ПАДЗЕІ ДНЯ
У Менску пачынаецца XV Міжнародны зьезд славістаў. У працы зьезду прымуць удзел навукоўцы з 35 краінаў сьвету — Аўстрыі, Баўгарыі, Нямеччыны, Македоніі, ЗША, Турэччыны, Японіі і іншых. У рамках зьезду адбудуцца пленарныя і сэкцыйныя пасяджэньні, пройдуць круглыя сталы, будуць арганізаваныя выстава славістычнай літаратуры і прэзэнтацыі навуковых выданьняў і праектаў. Адкрыцьцё зьезду — ў 11 гадзін у канцэртнай залі «Менск».
У грамадзкім прэсавым цэнтры у доме друку Сусьветная арганізацыя аховы здароўя ў Беларусі сумесна з партнэрамі праводзіць «круглы стол» «Чаму я жыву з ВІЧ доўга». Праграма «круглага стала» прадугледжвае выступленьні нацыянальных і міжнародных экспэртаў у галіне лячэньня і прафіляктыкі ВІЧ-інфэкцыі. Пачатак аб 11 гадзіне.
Брусэль, нарада міністраў замежных справаў краін Эўразьвязу наконт сытуацыі ў Эгіпце
ДЗЕНЬ У ГІСТОРЫІ
1928 — у Менску адкрыты Беларускі навукова-дасьледчы інстытут сухотаў.
1932 — У Вэнэцыі адбыўся першы міжнародны кінафэстываль.
1937 — У СССР расстраляныя лідэры кампартыі Польшчы.
1941 — у Менску створаная Беларуская Незалежніцкая Партыя.
1959 — Гаваі атрымалі статус 50-га штату ЗША. Менш чым праз два гады тут народзіцца будучы прэзыдэнт Барак Абама.
1968 — пачалася інтэрвэнцыя войскаў Варшаўскага пакту на чале з СССР у Чэхаславаччыну.
1991 — наблізілася разьвязка жнівеньскага путчу: дэлегацыя ГКЧП прыляцела на дачу Міхаіла Гарбачова ў Фарос, Гарбачоў аднавіў сувязь са зьнешнім сьветам, адмяніў ўсе пастановы ГКЧП і прызначыў новых кіраўнікоў сілавых ведамстваў.
У гэты самы дзень Латвія дэкляравала аднаўленьне сваёй незалежнасьці ад СССР.
1999 — у Сафіі з пятай спробы падарваны маўзалей, дзе да 1990 ляжала цела Георгія Дзімітрава.
У гэты дзень нарадзіліся:
1874 — Уладзімер Беняшэвіч, гісторык, публіцыст.
1906 — Макар Пасьлядовіч, беларускі пісьменьнік.
1908 — Міхаіл Ельяшэвіч, фізык, беларускі акадэмік.
1973 — Сяргей Брын, амэрыканскі бізнэсовец, распрацоўнік і сузаснавальнік пошукавай сыстэмы Google.
У гэты дзень памерлі:
1860 — Канут Русецкі, беларускі мастак
1940 — Леў Троцкі, расейскі рэвалюцыянэр, адзін з арганізатараў рэвалюцыі 1917 году, забіты ў Мэксыцы агентам НКВД
1979 — Генадзь Кляўко, беларускі паэт і перакладчык.
ЦЫТАТА ДНЯ
Рабі нечаканае, рабі, як не бывае, рабі, як ня робіць ніхто — і тады пераможаш.
Уладзімер Караткевіч
