Колькасьць загінулых у выніку мусонных дажджоў і рэзкіх паводак, якія працягваліся больш чым пяць тыдняў у Пакістане, дасягнула 304 чалавек, паведамілі ўлады краіны, піша Associated Press.
Асабліва моцна пацярпела няўстойлівая бедная паўднёва-заходняя правінцыя Бэлуджыстан, дзе 99 чалавек загінулі ў выніку інцыдэнтаў, зьвязаных з дажджом і наступнай паводкай, а затым 70 чалавек загінулі ў паўднёвай правінцыі Сінд.
Таксама 61 чалавек загінуў у паўночна-заходняй правінцыі Хайбэр-Пахтунхва, якая мяжуе з Афганістанам, і 60 — ва ўсходняй правінцыі Пэнджаб. Сярод загінулых жанчыны і дзеці, па меншай меры 284 чалавекі атрымалі раненьні.
Кожны год вялікая частка Пакістану змагаецца са штогадовымі мусонамі, выклікаючы крытыку дрэнным дзяржаўным плянаваньнем. Сэзон доўжыцца зь ліпеня па верасень. Дажджы неабходныя для арашэньня пасеваў і папаўненьня грэбляў і іншых вадасховішчаў у Пакістане.
