У суботу прыкладна ў 15:50 пасьля музычнага кліпа «Ляпіса Трубяцкога» ў эфіры тэлеканалу «БелМузТВ» цягам прыкладна 10 хвілін дэманстравалася жорсткае порна. Абураныя гледачы патэлефанавалі ў службу тэхнічнай падтрымкі, і трансьляцыю спынілі.
Як магло такое здарыцца, якія наступствы чакаюць супрацоўніка «БелМузТВ», ці ёсьць пагроза закрыцьця тэлеканалу?
Паводле афіцыйнай вэрсіі, 13 красавіка ўдзень супрацоўнік «БелМузТВ» паставіў ролік з парнаграфіяй, выйшаў з пакоя, зачыніў мэталічныя дзьверы і зламаў ключ. Ахоўніку сказаў, што выйшаў пакурыць, і зьнік. Калі абураныя тэлегледачы патэлефанавалі ў службу тэхнічнай падтрымкі, давялося ламаць дзьверы, каб спыніць трансьляцыю і выклікаць міліцыю.
Дырэктар тэлеканалу «БелМузТВ» Аляксандар Капёнкін афіцыйна выбачыўся перад гледачамі. Гэта прагучала і ў эфіры, і паведамляецца на сайце «БелМузТВ». Дырэктар лічыць, што гэта — удар і па глядацкай аўдыторыі, і па іміджы канала. Што да асобы тэхнічнага супрацоўніка, які паставіў відэа, Аляксандар Капёнкін распавёў, што працаваў той на канале з жніўня 2012 году, чалавек ён даволі закрыты, замкнёны, але да працы ставіўся адказна.
Афіцыйны прадстаўнік Сьледчага камітэту па Менску Аляксандар Герасімаў паведаміў Радыё Свабода, што крымінальную справу завялі яшчэ ў нядзелю. Падазраваны — тэхнічны супрацоўнік каналу, ураджэнец Магілёва, 1985 году нараджэньня, пражывае апошнім часам у Менску. Зь месца здарэньня ён зьнік. Справа заведзеная паводле часткі 2 артыкула 343, бо Сьледчы камітэт кваліфікаваў ягоныя дзеяньні як «публічную дэманстрацыю матэрыялаў парнаграфічнага зьместу з выкарыстаньнем сетак электрасувязі агульнага карыстаньня»:
«Падчас апэратыўна-вышуковых мерапрыемстваў сёньня ўначы, прыблізна ў 0 гадзін 45 хвілін, падазраваны быў затрыманы ў Магілёве супрацоўнікамі Ўпраўленьня наркакантролю і супрацьдзеяньня гандлю людзьмі ГУУС Менгарвыканкаму і УУС Магілёўскага аблвыканкаму. Адразу ж ён быў дастаўлены ў Менск. Цяпер зь ім праводзяцца сьледчыя дзеяньні.
Папярэдне ён патлумачыў свой учынак дэпрэсіўным, прыгнечаным станам, які ў яго ўзьнік пасьля спрэчкі зь дзяўчынай».
Маладому чалавеку пагражае ад 2 да 4 гадоў пазбаўленьня волі. Да таго ж некаторыя надзвычай актыўныя гледачы спрабавалі разьмясьціць відэа, якое дэманстравалася па «БелМузТВ», у сацыяльных сетках. Сьледчы камітэт папярэджвае, што за распаўсюд парнаграфіі ў глябальнай сетцы інтэрнэт таксама «сьвеціць» артыкул 343, частка 2 Крымінальнага кодэксу і такія ж самыя тэрміны — ад 2 да 4 гадоў пазбаўленьня волі.
Начальнік прававога ўпраўленьня Міністэрства інфармацыі Тацяна Бондар паведаміла Радыё Свабода:
«Пакуль гэтае пытаньне не падлягае абмеркаваньню. То бок пакуль яшчэ зьбіраюцца доказы, факты, гэта будзе вывучацца, аналізавацца, і толькі потым кіраўніцтвам будзе прынятае рашэньне. То бок два магчымыя варыянты: ануляваньне пасьведчаньня і вынясеньне пісьмовага папярэджаньня».
Карэспандэнтка: «А ў іх не было папярэджаньня ў гэтым годзе?»
«Не, сёлета не было. За парушэньне заканадаўства — гэта першая мера, якая прымяняецца. Але якое канкрэтна будзе пакараньне за гэтае парушэньне вынесена Міністэрствам інфармацыі, гэтае пытаньне яшчэ ў стадыі абмеркаваньня».
Карэспандэнтка: «А гэта першы такі прэцэдэнт? Не было яшчэ такіх выпадкаў?»
«Прынамсі за час маёй працы не было такіх выпадкаў».
Паводле Закону аб СМІ, сродак масавай інфармацыі ў адпаведнасьці з заканадаўствам можа быць закрыты пры наяўнасьці некалькіх папярэджаньняў на працягу году. Цяпер канал «БелМузТВ» працуе.
