Алена Ціхановіч

Алена Ціхановіч родам з Койданава, ці Дзяржынску. Па сканчэньні журфаку БДУ працавала ў газеце «Звязда», адзіным штодзённым беларускамоўным выданьні, што існавала. У раньнія 90-я пачала супрацоўніць са «Свабодай», ветэраны якой абралі яе пазьней «голасам радыё».

Ад 1995 г. — у штаб-кватэры Радыё ў Празе. Эфір застаецца яе ўлюбёнай журналісцкай спэцыялізацыяй, нягледзячы на размовы пра заняпад радыё.

За час доўгага побыту ў Чэхах таксама цесна наблізілася да чэскай тэматыкі і ўмацаваньня беларуска-чэскіх сувязяў.