Мікіта Сасім ужо другі месяц знаходзіцца ў Баранавіцкім сьледчым ізалятары. Яму пагражае да 2 гадоў пазбаўленьня волі, паведаміў адвакат Сасіма.
На суд у Баранавічы прыехалі моладзевыя актывісты, каб выказаць салідарнасьць з Мікітам Сасімам. Каля 50 чалавек прыйшло падтрымаць яго ў судзе.
Мікіта Сасім перад судом заявіў, што спадзяецца на справядлівы разгляд справы. Сваю віну ён прызнае толькі часткова. Ён прызнаў, што некалькі разоў не зьяўляўся на выклік у ваенкамат.
У судзе былі апытаныя тры сьведкі: супрацоўнік ваенкамату, доктар зь мэдычнай камісіі ваенкамату і лекар з паліклінікі. Яны пацьвердзілі свае ранейшыя паказаньні, але яны таксама адзначылі, што Мікіта Сасім зьяўляўся і праходзіў мэдычны агляд для вызначэньня, ці годны ён для праходжаньня вайсковай службы. Але канчатковага рашэньня, ці годны ён для службы, прынята не было.
У верасьні 2005 году Мікіта Сасім быў моцна зьбіты міліцыяй. Ён атрымаў чэрапна-мазгавую траўму і ляжаў у шпіталі. Пасьля гэтага ён мусіў прайсьці мэдкамісіі, каб вызначыць, ці годны ён для службы. Абставіны гэтага зьбіцьця цяпер высьвятляюцца ў судзе. Ёсьць разыходжаньні ў датах. З гэтай прычыны судзьдзя абвясьціў перапынак: ён запрасіў у суд супрацоўніка ваенкамату, каб ён прынёс журнал, у якім утрымваюцца даты, калі Сасім прыходзіў у ваенкамат.
Далейшыя падрабязнасьці слухайце ў эфіры і чытайце пазьней на нашым сайце.
На суд у Баранавічы прыехалі моладзевыя актывісты, каб выказаць салідарнасьць з Мікітам Сасімам. Каля 50 чалавек прыйшло падтрымаць яго ў судзе.
Мікіта Сасім перад судом заявіў, што спадзяецца на справядлівы разгляд справы. Сваю віну ён прызнае толькі часткова. Ён прызнаў, што некалькі разоў не зьяўляўся на выклік у ваенкамат.
У судзе былі апытаныя тры сьведкі: супрацоўнік ваенкамату, доктар зь мэдычнай камісіі ваенкамату і лекар з паліклінікі. Яны пацьвердзілі свае ранейшыя паказаньні, але яны таксама адзначылі, што Мікіта Сасім зьяўляўся і праходзіў мэдычны агляд для вызначэньня, ці годны ён для праходжаньня вайсковай службы. Але канчатковага рашэньня, ці годны ён для службы, прынята не было.
У верасьні 2005 году Мікіта Сасім быў моцна зьбіты міліцыяй. Ён атрымаў чэрапна-мазгавую траўму і ляжаў у шпіталі. Пасьля гэтага ён мусіў прайсьці мэдкамісіі, каб вызначыць, ці годны ён для службы. Абставіны гэтага зьбіцьця цяпер высьвятляюцца ў судзе. Ёсьць разыходжаньні ў датах. З гэтай прычыны судзьдзя абвясьціў перапынак: ён запрасіў у суд супрацоўніка ваенкамату, каб ён прынёс журнал, у якім утрымваюцца даты, калі Сасім прыходзіў у ваенкамат.
Далейшыя падрабязнасьці слухайце ў эфіры і чытайце пазьней на нашым сайце.