Як магло такое здарыцца, якія наступствы чакаюць супрацоўніка «БелМузТВ», ці ёсьць пагроза закрыцьця тэлеканалу?
Паводле афіцыйнай вэрсіі, 13 красавіка ўдзень супрацоўнік «БелМузТВ» паставіў ролік з парнаграфіяй, выйшаў з пакоя, зачыніў мэталічныя дзьверы і зламаў ключ. Ахоўніку сказаў, што выйшаў пакурыць, і зьнік. Калі абураныя тэлегледачы патэлефанавалі ў службу тэхнічнай падтрымкі, давялося ламаць дзьверы, каб спыніць трансьляцыю і выклікаць міліцыю.
Дырэктар тэлеканалу «БелМузТВ» Аляксандар Капёнкін афіцыйна выбачыўся перад гледачамі. Гэта прагучала і ў эфіры, і паведамляецца на сайце «БелМузТВ». Дырэктар лічыць, што гэта — удар і па глядацкай аўдыторыі, і па іміджы канала. Што да асобы тэхнічнага супрацоўніка, які паставіў відэа, Аляксандар Капёнкін распавёў, што працаваў той на канале з жніўня 2012 году, чалавек ён даволі закрыты, замкнёны, але да працы ставіўся адказна.
Афіцыйны прадстаўнік Сьледчага камітэту па Менску Аляксандар Герасімаў паведаміў Радыё Свабода, што крымінальную справу завялі яшчэ ў нядзелю. Падазраваны — тэхнічны супрацоўнік каналу, ураджэнец Магілёва, 1985 году нараджэньня, пражывае апошнім часам у Менску. Зь месца здарэньня ён зьнік. Справа заведзеная паводле часткі 2 артыкула 343, бо Сьледчы камітэт кваліфікаваў ягоныя дзеяньні як «публічную дэманстрацыю матэрыялаў парнаграфічнага зьместу з выкарыстаньнем сетак электрасувязі агульнага карыстаньня»:
«Падчас апэратыўна-вышуковых мерапрыемстваў сёньня ўначы, прыблізна ў 0 гадзін 45 хвілін, падазраваны быў затрыманы ў Магілёве супрацоўнікамі Ўпраўленьня наркакантролю і супрацьдзеяньня гандлю людзьмі ГУУС Менгарвыканкаму і УУС Магілёўскага аблвыканкаму. Адразу ж ён быў дастаўлены ў Менск. Цяпер зь ім праводзяцца сьледчыя дзеяньні.
Папярэдне ён патлумачыў свой учынак дэпрэсіўным, прыгнечаным станам, які ў яго ўзьнік пасьля спрэчкі зь дзяўчынай».
Сьледчы камітэт папярэджвае, што за распаўсюд парнаграфіі ў глябальнай сетцы інтэрнэт таксама «сьвеціць» артыкул 343
Маладому чалавеку пагражае ад 2 да 4 гадоў пазбаўленьня волі. Да таго ж некаторыя надзвычай актыўныя гледачы спрабавалі разьмясьціць відэа, якое дэманстравалася па «БелМузТВ», у сацыяльных сетках. Сьледчы камітэт папярэджвае, што за распаўсюд парнаграфіі ў глябальнай сетцы інтэрнэт таксама «сьвеціць» артыкул 343, частка 2 Крымінальнага кодэксу і такія ж самыя тэрміны — ад 2 да 4 гадоў пазбаўленьня волі.
Начальнік прававога ўпраўленьня Міністэрства інфармацыі Тацяна Бондар паведаміла Радыё Свабода:
«Пакуль гэтае пытаньне не падлягае абмеркаваньню. То бок пакуль яшчэ зьбіраюцца доказы, факты, гэта будзе вывучацца, аналізавацца, і толькі потым кіраўніцтвам будзе прынятае рашэньне. То бок два магчымыя варыянты: ануляваньне пасьведчаньня і вынясеньне пісьмовага папярэджаньня».
Карэспандэнтка: «А ў іх не было папярэджаньня ў гэтым годзе?»
«Не, сёлета не было. За парушэньне заканадаўства — гэта першая мера, якая прымяняецца. Але якое канкрэтна будзе пакараньне за гэтае парушэньне вынесена Міністэрствам інфармацыі, гэтае пытаньне яшчэ ў стадыі абмеркаваньня».
Карэспандэнтка: «А гэта першы такі прэцэдэнт? Не было яшчэ такіх выпадкаў?»
«Прынамсі за час маёй працы не было такіх выпадкаў».
Паводле Закону аб СМІ, сродак масавай інфармацыі ў адпаведнасьці з заканадаўствам можа быць закрыты пры наяўнасьці некалькіх папярэджаньняў на працягу году. Цяпер канал «БелМузТВ» працуе.
