Іх затрымалі 28 лютага на вакзале, дзе людзі сабраліся пратэставаць супраць уварваньня ва Ўкраіну. Сёньня адбыўся суд. Ганну Севярынец у залю не пусьцілі, яна слухала паседжаньне пад дзьвярыма і напісала скаргу на дзеяньні судзьдзі, паведамляе Reform.by.
«Вы пытаеце, як я — я нармальна. Дзякуй Богу, у 2000 і 2004 годзе я нарадзіла ня хлопчыкаў, а дачушак. Былі б хлопчыкі — шукала б цяпер па сьвеце пяты кут для паратунку ад прызыву, а так проста гартаю сьпісы пад ізалятарам часовага ўтрыманьня. Сотням тысяч мамак зараз у сто тысяч разоў цяжэй і страшней», — напісала Ганна на наступны дзень пасьля затрыманьня дачок.
