У Чэхіі паслабляюць «сухі закон»

Міністар аховы здароўя Леаш Хагер дазволіў продаж моцнага алькаголю (20 градусаў і болей), які быў выраблены да 1 студзеня 2012 году.

Забарона, якая дзейнічала апошнія два тыдні, была ўведзеная пасьля таго, як былі зафіксаваныя выпадкі сьмерцяў ад атручэньня чэскім алькаголем, разбаўленым мэтанолам. Ахвярамі атручэньня мэтанолам у Чэхіі сталі 26 чалавек, яшчэ каля 40 чалавек шпіталізаваныя.

На гэтым тыдні чэская пракуратура паведаміла аб арышце двух падазраваных у арганізацыі збыту падробленага алькаголю.

http://www.svaboda.org/content/article/24720487.html