За мінулы дзень у Літве на мяжы разьвярнулі ў Беларусь амаль 250 мігрантаў, паведаміла Delfi.lt з спасылкай на прадстаўніка Службы аховы мяжы.
Ніводнага мігранта не затрымалі і не ўпусьцілі ў Літву, за выключэньнем жанчыны зь дзіцем. Лекары адвезьлі іх у літоўскі шпіталь, дзе ў дзіцяці дыягнаставалі пераахалоджаньне.
Сёлета ў Літву церазь мяжу зь Беларусьсю трапіла больш за 4 тысячы нелегальных мігрантаў, пераважна з Іраку. Пасьля таго, як Літва стала ўжываць меры па вяртаньні мігрантаў у Беларусь, іх паток павялічыўся і церазь мяжу з Польшчай і Латвіяй.
