Дата дня
Пад 2 кастрычніка 1323 году зафіксавана першая пісьмовая згадка Вільні — у лісьце вялікі князь літоўскі Гедзімін называе горад сваім «стольным градам».
Таксама ў гэты дзень
1413 — была заключана Гарадзельская унія Вялікага Княства Літоўскага з Каралеўствам Польскім, якая надала беларуска-літоўскай шляхце палітычныя правы.
1523 — у кракаўскай друкарні на лацінскай мове выйшаў зборнік Міколы Гусоўскага «Песьня пра зубра», які складаўся з прысьвячэньня каралеве Боне Сфорцы, уласна паэмы і 11 вершаў.
1870 — Рым стаў сталіцай аб’яднанай Італіі.
1930 — у Горадні надрукаваны першы нумар часопіса «Беларуская думка».
1990 — выйшаў першы нумар газэты Вярхоўнага Савету Рэспублікі Беларусь «Народная газета».
У гэты дзень нарадзіліся
1819 — Аляксандар Незабытоўскi, беларускі і польскі пісьменьнік.
1828 — Міхаіл Каяловіч, гісторык, грамадзкі дзеяч, адзін з родапачынальнікаў ідэалёгіі «заходнерусізму».
1869 — Магатма Гандзі, ідэоляг і адзін з кіраўнікоў нацыянальна-вызвольнага руху Індыі.
1904 — Грэм Грын, ангельскі пісьменьнік, драматург і літаратурны крытык.
1951 — Стынг, брытанскі рок-музыкант.
1961 — Сяргей Шупа, беларускі перакладнік і журналіст.
1965 — Зьміцер Сідаровіч, беларускі музыка, дудар, лідэр гурту «Камэлот», аўтар і выканаўца песень, зьбіральнік фальклёру, навуковец. Памёр 17 траўня 2014 году.
У памяці
1800 — Мацей Радзівіл, драматург, кампазытар.
1892 — Эрнэст Рэнан, францускі пісьменьнік, гісторык і філёляг
1924 — Аляксей Сапуноў, гісторык, археограф, краязнаўца.
1968 — Аляксей Глебаў, беларускі скульптар.
