На канфэрэнцыі кіраўнікоў дзяржаваў сёньня першай заплянаваная дыскусія пра пашырэньне дэмакратыі ва Ўсходняй Эўропе (“Новыя эўрапейскія дэмакратыі і канцэпцыя адзінай і свабоднай Эўропы: як гэта спалучыць”) і асобна пазначаная тэма доўгатэрміновых наступстваў для Эўрапейскага кантынэнту вынікаў выбараў у Беларусі. Галоўным дакладчыкам на першай сэсіі будзе віцэ-прэзыдэнт ЗША Дзік Чэйні, які ўчора прыляцеў у Вільню.
Дзік Чэйні ўчора увечары адзначыў, што Віленскі форум зьяўляецца добрай магчымасьцю нагадаць сьвету пра каштоўнасьці свабоды і дэмакратыі. У часе сустрэчы з прэзыдэнтам Літвы Валдасам Адамкусам віцэ-прэзыдэнт ЗША Дзік Чэйні вітаў посьпехі Літвы цягам апошніх 15 гадоў.
(Чэйні: ) “Сёньня можам прызнаць той посьпех, якога Літва дасягнула за апошнія 15 гадоў, але ня менш істотна тое, што тут у Вільні мы ізноў можам прапагандаваць каштоўнасьці дэмакратыі і свабоды ў гэтым рэгіёне. У ім яшчэ ёсьць краіны, дзе людзі ня могуць цешыцца гэтымі каштоўнасьцямі.”
Напярэдадні на сваіх форумах у рамках Віленскай канфэрэнцыі-2006 інтэлектуалы і прадстаўнікі недзяржаўных арганізацыяў адзначылі, што пасьля пашырэньня НАТО і Эўразьвязу Эўропа зрабілася як ніколі бясьпечнай. Аднак, паводле іх высноваў, эўрапейская палітыка суседзтва не апраўдала сябе, паколькі дасюль жыхары Беларусі і Расеі ня могуць цешыцца свабодай і дэмакратыяй, а ў Малдове, Грузіі, Нагорным Карабаху і Чэчэніі застаюцца нявырашанымі канфлікты.
Віленскія канфэрэнцыі склікаюцца ўжо дзевяць гадоў, іх мэта – спрыяць разьвіцьцю добрасуседзкіх дачыненьняў, рэгіянальнаму супрацоўніцтву і умацаванью дэмакратыі. Віленская канфэрэнцыя-2006 на тэму “Агульнае бачаньне дзеля агульнага суседзтва” адбываецца пад патранажам двух прэзыдэнтаў – Літвы і Польшчы.
Дзік Чэйні ўчора увечары адзначыў, што Віленскі форум зьяўляецца добрай магчымасьцю нагадаць сьвету пра каштоўнасьці свабоды і дэмакратыі. У часе сустрэчы з прэзыдэнтам Літвы Валдасам Адамкусам віцэ-прэзыдэнт ЗША Дзік Чэйні вітаў посьпехі Літвы цягам апошніх 15 гадоў.
(Чэйні: ) “Сёньня можам прызнаць той посьпех, якога Літва дасягнула за апошнія 15 гадоў, але ня менш істотна тое, што тут у Вільні мы ізноў можам прапагандаваць каштоўнасьці дэмакратыі і свабоды ў гэтым рэгіёне. У ім яшчэ ёсьць краіны, дзе людзі ня могуць цешыцца гэтымі каштоўнасьцямі.”
Напярэдадні на сваіх форумах у рамках Віленскай канфэрэнцыі-2006 інтэлектуалы і прадстаўнікі недзяржаўных арганізацыяў адзначылі, што пасьля пашырэньня НАТО і Эўразьвязу Эўропа зрабілася як ніколі бясьпечнай. Аднак, паводле іх высноваў, эўрапейская палітыка суседзтва не апраўдала сябе, паколькі дасюль жыхары Беларусі і Расеі ня могуць цешыцца свабодай і дэмакратыяй, а ў Малдове, Грузіі, Нагорным Карабаху і Чэчэніі застаюцца нявырашанымі канфлікты.
Віленскія канфэрэнцыі склікаюцца ўжо дзевяць гадоў, іх мэта – спрыяць разьвіцьцю добрасуседзкіх дачыненьняў, рэгіянальнаму супрацоўніцтву і умацаванью дэмакратыі. Віленская канфэрэнцыя-2006 на тэму “Агульнае бачаньне дзеля агульнага суседзтва” адбываецца пад патранажам двух прэзыдэнтаў – Літвы і Польшчы.
