Суд над спадаром Шыманскім адбываўся яшчэ 5 траўня. Паколькі самаго актывіста адпаведным чынам не паінфармавалі, ён на судовым паседжаньні не прысутнічаў. Аднак судьдзя Назаранка завочна аштрафавала Зьмітра Шыманскага на адну базавую адзінку за нецэнзурную лаянку на тэрыторыі Ленінскага райаддзелу Берасьця. Адбывалася гэта нібыта 24 сакавіка ў той час, калі спадар Шыманскі выходзіў на волю пасьля 10 сутак адміністрацыйнага арышту “за арганізацыю несанкцыянаванага сходу”.
Падчас разгляду сваёй скаргі ў абласным судзе Зьміцер Шыманскі даводзіў, што ў той дзень быў затрыманы паводле лжывага рапарту міліцыянтаў, а пазьней некаторыя матэрыялы гэтай справы сфальшавалі. У прыватнасьці, была падробленая позва ў суд на 5 траўня, якую нібыта атрымаў спадар Шыманскі.
Урэшце старшыня Берасьцейскага абласнога суду Тамара Сучок адмяніла рашэньне суду першай інстанцыі й накіравала гэтую справу на паўторны разгляд. Зьміцер Шыманскі застаўся задаволены такім рашэньнем і заявіў, што будзе дамагацца свайго поўнага апраўданьня.
Падчас разгляду сваёй скаргі ў абласным судзе Зьміцер Шыманскі даводзіў, што ў той дзень быў затрыманы паводле лжывага рапарту міліцыянтаў, а пазьней некаторыя матэрыялы гэтай справы сфальшавалі. У прыватнасьці, была падробленая позва ў суд на 5 траўня, якую нібыта атрымаў спадар Шыманскі.
Урэшце старшыня Берасьцейскага абласнога суду Тамара Сучок адмяніла рашэньне суду першай інстанцыі й накіравала гэтую справу на паўторны разгляд. Зьміцер Шыманскі застаўся задаволены такім рашэньнем і заявіў, што будзе дамагацца свайго поўнага апраўданьня.
