевічам, які праходзіў па справе анархістаў. Будзе вырашацца пытаньне, ці ўсталююць у адносінах да Францкевіча прэвэнтыўны нагляд пасьля вызваленьня, якое адбудзецца 3 верасьня. Пачатак пасяджэньня ў 14.30
Менск, у Нацыянальным прэсавым цэнтры — прэсавая канфэрэнцыя «Аб уступнай кампаніі ў навучальныя ўстановы Рэспублікі Беларусь у 2013 годзе». Пачатак у 10.00.
Менск, кнігарня «логвінаЎ» (Незалежнасці, 37а), прэзэнтацыя эсэістычнай кнігі Сяргея Дубаўца Errata («Як што называецца, так і адбываецца»). Пачатак а 18 гадзіне.
На Радыё Свабода — онлайн-канфэрэнцыя з лідэрам «Маладога Фронту» Зьмітром Дашкевічам.
ДЗЕНЬ У ГІСТОРЫІ
1481 — у Вільні за змову супраць вялікага князя Казімера пакараныя сьмерцю князі Іван Гальшанскі і Міхал Алелькавіч
1704 — у Нарве заключанае пагадненьне паміж Расеяй і Рэччу Паспалітай пра ўдзел апошняй у Паўночнай вайне 1700–1721 гадоў
1721 — падпісаная Ніштацкая мірная дамова, якой скончылася Паўночная вайна
1918 — Фані Каплан страляла ў Леніна. Няўдалы замах паклаў пачатак «чырвонаму тэрору» ў бальшавіцкай Расеі.
1941 — пачалася блякада Ленінграду
1980 — у Польшчы працоўным прадстаўлена права аб’яднаньня ў незалежныя прафсаюзы
1991 — Азэрбайджан абвясьціў незалежнасьць ад СССР
2009 — на авіяцыйным паказе ў Радаме ў Польшчы разьбіўся беларускі зьнішчальнік СУ-27. Загінулі два пілёты Аляксандар Жураўлевіч і Аляксандар Марфіцкі, яны вырашылі не катапультавацца, а адвесьці самалёт на максымальна магчымую адлегласьць ад населенага пункту.
У гэты дзень нарадзіліся:
1797 — Мэры Шэлі, ангельская пісьменьніца, аўтарка раману «Франкенштэйн, або сучасны Прамэтэй».
1804 — Аляксандр Ходзька, паэт, фалькларыст, усходазнавец.
1860 — Ісак Левітан, расейскі мастак.
1871 — Эрнэст Рэзэрфорд, брытанскі фізык, адкрывальнік пратону, ляўрэат Нобэлеўскай прэміі.
1954 — Аляксандар Лукашэнка, першы прэзыдэнт Беларусі.
1958 — Ганна Паліткоўская, расейская журналістка і праваабаронца.
1975 — Натальля Цылінская, беларуская раварыстка, васьміразовая чэмпіёнка сьвету.
У гэты дзень памерлі:
1929 — Паўлюк Трус, беларускі паэт.
1940 — Джозэф Томпсан, брытанскі фізык, адкрывальнік электрона, ляўрэат Нобэлеўскай прэміі.
1985 — Барыс Коўзан, беларускі ваенны лётнік, адзіны ў сьвеце, які 4 разы тараніў самалёты праціўніка.
ЦЫТАТА ДНЯ
Трэба жыць наперад, а не назад ці ўбок.
Сяргей Дубавец
