Старшыня Беларускай асацыяцыі журналістаў Жана Літвіна пракамэнтавала затрыманьне сябра арганізацыі, праваабаронца Алеся Бяляцкага.
«Тое, што праваабаронцы, сьледам з палітыкамі і журналістамі, сёньня апынуліся ў эпіцэнтры рэпрэсій, выглядае абсалютна лягічным. Менавіта яны ўзялі на сябе клопат пра сотні беларускіх палітрэпрэсаваных і іх сваякоў, не даўшы людзям застацца сам-насам зь бядой, разгубленасьцю, бездапаможнасьцю… Гэта самаахвярная праца, якая вымагае высокага прафэсіяналізму, і нашы праваабаронцы выдатна з ёй спраўляюцца.
Праваабарончы цэнтар „Вясна“ — гэта арганізацыя, якую добра ведаюць ва ўсім сьвеце. З 2004 года яна ўваходзіць у Міжнародную Фэдэрацыю Правоў Чалавека, а кіраўнік „Вясны“ Алесь Бяляцкі зьяўляецца віцэ-прэзыдэнтам МФПЧ.
Алесь — бясстрашны і прынцыповы чалавек. Ні ён, ні яго калегі ніколі не баяліся публічна адстойваць свае перакананьні, за што не раз былі прыцягнутыя да адказнасьці. Гэтыя адкрытасьць і цьвёрдасьць даюць надзею, што Алесь дастойна справіцца і з гэтым чарговым выпрабаваньнем.
Мы заклікаем улады неадкладна вызваліць Алеся Бяляцкага і спыніць перасьлед беларускіх праваабаронцаў. Сёньня ўся праваабарончая супольнасьць павінна кансалідавацца вакол гэтых патрабаваньняў», — цытуе прэсавая служба БАЖ Жанну Літвіну.
«Тое, што праваабаронцы, сьледам з палітыкамі і журналістамі, сёньня апынуліся ў эпіцэнтры рэпрэсій, выглядае абсалютна лягічным. Менавіта яны ўзялі на сябе клопат пра сотні беларускіх палітрэпрэсаваных і іх сваякоў, не даўшы людзям застацца сам-насам зь бядой, разгубленасьцю, бездапаможнасьцю… Гэта самаахвярная праца, якая вымагае высокага прафэсіяналізму, і нашы праваабаронцы выдатна з ёй спраўляюцца.
Праваабарончы цэнтар „Вясна“ — гэта арганізацыя, якую добра ведаюць ва ўсім сьвеце. З 2004 года яна ўваходзіць у Міжнародную Фэдэрацыю Правоў Чалавека, а кіраўнік „Вясны“ Алесь Бяляцкі зьяўляецца віцэ-прэзыдэнтам МФПЧ.
Алесь — бясстрашны і прынцыповы чалавек. Ні ён, ні яго калегі ніколі не баяліся публічна адстойваць свае перакананьні, за што не раз былі прыцягнутыя да адказнасьці. Гэтыя адкрытасьць і цьвёрдасьць даюць надзею, што Алесь дастойна справіцца і з гэтым чарговым выпрабаваньнем.
Мы заклікаем улады неадкладна вызваліць Алеся Бяляцкага і спыніць перасьлед беларускіх праваабаронцаў. Сёньня ўся праваабарончая супольнасьць павінна кансалідавацца вакол гэтых патрабаваньняў», — цытуе прэсавая служба БАЖ Жанну Літвіну.
