Зьвяртаючыся да нячастага зьезду сваёй кіруючай Рабочай партыі, Кім таксама паабяцаў пашырыць арсэнал ядзернай зброі Паўночнай Карэі і ваенны патэнцыял.
Ён сказаў, што пляны стварэньня атамнай падводнай лодкі практычна завершаныя.
Аналітыкі мяркуюць, што выказваньні Кім Чэн Ына — гэта спроба зрабіць ціск на новую адміністрацыю ЗША, якая прыйдзе да ўлады 20 студзеня, калі адбудзецца інаўгурацыя новаабранага прэзыдэнта Джо Байдэна.
Кім Чэн Ын падтрымліваў цёплыя дачыненьні з прэзыдэнтам ЗША Дональдам Трампам, хоць за часы яго прэзыдэнцтва ў перамовах аб ядзернай праграме Паўночнай Карэі было дасягнута мала.
