«Прэмʼер-міністар адзначыў імкненьне Вялікабрытаніі ўзмацніць падтрымку Ўкраіны, у тым ліку шляхам прадастаўленьня танкаў Challenger 2 і дадатковых артылерыйскіх сыстэм», — гаворыцца ў паведамленьні на сайце ўраду Вялікабрытаніі.
Зяленскі напісаў у сваім твітары аб падтрымцы з боку Вялікабрытаніі, якая стала «непрабіўной і гатовай да выклікаў». У размове з прэмʼер-міністрам Рышы Сунаком кіраўнік Украіны падзякаваў яму за рашэньні, «якія не толькі ўзмоцняць Украіну на полі бою, але і стануць правільным сыгналам для іншых партнэраў».
11 студзеня прэзыдэнт Польшчы Анджэй Дуда паабяцаў перадаць Украіне роту танкаў Leopard 2 нямецкай вытворчасьці. «Рота танкаў Leopard для Украіны будзе перададзена ў рамках стварэньня міжнароднай кааліцыі. Такое рашэньне ўжо ёсьць у Польшчы», — заявіў польскі прэзыдэнт.
Цяпер Украіна ваюе савецкімі танкамі Т-64: украінскімі ў стандартнай камплектацыі і мадэрнізаванымі, пастаўленымі Чэхіяй і Польшчай. Украінскія вайскоўцы тлумачаць, чым ад гэтых танкаў адрозьніваецца Leopard:
Гаворка ідзе аб 14 адзінках тэхнікі. Са слоў Дуды вынікае, што Польшча ня будзе пастаўляць танкі сама па сабе, а гатова да такіх паставак па ўзгадненьні з саюзьнікамі. Першым чынам гаворка ідзе аб вытворцы танкаў Нямеччыны. Аднак пра дакладнае рашэньне нямецкіх уладаў аб пастаўцы Ўкраіне танкаў Leopard 2 пакуль невядома.
Прадстаўнікі Ўкраіны неаднаразова заяўлялі аб неабходнасьці сучасных танкаў. Яшчэ ў верасьні 2022 году выданьне Politico са спасылкай на свае крыніцы пісала, што Ўкраіна папрасіла Захад аб тэрміновых пастаўках сучасных танкаў, каб дабіцца посьпеху пры контрнаступленьні на паўночным усходзе краіны.