Пра дачыненьні гэтых палітыкаў пішуць "New York Times", "Boston Globe" ды іншыя амэрыканскія выданьні.
Паводле "Boston Globe", калі Гілары Клінтан возьме ўдзел у выбарчай барацьбе супраць Джона Маккейна, абое яны, магчыма, згадаюць сваё мінулае спаборніцтва, праўда, не за галасы выбарнікаў, а ў колькасьці выпітых кілішкаў гарэлкі. Гэта адбылося ў 2004 годзе ў часе візыту дэлегацыі амэрыканскіх сэнатараў у краіны Балтыі. У свой час гэтая паездка мела даволі шырокі розгалас у сьвеце, аднак у зьвязку зь іншай нагодай. Выступаючы ў Рызе, аўтар “Акту аб дэмакратыі ў Беларусі” Джон Маккейн заявіў, што “ЗША будуць змагацца за вызваленьне Беларусі ад тыраніі”. Сэнатар-рэспубліканец упершыню выклаў афіцыйнае стаўленьне ЗША да рэжыму Лукашэнкі. Амэрыканскія выданьні згадваюць, што тады ў Рызе Маккейн даволі стрымана выказваўся на тэму сваіх прэзыдэнцкіх амбіцыяў.
Газэты таксама прыводзяць некаторыя іншыя дэталі паездкі сэнатараў па краінах Балтыі. У Эстоніі да дэлегацыі далучылася Гілары Клінтан. Паводле "New York Times", менавіта яна стала ініцыятаркай спаборніцтва ў колькасьці выпітай гарэлкі.
Аўтары публікацыяў не называюць пераможцы спаборніцтва. Як піша "Boston Globe", у атачэньні МакКейна прэсе не далі ніякіх камэнтароў. Што да прэсавага аташэ Гілары Клінтан, то ён у размове з журналістамі быў кароткі: “Тое, што адбылося ў Эстоніі, тое засталося ў Эстоніі”.
Паводле друку, сэнатары маюць узаемную сымпатыю. Маккейн неаднойчы называў Гілары Клінтан “сваім хлопцам”. Нягледзячы на прыналежнасьць да розных партыяў, яны вельмі цесна супрацоўнічалі ў сэнацкай камісіі, маюць агульныя пазыцыі ў шэрагу пытаньняў: ад узбраеньняў да кліматычных зьменаў.
Паводле "Boston Globe", калі Гілары Клінтан возьме ўдзел у выбарчай барацьбе супраць Джона Маккейна, абое яны, магчыма, згадаюць сваё мінулае спаборніцтва, праўда, не за галасы выбарнікаў, а ў колькасьці выпітых кілішкаў гарэлкі. Гэта адбылося ў 2004 годзе ў часе візыту дэлегацыі амэрыканскіх сэнатараў у краіны Балтыі. У свой час гэтая паездка мела даволі шырокі розгалас у сьвеце, аднак у зьвязку зь іншай нагодай. Выступаючы ў Рызе, аўтар “Акту аб дэмакратыі ў Беларусі” Джон Маккейн заявіў, што “ЗША будуць змагацца за вызваленьне Беларусі ад тыраніі”. Сэнатар-рэспубліканец упершыню выклаў афіцыйнае стаўленьне ЗША да рэжыму Лукашэнкі. Амэрыканскія выданьні згадваюць, што тады ў Рызе Маккейн даволі стрымана выказваўся на тэму сваіх прэзыдэнцкіх амбіцыяў.
Газэты таксама прыводзяць некаторыя іншыя дэталі паездкі сэнатараў па краінах Балтыі. У Эстоніі да дэлегацыі далучылася Гілары Клінтан. Паводле "New York Times", менавіта яна стала ініцыятаркай спаборніцтва ў колькасьці выпітай гарэлкі.
Аўтары публікацыяў не называюць пераможцы спаборніцтва. Як піша "Boston Globe", у атачэньні МакКейна прэсе не далі ніякіх камэнтароў. Што да прэсавага аташэ Гілары Клінтан, то ён у размове з журналістамі быў кароткі: “Тое, што адбылося ў Эстоніі, тое засталося ў Эстоніі”.
Паводле друку, сэнатары маюць узаемную сымпатыю. Маккейн неаднойчы называў Гілары Клінтан “сваім хлопцам”. Нягледзячы на прыналежнасьць да розных партыяў, яны вельмі цесна супрацоўнічалі ў сэнацкай камісіі, маюць агульныя пазыцыі ў шэрагу пытаньняў: ад узбраеньняў да кліматычных зьменаў.
