Сайт АГП разьмясьціў заяву некаторых удзельнікаў флэш-мобаў, якія мяркуюць аб’яднацца ў грамадзянскі рух “Ініцыятыва”. У ёй гаворыцца, што флэш-мобы мусяць заставацца ў распарадзе грамадзянаў, а іх удзельнікі не павінны далучаць сябе ні да адной з палітычных партый. Аўтары заявы цьвердзяць: толькі ў такім разе ўдасца “захаваць флэш-мобы ў якасьці асаблівай формы грамадзянскага пратэсту, а ня сродку палітычнай барацьбы”.
Паводле заявы, штаб Аляксандра Мілінкевіча мусіць падтрымаць пасьлявыбарчыя грамадзянскія ініцыятывы, а не ствараць альтэрнатыўныя. Таксама выказваецца гатовасьць да супрацоўніцтва “з афіцыйнымі палітычнымі рухамі на раўнапраўных умовах”.
Сёньня ж гарадзкая ўправа менскай міліцыі зьвярнулася ў пракуратуру па прававую ацэнку флэш-мобаў, што праводзяцца ў Менску. Паводле Інтэрфаксу, міліцыя мае намер выклікаць для гутаркі арганізатара й каардынатара флэш-мобаў, імя якога ёй стала вядома. Зь цьверджаньня намесьніка начальніка менскай міліцыі палкоўніка Аляксандра Найдзенкі, удзельнікі флэш-мобаў ствараюць нязручнасьці менчукам, ад якіх ужо сталі паступаць скаргі. Міліцыянты таксама распачалі адмысловыя тлумачальныя гутаркі ў навучальных установах.
Паводле заявы, штаб Аляксандра Мілінкевіча мусіць падтрымаць пасьлявыбарчыя грамадзянскія ініцыятывы, а не ствараць альтэрнатыўныя. Таксама выказваецца гатовасьць да супрацоўніцтва “з афіцыйнымі палітычнымі рухамі на раўнапраўных умовах”.
Сёньня ж гарадзкая ўправа менскай міліцыі зьвярнулася ў пракуратуру па прававую ацэнку флэш-мобаў, што праводзяцца ў Менску. Паводле Інтэрфаксу, міліцыя мае намер выклікаць для гутаркі арганізатара й каардынатара флэш-мобаў, імя якога ёй стала вядома. Зь цьверджаньня намесьніка начальніка менскай міліцыі палкоўніка Аляксандра Найдзенкі, удзельнікі флэш-мобаў ствараюць нязручнасьці менчукам, ад якіх ужо сталі паступаць скаргі. Міліцыянты таксама распачалі адмысловыя тлумачальныя гутаркі ў навучальных установах.
