На гэтыя ды іншыя пытаньні адказвае эканаміст Барыс Жаліба.
Цыганкоў: «Наколькі сур’ёзны можа быць гэты адток рублёвых укладаў? Ці ня стане ён штуршком для пэўных панічных настрояў сярод насельніцтва, або гэта толькі нармальная рэакцыя людзей на зьніжэньне працэнтных ставак?»
Жаліба: «Хутчэй, другое. Я не лічу, што падставы для панікі ёсьць. Калі былі высокія працэнты па рублёвых укладах, то тыя людзі, якія добра арыентуюцца ў банкаўскай палітыцы, з задавальненьнем рабілі кароткатэрміновыя ўклады — ад месяца да трох. Бо працэнты перавышалі інфляцыю, і на гэтым можна было добра зарабляць. Але цяпер, калі тэрміны дэпазытаў скончыліся, то людзі перасталі іх працягваць. Стаўка рэфінансаваньня зьменшылася, і адпаведна зьменшыліся працэнты па ўкладах.
Зь іншага боку, лёгкая паніка выкліканая тым, што даляр пачаў моцна расьці, ня толькі ў Беларусі, але і ў Расеі. І гэта паспрыяла таму, што ўкладчыкі здымаюць свае ўклады і канвэртуюць іх у даляры».
Цыганкоў: «Ці ня могуць гэтыя падзеі паўплываць на стратэгічную лінію Нацбанку на зьмяншэньне стаўкі рэфінансаваньня? Можа, у Нацбанку спалохаюцца адтоку ўкладаў і зноў пачнуць падвышаць стаўку?»
Жаліба: «Я думаю, не. Кіраўніца Нацбанку Ермакова ўжо заявіла, што неўзабаве будзе чарговае зьніжэньне стаўкі рэфінансаваньня яшчэ на два працэнты. Я думаю, што золатавалютныя рэзэрвы дастатковыя. Да таго ж Пуцін пацьвердзіў нядаўна, што Беларусь атрымае чарговы транш крэдыту ЭўрАзЭС.
Але пэўная насьцярожанасьць з боку Нацбанку павінна быць, каб уважліва назіраць за сытуацыяй. Бо на беларускую сытуацыю могуць уплываць усясьветныя і расейскія рынкі, дзе курс даляра істотна павысіўся».
Цыганкоў: «Курс даляра да беларускага рубля вырас літаральна за тыдзень на 3–4 працэнты. Ці пачне Нацбанк рабіць інтэрвэнцыі на біржы альбо траціць золатавалютныя рэзэрвы, каб падтрымаць курс рубля?»
Жаліба: «Так, я думаю, Нацбанк ужо рабіў кропкавыя інтэрвэнцыі на біржы, каб стабілізаваць хістаньні курсу. І, я думаю, Нацбанк будзе рабіць гэта і надалей, каб нэгатыўныя чаканьні не перайшлі ў паніку. Рэзэрвы вялікія, каб рабіць гэтыя кропкавыя інтэрвэнцыі і далей».
Цыганкоў: «Наколькі сур’ёзны можа быць гэты адток рублёвых укладаў? Ці ня стане ён штуршком для пэўных панічных настрояў сярод насельніцтва, або гэта толькі нармальная рэакцыя людзей на зьніжэньне працэнтных ставак?»
Жаліба: «Хутчэй, другое. Я не лічу, што падставы для панікі ёсьць. Калі былі высокія працэнты па рублёвых укладах, то тыя людзі, якія добра арыентуюцца ў банкаўскай палітыцы, з задавальненьнем рабілі кароткатэрміновыя ўклады — ад месяца да трох. Бо працэнты перавышалі інфляцыю, і на гэтым можна было добра зарабляць. Але цяпер, калі тэрміны дэпазытаў скончыліся, то людзі перасталі іх працягваць. Стаўка рэфінансаваньня зьменшылася, і адпаведна зьменшыліся працэнты па ўкладах.
Зь іншага боку, лёгкая паніка выкліканая тым, што даляр пачаў моцна расьці, ня толькі ў Беларусі, але і ў Расеі. І гэта паспрыяла таму, што ўкладчыкі здымаюць свае ўклады і канвэртуюць іх у даляры».
Цыганкоў: «Ці ня могуць гэтыя падзеі паўплываць на стратэгічную лінію Нацбанку на зьмяншэньне стаўкі рэфінансаваньня? Можа, у Нацбанку спалохаюцца адтоку ўкладаў і зноў пачнуць падвышаць стаўку?»
Жаліба: «Я думаю, не. Кіраўніца Нацбанку Ермакова ўжо заявіла, што неўзабаве будзе чарговае зьніжэньне стаўкі рэфінансаваньня яшчэ на два працэнты. Я думаю, што золатавалютныя рэзэрвы дастатковыя. Да таго ж Пуцін пацьвердзіў нядаўна, што Беларусь атрымае чарговы транш крэдыту ЭўрАзЭС.
Але пэўная насьцярожанасьць з боку Нацбанку павінна быць, каб уважліва назіраць за сытуацыяй. Бо на беларускую сытуацыю могуць уплываць усясьветныя і расейскія рынкі, дзе курс даляра істотна павысіўся».
Цыганкоў: «Курс даляра да беларускага рубля вырас літаральна за тыдзень на 3–4 працэнты. Ці пачне Нацбанк рабіць інтэрвэнцыі на біржы альбо траціць золатавалютныя рэзэрвы, каб падтрымаць курс рубля?»
Жаліба: «Так, я думаю, Нацбанк ужо рабіў кропкавыя інтэрвэнцыі на біржы, каб стабілізаваць хістаньні курсу. І, я думаю, Нацбанк будзе рабіць гэта і надалей, каб нэгатыўныя чаканьні не перайшлі ў паніку. Рэзэрвы вялікія, каб рабіць гэтыя кропкавыя інтэрвэнцыі і далей».
