Чэрвень месяц — час, калі бацькі і іх амаль дарослыя дзеці канчаткова робяць выбар, куды пасьля школы ісьці далей. Калі дзіця заўсёды было адназначна “лірыкам” ці адназначна “фізыкам”, то вызначыцца няцяжка, але перад тымі, у каго асаблівых прыярытэтаў няма, задача стаіць няпростая. Што рабіць, каб выбраць ВНУ і не расчаравацца, каб ня страціць час? Як ператварыць “угадваньне” ў асэнсаваны працэс з аптымальным каэфіцыентам карыснага дзеяньня?
