26 верасьня на пятай сэсіі Менскага гарадзкога савету дэпутаты пастанавілі даць назвы шэрагу новых і перайменаваць некаторыя вуліцы сталіцы.
З просьбай назваць вуліцы імёнамі Сапегі, Брыля і Вайніловіча зьвярнулася Таварыства беларускай мовы і Рымска-каталіцкі касьцёл.
У новым мікрараёне Міхалова плянавалі новым вуліцам надаць імёны клясыка беларускай літаратуры Янкі Брыля й вядомага дзяржаўнага і палітычнага дзеяча Беларусі, канцлера Вялікага Княства Літоўскага Лява Сапегі.
Таксама было рашэньне аб перайменаваньні вуліцы Берсана ў вуліцу імя заснавальніка касьцёла сьвятых Сымона і Алены Эдварда Вайніловіча. Тады “за” прагаласавалі 37 дэпутатаў з 44.
Дэпутат Менскага гарадзкога савету, намесьнік старшыні камісіі па культуры Ўладзімер Краўчанка паведаміў, што афіцыйнага адказу зь Міністэрства юстыцыі дэпутаты пакуль не атрымалі. Але навіной быў зьдзіўлены:
“Павінна ж быць нейкая прычына! Дапусьцім, называньне вуліцы імем Напалеона Орды прайшло экспэртызу, чаму тады Сапегі не прайшло? Берсана — так, тут мог нейкі фактар ролю адыграць. А што тычыцца Сапегі й Янкі Брыля — мне зусім не зразумела”.
Нічога канкрэтнага не адказалі й ва ўпраўленьні культуры Менгарвыканкаму. Натальля Старыкава, загадчыца сэктару культасьветработы, якая займаецца пытаньнямі перайменаваньня вуліц, на пытаньне “Свабоды” адказала так:
“Я ня ведаю, інфармацыя, пра якую вы кажаце, мне не расьпісаная”.
Карэспандэнтка: “Але такая інфармацыя павінна зь Мін’юсту да вас паступіць?”
“У прынцыпе, так. Калі палічаць патрэбным, то паступіць”.
Начальнік Упраўленьня прававой экспэртызы прававых актаў Нацбанку і рэспубліканскіх органаў дзяржаўнага кіраваньня Міністэрства юстыцыі Вера Ярохава спаслалася на занятасьць і паскардзілася, што ня мае фэнамэнальнай памяці, каб згадаць усе дакумэнты:
“Цяпер я нічога вам сказаць не магу, таму што трэба глядзець гэты дакумэнт, а дакумэнтаў ідзе вельмі шмат на нашае ўпраўленьне. Такіх, якія не праходзяць экспэртызу, таксама нямала”.
Карэспандэнтка: “А ці ўсе перайменаваньні вуліцаў павінны праходзіць экспэртызу Мін’юсту?”
“Па-рознаму перайменаваньні адбываюцца. Ёсьць указы прэзыдэнта — яны, натуральна, у нас не праходзяць экспэртызу. У нас экспэртыза толькі мясцовых выканаўчых і распарадчых органаў і міністэрстваў ведамаснага ўзроўню”.
Такім чынам, атрымліваецца, што калі перайменавалі праспэкт Скарыны ў праспэкт Незалежнасьці, праспэкт Машэрава ў праспэкт Пераможцаў — экспэртыза Міністэрства юстыцыі не была патрэбная, бо быў указ прэзыдэнта.
А калектыўнае рашэньне дэпутатаў Менгарсавету павінна праходзіць прававую экспэртызу.
З просьбай назваць вуліцы імёнамі Сапегі, Брыля і Вайніловіча зьвярнулася Таварыства беларускай мовы і Рымска-каталіцкі касьцёл.
У новым мікрараёне Міхалова плянавалі новым вуліцам надаць імёны клясыка беларускай літаратуры Янкі Брыля й вядомага дзяржаўнага і палітычнага дзеяча Беларусі, канцлера Вялікага Княства Літоўскага Лява Сапегі.
Таксама было рашэньне аб перайменаваньні вуліцы Берсана ў вуліцу імя заснавальніка касьцёла сьвятых Сымона і Алены Эдварда Вайніловіча. Тады “за” прагаласавалі 37 дэпутатаў з 44.
Дэпутат Менскага гарадзкога савету, намесьнік старшыні камісіі па культуры Ўладзімер Краўчанка паведаміў, што афіцыйнага адказу зь Міністэрства юстыцыі дэпутаты пакуль не атрымалі. Але навіной быў зьдзіўлены:
“Павінна ж быць нейкая прычына! Дапусьцім, называньне вуліцы імем Напалеона Орды прайшло экспэртызу, чаму тады Сапегі не прайшло? Берсана — так, тут мог нейкі фактар ролю адыграць. А што тычыцца Сапегі й Янкі Брыля — мне зусім не зразумела”.
Нічога канкрэтнага не адказалі й ва ўпраўленьні культуры Менгарвыканкаму. Натальля Старыкава, загадчыца сэктару культасьветработы, якая займаецца пытаньнямі перайменаваньня вуліц, на пытаньне “Свабоды” адказала так:
“Я ня ведаю, інфармацыя, пра якую вы кажаце, мне не расьпісаная”.
Карэспандэнтка: “Але такая інфармацыя павінна зь Мін’юсту да вас паступіць?”
“У прынцыпе, так. Калі палічаць патрэбным, то паступіць”.
Начальнік Упраўленьня прававой экспэртызы прававых актаў Нацбанку і рэспубліканскіх органаў дзяржаўнага кіраваньня Міністэрства юстыцыі Вера Ярохава спаслалася на занятасьць і паскардзілася, што ня мае фэнамэнальнай памяці, каб згадаць усе дакумэнты:
“Цяпер я нічога вам сказаць не магу, таму што трэба глядзець гэты дакумэнт, а дакумэнтаў ідзе вельмі шмат на нашае ўпраўленьне. Такіх, якія не праходзяць экспэртызу, таксама нямала”.
Карэспандэнтка: “А ці ўсе перайменаваньні вуліцаў павінны праходзіць экспэртызу Мін’юсту?”
“Па-рознаму перайменаваньні адбываюцца. Ёсьць указы прэзыдэнта — яны, натуральна, у нас не праходзяць экспэртызу. У нас экспэртыза толькі мясцовых выканаўчых і распарадчых органаў і міністэрстваў ведамаснага ўзроўню”.
Такім чынам, атрымліваецца, што калі перайменавалі праспэкт Скарыны ў праспэкт Незалежнасьці, праспэкт Машэрава ў праспэкт Пераможцаў — экспэртыза Міністэрства юстыцыі не была патрэбная, бо быў указ прэзыдэнта.
А калектыўнае рашэньне дэпутатаў Менгарсавету павінна праходзіць прававую экспэртызу.
