Насуперак меркаваньням экспэртаў — маўляў, Лукашэнка ляціць да Пуціна таргавацца за газ, большая частка размовы была прысьвечаная палітычнай сытуацыі ў Беларусі. Паказальна, што сустрэча лідэраў адбылася на наступны дзень пасьля перамоваў Пуціна з канцлеркай Нямечыны Ангелай Мэркель. Ня выключана, што ў часе размовы паўстала і беларускае пытаньне — дагэтуль Мэркель двойчы сустракалася з Аляксандрам Мілінкевічам, і навіна пра арышт аднаго зь лідэраў беларускай апазыцыі наўрад ці магла прайсьці незаўважанай. Мабыць, таму гутарка Пуціна і Лукашэнкі пачалася з размовы пра пажаданьне наяўнасьці ў Беларусі “канструктыўнай апазыцыі”.
(Пуцін: ) “Усе палітычныя сілы, якія сябе актыўна паводзілі (і гэта натуральна ў часе выбарчай кампаніі) — ці ўдасца, як вы лічыце, усё ж аб’яднаць іх вакол асноўных праблемаў разьвіцьця краіны?”
(Лукашэнка: ) “Калі яны каго і аб’яднаюць, то гэта яшчэ адну-дзьве тысячы чалавек. Я не магу сказаць, што яны для нас ня важныя. І дзьве тысячы — гэта вельмі важна. Але калі яны і надалей будуць іншую пазыцыю займаць, то мы і бязь іх абыдземся. Мы краіну ўтрымаем у патрэбным кірунку, у тым кірунку, што і вам сорамна ня будзе, і міжнароднай супольнасьці за нас сорамна ня будзе”.
(Пуцін: ) “Мне было прыемна пачуць, што вы арыентаваныя на канструктыўную працу з усімі”.
(Лукашэнка: ) “Ну, канечне. Грэшна проста рабіць па-іншаму”.
Аляксандар Лукашэнка лічыць, што само паняцьце апазыцыі ў Беларусі штучнае. Як выказаўся беларускі лідэр, паколькі за яго прагаласавала “практычна ўсё насельніцтва, за бортам апынуліся хіба што “адна-дзьве тысячы малалетак, якія імкнуліся за грошы нешта дэстабілізаваць”.
Расейскі праваабаронца Сяргей Кавалёў, які падчас выбараў быў у Беларусі як назіральнік, лічыць размовы паміж Пуціным і Лукашэнкам пра “кантруктыўную апазыцыю” абсалютна недарэчнымі.
(Кавалёў: ) “Размовы пра канструктыўную апазыцыю абсалютна бессэнсоўныя і нават, я б сказаў, дурныя. У нашым выпадку магчымая толькі незамірымая апазыцыя. Канструктыўная апазыцыя вельмі цывілізаваная, вельмі важная, вельмі запатрабаваная — але толькі пры адной умове: яна магчымая пры ўмове канструктыўнай улады. Вашая і нашая ўлады — дэструктыўныя. Ніякія канструктыўныя апазыцыі такім уладам не патрэбныя. Такія ўлады трэба проста гнаць пінком пад зад. Нічога іншага яны не разумеюць”.
Расейскія мэдыі называюць візыт Лукашэнкі ў Санкт-Пецярбург нечаканым. Прынамсі, дагэтуль паездка беларускага кіраўніка на сьвяткаваньне 100-годзьдзя расейскай Дзярждумы не анансавалася. Між тым, ёсьць зьвесткі, што радасны настрой Лукашэнкі можа быць папсаваны. Напярэдадні “Газпром” абвясьціў (а ёсьць зьвесткі, што ў Санкт-Пецярбурзе гэтыя лічбы былі пацьверджаныя) пра пераход на камэрцыйныя кошты за прыродны газ. Ад 2007 году Беларусі будуць прапанаваныя 145 даляраў за 1тысячу кубамэтраў. Цяпер Беларусь набывае газ утрая таньней.
(Пуцін: ) “Усе палітычныя сілы, якія сябе актыўна паводзілі (і гэта натуральна ў часе выбарчай кампаніі) — ці ўдасца, як вы лічыце, усё ж аб’яднаць іх вакол асноўных праблемаў разьвіцьця краіны?”
(Лукашэнка: ) “Калі яны каго і аб’яднаюць, то гэта яшчэ адну-дзьве тысячы чалавек. Я не магу сказаць, што яны для нас ня важныя. І дзьве тысячы — гэта вельмі важна. Але калі яны і надалей будуць іншую пазыцыю займаць, то мы і бязь іх абыдземся. Мы краіну ўтрымаем у патрэбным кірунку, у тым кірунку, што і вам сорамна ня будзе, і міжнароднай супольнасьці за нас сорамна ня будзе”.
(Пуцін: ) “Мне было прыемна пачуць, што вы арыентаваныя на канструктыўную працу з усімі”.
(Лукашэнка: ) “Ну, канечне. Грэшна проста рабіць па-іншаму”.
Аляксандар Лукашэнка лічыць, што само паняцьце апазыцыі ў Беларусі штучнае. Як выказаўся беларускі лідэр, паколькі за яго прагаласавала “практычна ўсё насельніцтва, за бортам апынуліся хіба што “адна-дзьве тысячы малалетак, якія імкнуліся за грошы нешта дэстабілізаваць”.
Расейскі праваабаронца Сяргей Кавалёў, які падчас выбараў быў у Беларусі як назіральнік, лічыць размовы паміж Пуціным і Лукашэнкам пра “кантруктыўную апазыцыю” абсалютна недарэчнымі.
(Кавалёў: ) “Размовы пра канструктыўную апазыцыю абсалютна бессэнсоўныя і нават, я б сказаў, дурныя. У нашым выпадку магчымая толькі незамірымая апазыцыя. Канструктыўная апазыцыя вельмі цывілізаваная, вельмі важная, вельмі запатрабаваная — але толькі пры адной умове: яна магчымая пры ўмове канструктыўнай улады. Вашая і нашая ўлады — дэструктыўныя. Ніякія канструктыўныя апазыцыі такім уладам не патрэбныя. Такія ўлады трэба проста гнаць пінком пад зад. Нічога іншага яны не разумеюць”.
Расейскія мэдыі называюць візыт Лукашэнкі ў Санкт-Пецярбург нечаканым. Прынамсі, дагэтуль паездка беларускага кіраўніка на сьвяткаваньне 100-годзьдзя расейскай Дзярждумы не анансавалася. Між тым, ёсьць зьвесткі, што радасны настрой Лукашэнкі можа быць папсаваны. Напярэдадні “Газпром” абвясьціў (а ёсьць зьвесткі, што ў Санкт-Пецярбурзе гэтыя лічбы былі пацьверджаныя) пра пераход на камэрцыйныя кошты за прыродны газ. Ад 2007 году Беларусі будуць прапанаваныя 145 даляраў за 1тысячу кубамэтраў. Цяпер Беларусь набывае газ утрая таньней.
